خدا

[محمد وارث]

مرے خدا مجھے اتنا معتبر کر دے
میں جس مکان میں رہتا ہوں اُس کو گھر کر دے

میں اپنے خواب سے کٹ کر جیوں تو میرا خدا
اجاڑ دے مری مٹی کو در بدر کر دے

(افتخار عارف)

 

[فرخ منظور]

خدا خود میر ِ مجلس بود اندر لامکاں خسرو
محمّد شمع ِ محفل بود، شب جائے کہ من بودم

 

[عمر سیف]

خدا وہ دن نہ دکھائے تجھے کہ میری طرح
مری وفا پہ بھروسہ نہ کر سکے تُو بھی ۔۔۔

 

[فرخ منظور]

کل جو مسجد میں جا پھنسے مومن
رات کاٹی خدا، خدا کر کے

 

[شمشاد]

کل یہ تاب و تواں نہ رہے گی ٹھنڈا ہو جائے گا لہو
نامِ خدا ہو جوان ابھی کچھ کر گزرو تو بہتر ہے
(ناصر کاظمی)

 

[نوید صادق]

بندگی جس کی ہے فقط رونا
وہ ہمارا خدا ہے، کیا کہیے

شاعر: جگر مراد آبادی

 

[شمشاد]

خدا کے واسطے داد اس جنونِ شوق کی دینا
کہ اس کے در پہ پہنچتے ہیں نامہ بر سے ہم آگے
(چچا)

 

[نوید صادق]

غالب خدا کرے کہ سوارِ سمندرِ ناز
دیکھوں علی بہادرِ عالی گُہر کو میں

شاعر: غالب

 

[شمشاد]

اے جہاں آفریں خدائے کریم
ضائعِ ہفت چرخ، ہفت اقلیم
(چچا)

 

[ہما]

قسم خدا کی مُحبت نہیں عقیدت ہے
دیارِ دل میں‌بڑا احترام ہے تیرا

 

[شمشاد]

اسد ان ساری تشبیہوں کو رد کرکے یہ کہتا ہے
سویدا اِس کو سمجھے اُس کو ہم نورِ خدا سمجھے
(چچا)

 

[نوید صادق]

آمادگی مجھے تو رہی ہر گناہ پر
فضلِ خدا سے بت ہی نہیں آئے راہ پر

شاعر: اکبر الہٰ آبادی

 

[شمشاد]

جہاں بھی دیکھئے غم اور تمناؤں کی یورش ہے
خدایا! کیوں متاع غم کی ارزانی نہیں جاتی؟
(سرور)

 

[نوید صادق]

دُھندلا دیے ہوس نے تقدس کے آئنے
ہم نے جسے خدا کہا وہ اہرمن ملا

شاعر: سید آلِ احمد

 

[شمشاد]

سوچا نہیں اچھا برا
دیکھا سنا کچھ بھی نہیں
مانگا خدا سے ہر وقت
تیرے سوا کچھ بھی نہیں

 

[نوید صادق]

مرے خدا مجھے وہ تابِ نے نوائی دے
مَیں چپ رہوں بھی تو نغمہ مرا سنائی دے
شاعر: عبیداللہ علیم

 

[شمشاد]

صنم تراش پر آدابِ کافرانہ سمجھ
ہر ایک سنگِ سرِ راہ کو خدا نہ سمجھ
(فراز)

 

[نوید صادق]

کہتے ہیں لوگ شہر تو یہ بھی خدا کا ہے
منظر یہاں تمام مگر کربلا کا ہے

شاعر: اسعد بدایونی

 

[شمشاد]

ہر آئے دن یہ خداوندگانِ مہر و جمال
لہو میں‌غرق مرے غمکدے میں‌آتے ہیں
(فیض احمد فیض)

 

[عیشل]

اے خدا ضبط کے زنداں میں کوئی در کر دے
یا اُسے موم بنا یا مجھے پتّھر کر دے
پر کئیے ہیں جو عطا، طاقتِ پرواز بھی دے
یا تو میں کھل کے اُڑوں یا مجھے بے پر کردے​