شعر جو ضرب المثل بنے

[فاتح]

اس شہرِ خرابی میں غمِ عشق کے مارے
زندہ ہیں، یہی بات بڑی بات ہے پیارے​

 

[فاتح]

نیل کے ساحل سے لے کر تا بہ خاکِ کاشغر
ایک ہوں مسلم حرم کی پاسبانی کے لئے​

اقبال

 

[فاتح]

لکھتے رہے جنوں کی حکایاتِ خونچکاں
ہرچند اس میں ہاتھ ہمارے قلم ہوئے
غالب​

 

[فاتح]

پھونکوں سے یہ چراغ بجھایا نہ جائے گا (ظفر علی خان)

نور خدا ہے کفر کی حرکت پہ خندہ زن
پھونکوں سے یہ چراغ بجھایا نہ جائے گا

 

[فاتح]

ہم پرورشِ لوح و قلم کرتے رہیں گے
جو دل پہ گزرتی ہے رقم کرتے رہیں گے​

فیض

 

[shahzadafzal]

کتنا ہے بدنصیب ظفر دفن کے لیے
دو گز زمیں بھی نہ ملی کوئے یار میں

 

[فاتح]

کتنا ہے بدنصیب ظفر دفن کے لیے
دو گز زمیں بھی نہ ملی کوئے یار میں

شاید یہ مصرع کچھ یوں‌ہے:
دو گز زمیں بھی مل نہ سکی کوئے یار میں

 

[shahzadafzal]

تھینک یو برادر فار کریکشن!!!!!!!!!!

 

[محمد وارث]

میر انیس کا یہ شعر

بے درد و الم شامِ غریباں نہیں گزری
دنیا میں کسی کی کبھی یکساں نہیں گزری

 

[محمد وارث]

میر انیس کا یہ شعر

گلدستۂ معنی کو نئے ڈھنگ سے باندھوں
اِک پھول کا مضموں ہو تو سَو رنگ سے باندھوں

 

[فرخ منظور]

اب اداس پھرتے ہو سردیوں کی شاموں میں
اس طرح تو ہوتا ہے اس طرح کے کاموں میں


اگر میں غلطی پر نہیں تو یہ شعر ناصر کاظمی کا ہے

کوئی صاحب یا صاحبہ تصحیح فرما دیں تو تشکر

اب اداس پھرتے ھو سردیوں کی شاموں میں
اس طرح تو ہوتا ھے اس طرح کے کاموں میں

یہ شعر شعیب بن عزیز کا ھے

 

[فرخ منظور]

جو لوگ کچھ نہیں کرتے کمال کرتے ھیں

بٹھا کے یار کو پہلو میں رات بھر امیر
جو لوگ کچھ نہیں کرتے کمال کرتے ہیں

امیر مینائی

 

[فرخ منظور]

ساغر صدیقی کی اس غزل کے کئی اشعار ضرب المثل بن چکے ہیں۔

ہے دعا یاد مگرحرفِ دعا یاد نہیں
میرے نغمات کو اندازِ نوا یاد نہیں

ہم نے جن کے لیے راہوں میں بچھایاتھا لہو
ہم سے کہتے ہیں وہی عہدِ وفا یاد نہیں

زندگی جبر مسلسل کی طرح کاٹی ہے
جانےکس جرم کی پائی ہے سزا یاد نہیں

میں نے پلکوں پہ درِ یار سے دستک دی ہے
میں وہ سائل ہوں جسے کوئی صدا یاد نہیں

کیسے بھر آئیں سرِ شام کسی کی آنکھیں
کسے تھرائی چراغوں کی ضیا یاد نہیں

صرف دھندلائے ستاروں کی چمک دیکھی ہے
کب ہوا کون ہوا مجھ سے خفا یاد نہیں

آؤ اک سجدہ کریں عالمِ مدہوشی میں
لوگ کہتے ہیں کہ ساغر کو خدا یاد نہیں​

زندگی جبر مسلسل کی طرح کاٹی ہے
جانےکس جرم کی پائی ہے سزا یاد نہیں

ساغر کے اس شعر کے بعد مجھے فیض کا یہ شعر ہمیشہ یاد آتا ھے-

زندگی کیا کسی مفلس کی قبا ہے جس میں
ہر گھڑی درد کے پیوند لگے جاتے ہیں

 

[امیداورمحبت]

فاصلے قرب کے شعلوں کو ہوا دیتے ہیں
میں تیرے شہر سے دور اور تو میرے دھیان میں ہے​

(احمد فراز)

 

[فرخ منظور]

اے ذوق کسی ہمدمِ دیرینہ کا ملنا
بہتر ہے ملاقاتِ مسیحا و خضر سے

(استاد ابراہیم ذوق)

 

[فرحت کیانی]

گر بخشے، زہے قسمت، نہ بخشے تو شکایت کیا
سرِ تسلیمِ خم ہے جو مزاجِ یار میں آئے

اصغر خان اصغر

 

[مغزل]

کربلا کیلیے مخصوص ہے بس ایک ہی شخص
دوسرا کوئی بھی شبیر نہیں ہوسکتا
شبیر نازش

 

[فرخ منظور]

میر عمداً بھی کوئی مرتا ہے
جان ہے تو جہان ہے پیارے

(میر تقی میر)

 

[فاتح]

گر بخشے، زہے قسمت، نہ بخشے تو شکایت کیا
سرِ تسلیمِ خم ہے جو مزاجِ یار میں آئے
اصغر خان اصغر

بہت شکریہ فرحت! لیکن اس مصرع میں شاید "اگر بخشے" ہے۔

میر عمداً ہی کوئی مرتا ہے
جان ہے تو جہان ہے پیارے
(میر تقی میر)

فرخ صاحب! آج تک میں مصرع اولٰی کو یوں سمجھتا رہا ہوں:
میر عمداً "بھی" کوئی مرتا ہے

 

[فرخ منظور]

بہت شکریہ فرحت! لیکن اس مصرع میں شاید "اگر بخشے" ہے۔



فرخ صاحب! آج تک میں مصرع اولٰی کو یوں سمجھتا رہا ہوں:
میر عمداً "بھی" کوئی مرتا ہے

حضور آپ ٹھیک کہہ رہے ہیں۔ یہاں "بھی" ہے ابھی درست کرتا ہوں۔ نول کشور کا چھپا ہوا یہ دیوان بہت مشکل سے پڑھا جا رہا ہے اسی لئے میں نے غلطی کر دی وہاں بھی کی املا بہی لکھی ہے جیسے میں ہی سمجھا۔