خدا

[شمشاد]

صاحبو! کچھ خُدا کا خوف کرو
حسن کو آشنا سمجھتے ہو؟

سب تمہارے کئے کا حاصل ہے
جو خدا کی رضا سمجھتے ہو!
(سرور)

 

[محمد وارث]

اے خدا، آج اسے سب کا مقدّر کر دے
وہ مَحبّت کہ جو انساں کو پیمبر کر دے

شوق اندیشوں سے پاگل ہوا جاتا ہے فراز
کاش یہ خانہ خرابی مجھے بے در کر دے

 

[شمشاد]

گڑی ہیں کتنی صلیبیں مرے دریچے میں
ہر ایک اپنے مسیحا کے خوں کا رنگ لیے
ہر ایک وصلِ خداوند کی امنگ لیے
(فیض)

 

[محمد وارث]

تمھارے بعد خدا جانے کیا ہوا دل کو
کسی سے ربط بڑھانے کا حوصلہ نہ ہوا

وطن عزیز نہ تھا سیف پھر بھی غربت میں
کسی کو دل سے بھلانے کا حوصلہ نہ ہوا

 

[شمشاد]

گرفتہ دل ہیں بہت آج تیرے دیوانے
خدا کرے کوئی تیرے سوا نہ پہچانے
(ناصر کاظمی)

 

[محمد وارث]

گو اس کی خدائی میں مہاجن کا بھی ہے ہاتھ
دنیا تو سمجھتی ہے فرنگی کو خداوند

احکام ترے حق ہیں مگر اپنے مفسر
تاویل سے قرآں کو بنا سکتے ہیں پاژند

(اقبال)

 

[شمشاد]

دیکھے تو کوئی اس کے انداز خداوندی
جیسا کہ وہ کافر ہے ، کیا کوئی خدا ہوگا!
(سرور)

 

[محمد وارث]

واقعہ کوئی نہ جنّت میں ہوا میرے بعد
آسمانوں پہ اکیلا ہے خدا میرے بعد

پھر دکھاتا ہے مجھے جنّتِ فردوس کے خواب
کیا فرشتوں میں ترا جی نہ لگا میرے بعد

(شہزاد احمد)

 

[شمشاد]

غ۔۔۔۔مِ حی۔۔۔۔ات، غ۔۔۔۔مِ آرزو، غ۔۔۔۔۔مِ دنیا
خدا ہی جانے کہاں تک یہ سلسلہ جائے
(سرور)

 

[عیشل]

تیرے بغیر تیری طرح میں زندہ رہوں
یہ حوصلہ بھی دعا کر خدا نہ دے مجھ کو

 

[محمد وارث]

مجھ سے کافر کو ترے عشق نے یوں شرمایا
دل تجھے دیکھ کے دھڑکا تو خدا یاد آیا

اُس کے اندر کوئی فن کار چھپا بیٹھا ہے
جانتے بوجھتے جس شخص نے دھوکا کھایا

(احمد ندیم قاسمی)

 

[شمشاد]

خدا کاخوف کرو! عشق میں یہ کیا کم ہے
خدا ک۔ے بع۔۔د تمھ۔۔ار ا ہ۔ی ن۔۔ام آت۔۔ا ہے
(سرور)

 

[محمد وارث]

ہم بندگاں تو نذرِ وفا ہونے والے ہیں
پھر آپ لوگ کس کے خدا ہونے والے ہیں

(عرفان صدیقی)

 

[شمشاد]

اے خدا! کیسا یہ دستورِ خداوندی ہے؟
ہم ہی مقتل میں کٹیں، ہم کو ہی الزام ملے!
(سرور)

 

[محمد وارث]

لوگ اس عشق میں خدا جانے
کس طرح کامگار ہوتے ہیں

سیف امّید کے سہارے بھی
کتنے بے اعتبار ہوتے ہیں

 

[شمشاد]

سوچتے رہتے ہیں ہر دم جو ضرر کی باتیں
یا خُدا اُن کو سکھا علم و ہنر کی باتیں
(ناہید ورک)

 

[عمر سیف]

کسی کو خاک کسی کو ہوا تو ہونا تھا
کہ رنگ و بو کو کہیں پر جدا تو ہونا تھا
پرستشیں جو بڑھیں فاصلے تو بڑھنے تھے
کہ بندگی میں کسی کو خدا تو ہونا تھا

 

[شمشاد]

خدا کاخوف کرو! عشق میں یہ کیا کم ہے
خدا کے بعد تمھار ا ہی نام آتا ہے
(سرور)

 

[محمد وارث]

کل رات ہم سخن کوئی بت تھا، خدا کہ میں
میں سوچ ہی رہا تھا کہ دل نے کہا کہ میں

کل جب تھمے گی خون کی بارش تو سوچنا
تم تھے عدو کی صف میں سرِ کربلا کہ میں

(فراز)

 

[عیشل]

مجھے روکے گا تواے نا خدا کیا غرق ہونے سے
کہ جن کو ڈوبنا ہے،ڈوب جاتے ہیں سفینوں میں