شعر جو ضرب المثل بنے

[مہ جبین]

پرواز ہے دونوں کی اسی ایک فضا میں
کرگس کا جہاں اور ہے، شاہیں کا جہاں اور
اقبال

 

[مہ جبین]

نہیں تیرا نشیمن قصر سلطانی کے گنبد پر
تو شاہیں ہے بسیرا کر پہاڑوں کی چٹانوں میں
اقبال

 

[فرخ منظور]

نہیں تیرا نشیمن قصر سلطانی کے گنبد پر
تو شاہیں ہے بسیرا کر پہاڑوں کی چٹانوں پر
اقبال

نہیں تیرا نشیمن قصر ِسلطانی کے گنبد پر
تو شاہیں ہے ، بسیرا کر پہاڑوں کی چٹانوں میں

 

[فرخ منظور]

پرواز ہے دونوں کی اسی ایک فضا میں
شاہیں کا جہاں اور ہے کرگس کا جہاں اور
اقبال

پرواز ہے دونوں کی اسی ایک فضا میں
کرگس کا جہاں اور ہے ، شاہیں کا جہاں اور

 

[شمشاد]

فرخ بھائی بہت شکریہ۔ میں نے مندرجہ بالا اشعار میں تدوین کر دی ہے۔

 

[چھوٹاغالبؔ]

تر دامنی پہ ہماری نہ شیخ جائیو!
دامن نچوڑ دیں تو فرشتے وضو کریں

(شاعر کا نام معلوم نہیں)

 

[فرخ منظور]

تر دامنی پہ ہماری نہ شیخ جائیو!
دامن نچوڑ دیں تو فرشتے وضو کریں

(شاعر کا نام معلوم نہیں)

تر دامنی پہ شیخ ہماری نہ جائیو
دامن نچوڑ دیں تو فرشتے وضو کریں
(خواجہ میر درد)

 

[انتہا]

ہاں گردشِ ایام ابھی اور بڑھے گی
ہاں اہلِ ستم مشقِ ستم کرتے رہیں گے
فیض

 

[مہ جبین]

اپنی ملت پر قیاس اقوام مغرب سے نہ کر
خاص ہے ترکیب میں قوم رسول ہاشمی (صلی اللہ علیہ وسلم)
علامہ اقبال

 

[مہ جبین]

غلامی میں نہ کام آتی ہیں ، شمشیریں نہ تدبیریں
جو ہو ذوق یقیں پیدا تو کٹ جا تی ہیں زنجیریں
علامہ اقبال

 

[مہ جبین]

کوئی اندازہ کرسکتا ہے اسکے زور بازو کا؟
نگاہ مرد مومن سے بدل جاتی ہیں تقدیریں
علامہ اقبال

 

[مہ جبین]

اندازِ بیاں گرچہ مرا شوخ نہیں ہے۔۔۔۔!
شاید کہ اتر جائے ترے دل میں مری بات
علامہ اقبال

(تدوین کر دی ہے)

 

[فرخ منظور]

اندازِ بیاں گرچہ مرا شوخ نہیں ہے۔۔۔۔ !
شاید کہ ترے دل میں اتر جائے میری بات
علامہ اقبال

اندازِ بیاں گرچہ بہت شوخ نہیں ہے
شاید کہ اتر جائے ترے دل میں مری بات

 

[مہ جبین]

اندازِ بیاں گرچہ بہت شوخ نہیں ہے
شاید کہ اتر جائے ترے دل میں مری بات

اصلاح کا شکریہ
میں شعر لکھتے ہوئے یہی سوچ رہی تھی کہ اب فرخ بھائی اس میں سے کوئی غلطی نہ نکال دیں۔۔۔۔۔۔اور ہو ہی گئی غلطی مجھ سے

 

[فرخ منظور]

اصلاح کا شکریہ
میں شعر لکھتے ہوئے یہی سوچ رہی تھی کہ اب فرخ بھائی اس میں سے کوئی غلطی نہ نکال دیں۔۔۔۔ ۔۔اور ہو ہی گئی غلطی مجھ سے

یہ آپ کا بڑا پن ہے کہ آپ برا نہیں مانتیں۔ لیکن ایک مشورہ ضرور دوں گا کہ جس شعر کے بارے میں ذرا سا بھی شک ہو تو کوشش کریں کہ کتاب سے دیکھ کر لکھ لیا کریں۔

 

[سید عاطف علی]

میرا خیال ہےکہ کئی اشعار اگرچہ کثرت استعمال کی وجہ سے زبان زد عام کہے جا سکتے لیکن ضرب المثل کہلانے کی حد تک نہیں پہنچتے ۔ اشارہ کرنا نا مناسب ہو گا احباب خود فکریں تو بہتر ہو۔ سلسلہ بہر حال بہت دلچسپ ہے۔

 

[سید عاطف علی]

داغ کا یہ شعر

حضرتِ داغ جہاں بیٹھ گئے، بیٹھ گئے
اور ہوں گے تری محفل سے ابھرنے والے

میں نے اسطرح پڑھا تھا۔
لاکھ یاروں نے اٹھایا نہ اٹھے اینٹھ گئے
حضرتِ داغ جہاں بیٹھ گئے، بیٹھ گئے

 

[سید عاطف علی]

شاید یہ مصرع کچھ یوں‌ہے:
دو گز زمیں بھی مل نہ سکی کوئے یار میں

میرے خیال میں مصرع ایسے ہے۔
دو گز زمین بھی نہ ملی کوئے یار میں

 

[فاتح]

میرے خیال میں مصرع ایسے ہے۔
دو گز زمین بھی نہ ملی کوئے یار میں

میرے علم میں نہیں تھا۔

 

[قائم علوی]

ال

السلام علیکم،

شعراء کی خوش نصیبی برقرار رکھنے کے لئے ضروری ہے کہ مصرعہ اور اشعار درست لکھے جائیں

مرگِ حسین اصل میں مرگِ یزید ہے ( ؟؟؟)

مولانا محمد علی جوہر نے یوں کہا تھا

قتلِ حسین اصل میں مرگِ یزید ہے
اسلام زندہ ہوتا ہے ہر کربلا کے بعد
۔

السلام علیکم!۔۔۔۔۔۔۔۔۔۔۔۔کیا آپ اس شعر سے وابست مولانا کے کلام تک میری رہنمائی فرمائی جا سکتی ہے ؟