شعر جو ضرب المثل بنے

[مغزل]

شکریہ جناب، کتاب کا تعارف یہاں محفل میں پیش ہوچکا ہے ، یونی کوڈ میں کرنا ممکن نہیں کہ کتاب کا ڈیٹاحقوق محفوظ کی وجہ سے حاصل کرنا محال ہے۔ میں لیاقت علی عاصم اور انور جاوید ہاشمی صاحب اسی صحت پر ایک کتاب مکمل کرچکے ہیں طباعت کا مرحلہ باقی ہے ۔ انشا اللہ وہ دیگر دوستوں کی طرح آپ کو بھی پیش کی جائیگی اور انشا اللہ فورم پر بھی

 

[مغزل]

فاتح بھائی فرحت بہن نے اس کتاب پر تبصرہ یہاں شامل کیا ہے ملاحظہ کیجے

 

[مغزل]

بہت شکریہ محمود مغل صاحب۔
گویا اصل شعر تو یہ ہے لیکن اس کے مصرع ثانی پر کسی شاعر نے تمام رات حور کو پہلو میں بٹھانے والا مصرع باندھا ہے۔ اب یہ بھی معلوم کیجیے کہ وہ مشہورِ زمانہ تضمین کس کی ہے۔
جس کتاب "ضرب المثال اشعار" کا حوالہ آپ نے دیا ہے اسے یونیکوڈ میں شایع کرنے کا اہتمام بھی کیا جا سکتا ہے۔ کم از کم اس کا تفصیلی تعارف تو ضرور درج کیجیے۔

شکریہ فاتح بھائی میں کوشش کرتا ہوں کہ رئیس فاطمہ (معروف افسانہ نگار اظہاری نویس) کی وساطت سے تحریری مواد حاصل کرسکوں۔۔

 

[چھوٹاغالبؔ]

عدم
چبھتی ہے قلب و جاں میں ستاروں کی روشنی
اے چاند ڈوب جا کہ طبیعت اداس ہے

 

[مغزل]

ہوتی نہیں قبول دعا ترکِ عشق کی
جی چاہتا نہ ہو تو دعا میں اثر کہاں

 

[احسن اظہر]

ابتدائے عشق ہے روتا ہے کیا
آگے آگے دیکھیے ہوتا ہے کیا
(میر تقی میر)

درست شعر کچھ یوں ہے
راہِ دور عشق ہے روتا ہے کیا
آگے آگے دیکھیے ہوتا ہے کیا(میر تقی میر)

 

[مہ جبین]

میں اس دھاگے کے سارے صفحات ابھی نہیں پڑھے ہیں ۔ کافی دلچسپ موضوع ہے۔ اچھا لگا
ایک مشہور شعر لکھ رہی ہوں اگر پہلے کسی نے لکھا ہو تو۔۔۔۔۔۔۔۔۔۔۔کوئی بات نہیں دوبارہ پڑھ لیں
عمر دراز مانگ کر لائے تھے چار دن
دو آرزو میں کٹ گئے ، دو انتظار میں

 

[انتہا]

اس کے الطاف تو ہیں عام شہیدی سب پہ
تجھ سے کیا ضد تھی اگر تُو کسی قابل ہوتا

 

[مہ جبین]

ہزاروں سال نرگس اپنی بے نوری پہ روتی ہے
بڑی مشکل سے ہوتا ہے چمن میں دیدہ ور پیدا
اقبال

 

[مہ جبین]

موتی سمجھ کے شان کریمی نے چن لئے
قطرے جو تھے مرے عرق انفعال کے
اقبال

 

[مہ جبین]

خودی کو کر بلند اتنا کہ ہر تقدیر سے پہلے۔۔۔۔!
خدا بندے سے خود پوچھے بتا تیری رضا کیا ہے
اقبال

 

[مہ جبین]

ایک ہی صف میں کھڑے ہوگئے محمود و ایاز
نہ کوئی بندہ رہا اور نہ کوئی بندہ نواز۔۔۔۔۔۔!

 

[مہ جبین]

وجود زن سے ہے تصویر کائنات میں رنگ
اسی کے ساز سے ہے زندگی کا سوز دروں
اقبال

 

[مہ جبین]

خدا تجھے کسی طوفاں سے آشنا کردے
کہ تیرے بحر کی موجوں میں اضطراب نہیں
اقبال

 

[مہ جبین]

افراد کے ہاتھوں میں ہے اقوام کی تقدیر
ہر فرد ہے ملت کے مقدر کا ستارہ
اقبال

 

[فرخ منظور]

خدا تجھے کسی طوفاں سے آشنا کردے
کہ تیری بحر کی موجوں میں اضطراب نہیں
اقبال

خدا تجھے کسی طوفاں سے آشنا کر دے
کہ تیرے بحر کی موجوں میں اضطراب نہیں

 

[فاتح]

ایک ہی صف میں کھڑے ہوگئے محمود و ایاز
نہ کوئی بندہ رہا، نہ کوئی بندہ نواز۔۔۔۔ ۔۔!

نہ کوئی بندہ رہا اور نہ کوئی بندہ نواز

 

[شمشاد]

فرخ بھائی، فاتح بھائی غلطی کی نشاندہی کا آپ کا شکریہ۔ تدوین کر دی ہے۔

 

[انتہا]

باریک بیں سمجھ گئے مطلب انیس کا
انتیس کا وہ چاندتھا یہ چاند تیس کا
میر انیس

 

[مہ جبین]

فرخ بھائی، فاتح بھائی غلطی کی نشاندہی کا آپ کا شکریہ۔ تدوین کر دی ہے۔

آپ تینوں بھائیوں کا بہت شکریہ