خدا

[شمشاد]

خدا کرے کہ اسے اتفاق ہو مجھ سے
فقیہ شہر کہ ہے محرم حدیث و کتاب
(علامہ)

 

[محمد وارث]

آتا ہے داغِ حسرتِ دل کا شمار یاد
مجھ سے مرے گُنہ کا حساب اے خدا نہ مانگ

(غالب)

 

[شمشاد]

کچھ ربط و ضبط بھی خدا سے نہیں رہا
گویا ہمارے حق میں ستم در ستم ہوا

 

[محمد وارث]

قفس اداس ہے یارو صبا سے کچھ تو کہو
کہیں تو بہرِ خدا آج ذکرِ یار چلے

(فیض)

 

[شمشاد]

ملیں گے ایک دن سرور سے جا کر
اگر توفیق دی ہم کو خدا نے
(سرور)

 

[محمد وارث]

عجیب خواب دکھاتے ہیں ناخدا ہم کو
غرض یہ ہے کہ سفینہ کنارے جا نہ لگے

لیے ہی جاتی ہے ہر دم کوئی صدا ناصر
یہ اور بات سراغِ نشانِ پا نہ لگے

(کاظمی)

 

[شمشاد]

اور اب کچھ نہیں چاہئے
ہے بہت اے خدا تیرا نام

جب بھی دنیا کی یورش ہوئی
میں نے آگے کیا تیرا نام
(احمد فواد)

 

[ماوراء]

بہت اعلٰی شمشاد بھائی۔

 

[محمد وارث]

اتریں گے پیمبر نہ فرشتے نہ صحیفے
کس بات پہ روٹھا ہے خدا اہلِ زمیں سے

پونچھے مری آنکھوں کے لرزتے ہوئے آنسو
یا اپنے پسینے کو خدا اپنی جبیں سے

(سید مبارک شاہ)

 

[زینب]

دیکھ فرعون کے لیجے میں ہم سے بات نا کر

ہم تو پاگل ہیں خداوں سے الجھ پڑتے ہیں

 

[محمد وارث]

ہر ذرّہ چمکتا ہے انوارِ الٰہی سے
ہر سانس یہ کہتی ہے ہم ہیں تو خدا بھی ہے

(اکبر الٰہ آبادی)

 

[شمشاد]

کچھ خبر بھی ہے تجھ کو خدایا
تیری دنیا میں کیا ہو رہا ہے
(احمد فواد)

 

[محمد وارث]

متاعِ بے بہا ہے درد و سوزِ آرزو مندی
مقام بندگی دے کر نہ لوں شانِ خداوندی

ترے آزاد بندوں کی نہ یہ دنیا، نہ وہ دنیا
یہاں مرنے کی پابندی وہاں جینے کی پابندی

(اقبال)

 

[شمشاد]

اک تمہیں کو خدا سے مانگا ہے
تم کہیں بے وفا نہ ہو جانا

 

[محمد وارث]

بُتوں سے تُجھ کو اُمیدیں خُدا سے نومیدی
مُجھے بتا تو سہی اور کافری کیا ھے؟

(اقبال)

 

[شمشاد]

نہ کر کشی پہ بھروسہ کہ کشتیاں ڈوبیں
خدا کے ہوتے ہوئے، ناخدا کے ہوتے ہوئے
(احمد فراز)

 

[محمد وارث]

سچ یہ ہے میری بابری مسجد مُجھی میں ہے
اور میں خدا کے فضل سے زندہ ہوں دوستو

(بشیر بدر)

 

[شمشاد]

سوداگری نہیں یہ عبادت خدا کی ھے
اے بے خبر جزا کی تمنا بھی چھوڑ دے

 

[عمر سیف]

زمانے بھر کی نگاہوں میں جو خدا سا لگے
وہ اجنبی ہے مگر مجھ کو آشنا سا لگے

 

[شمشاد]

تجھے خبر نہیں کیسے سراب رستے تھے
خدا کا شکر کہ پھر بھی سنبھل گئی ہوں میں
(شبانہ یوسف)