تنزانیہ سفاری

[محمد عدنان اکبری نقیبی]

اور کس لئے تصویر کھینچی تھی۔

وین پر ماشاءاللہ لکھا بھی وہاں عام دیکھا

واہ زیک بھائی کیا بات ہے زبردست ۔

 

[زیک]

ایک سوال۔ سیاحت کی غرض سے کی جانے والی سفر پہ آپ لیپ ٹاپ لے جاتے ہیں؟

نہیں

 

[زیک]

تنزانیہ کے نیشنل پارکس میں پکی سڑکیں نہیں ہیں لہذا داخل ہوتے ہی کچی سڑک پر ڈرائیو شروع ہو گئی۔

کچھ دیر بعد پارک آفس رکے۔ وہاں مائیک نے پیپر ورک دکھایا۔ چونکہ بچوں کی فیس کافی سستی ہوتی ہے لہذا وہ عمر چیک کرنے کے لئے بچوں کا پاسپورٹ بھی مانگتے ہیں۔ بڑوں کے پاسپورٹ کی ضرورت نہیں ہوتی۔

لیک منیارا نیشنل پارک میں ایک ٹری ٹاپ واک وے ہے۔ درختوں کے درمیان پل باندھ دیئے گئے ہیں۔ پہلے وہیں کا رخ کیا۔

وہیں بیٹی کو یہ پھول اچھا لگا

 

[زیک]

میں treetop walkway پر

 

[زیک]

یہ رہے پل

 

[زیک]

ان پلوں پر اور ان کے اردگرد اکثر جانور پائے جاتے ہیں۔ ہم نے یہاں کافی بندر دیکھے۔

Blue Monkey

 

[فہیم]

اگلی فلائٹ ادیس ابابا سے کلیمنجارو انٹرنیشنل ائرپورٹ کی تھی۔ انٹرنیٹ سے معلوم ہوا تھا کہ فلائٹ میں ماؤنٹ کلیمنجارو نظر آتا ہے اور جہاز کے بائیں طرف ہوتا ہے۔ لہذا میں نے بائیں طرف کی سیٹیں لی تھیں۔ جب جہاز میں سوار ہوئے تو کیا دیکھا کہ ہماری ونڈو سیٹ تو بغیر ونڈو کے ہے۔ بہت دکھ ہوا لیکن جہاز بھرا ہوا تھا کیا کر سکتے تھے۔

خیر اگلی کھڑکی سے ہم نے کچھ حد تک ماؤنٹ کلیمنجارو کو دیکھ ہی لیا جو بادلوں میں سے ابھر رہا تھا۔

شاندار نظارہ ہے۔
پر کیا جہاز کے عملے نے کیمرہ استعمال کرنے پر کوئی آبجیکشن نہیں کیا؟

 

[فہد اشرف]

یہ رہے پل

یہ پل ہِلتے بھی ہوں گے؟

 

[زیک]

ایک اور پل

 

[جاسم محمد]

Blue Monkey

سہما سا لگ رہا ہے۔ کیمرے اور بندوق کے درمیان فرق مشکل ہے

 

[زیک]

ٹری ٹاپ واک وے سے نکلے تو دوبارہ لینڈ کروزر میں بیٹھے۔ اس کی چھت pop top قسم کی تھی۔ وہ اب کھول لی تاکہ کھڑے ہو کر چھت سے باہر دیکھا جا سکے۔ میری بیوی زیادہ تر سیٹ کے ساتھ کھڑکی ہی سے دیکھتی رہی لیکن میرا تمام وقت کھڑے ہی گزرا۔

کچھ ہی منٹ بعد ایک اور نیلا بندر نظر آیا۔

 

[زیک]

کچھ قریب سے

 

[زیک]

درختوں کے درمیان سے نکل کر کھلے میدان میں پہنچے تو کافی تعداد میں baboon نظر آئے

 

[فہیم]

درختوں کے درمیان سے نکل کر کھلے میدان میں پہنچے تو کافی تعداد میں baboon نظر آئے

بہادر اور خطرناک بندر۔
4 ببون اکٹھے ہوں تو 1 شیر پر بھاری پڑ سکتے ہیں۔

نوٹ: یہاں نواز شریف والے شیر کا ذکر نہیں ہے۔

 

[زیک]

بندروں کے ساتھ ساتھ ہاتھیوں کا غول بھی

 

[زیک]

دلچسپ۔ جانوروں کی تصاویر کہاں ہیں؟

شروع ہو گئیں۔ خوش؟

 

[زیک]

لیفٹ ہینڈ ڈرائیو ہے تنزانیہ میں ؟

جی ہاں۔ برطانوی سامراج

جی نہیں کہیے۔۔۔ جی ہاں کیوں ؟

اکثر اس کنفیوژن کا شکار رہتا ہوں کہ لیفٹ ہینڈ ڈرائیو سے مراد سڑک کے بائیں طرف چلانا ہے یا گاڑی میں ڈرائیور اور سٹیئرنگ کا بائیں طرف ہونا۔

بہرحال تنزانیہ میں برطانیہ اور پاکستان والی صورتحال ہے یعنی ڈرائیور دائیں طرف اور گاڑی سڑک کے بائیں طرف

 

[زیک]

شاندار نظارہ ہے۔
پر کیا جہاز کے عملے نے کیمرہ استعمال کرنے پر کوئی آبجیکشن نہیں کیا؟

یہ تصویر فون سے کھینچی تھی۔ لیکن واپسی کی فلائٹ میں کیمرے سے کھینچی۔ آج تک کیمرے کے استعمال پر لینڈنگ اور ٹیک آف کے علاوہ کسی نے اعتراض نہیں کیا

 

[زیک]

بےبی بیبون سواری کرتے ہوئے۔ ایسے کئی بچے بیبون ہم نے دیکھے

 

[عرفان سعید]

بےبی بیبون سواری کرتے ہوئے۔ ایسے کئی بچے بیبون ہم نے دیکھے

بہت اعلی!