آپ کے پسندیدہ اشعار!

[طارق شاہ]

یہ کِس مُقام پہ پُہنچا دِیا، زمانے نے !
کہ اب حیات پہ تیرا بھی اختیار نہیں

ساحر لدھیانوی

 

[طارق شاہ]

اپنے خوابوں میں تجھے جس نے بھی دیکھا ہوگا
آنکھ کھُلتے ہی تجھے ڈھونڈنے نِکلا ہوگا

زندگی صرف تِرے نام سے منسوب رہے !
جانے کتنے ہی دماغوں نے، یہ سوچا ہوگا

عباس دانا

 

[طارق شاہ]

حضرتِ ناصح، گر آئیں، دیدہ و دل فرشِ راہ
کوئی مجھ کو یہ تو سمجھا دو، کہ سمجھائیں گے کیا

مرزا غالب

 

[طارق شاہ]

اپنے اپنے حوصلے، اپنی طلب کی بات ہے !
چُن لِیا ہم نے اُنہیں، سارا جہاں رہنے دِیا

ادیب سہارنپوری

 

[طارق شاہ]

باغ میں لگتا نہیں، صحرا میں گھبراتا ہے دل
اب کہاں لے جا کے بیٹھیں ایسے دیوانے کو ہم

نظِیر اکبرآبادی

 

[طارق شاہ]

يہ سوچتے ہيں كب تلک ضمير كو بچائيں گے !
اگر يونہی جِيا كِيے، ضرورتوں کے درمياں

ڈاکٹر پیرزادہ قاسم

 

[طارق شاہ]

ہزار بردبادِيوں کے ساتھ ، جى رہے ہيں ہم
مُحال تھا يہ كارِ زِيست وحشتوں کے درمياں

ڈاکٹر پیرزادہ قاسم

 

[طارق شاہ]

آخری جُرْعَۂ پُرکیف ہو شاید باقی !
اب جو چھلکا، تو چَھلک جائیگا ساغر میرا

اطہر نفیس

 

[طارق شاہ]

اِک آگ غمِ تنہائی کی، جو سارے بدن میں پھیل گئی
جب جسم ہی سارا جلتا ہو پھر دامنِ دل کو بچائیں کیا

ہم نغمہ سرا کچُھ غزلوں کے، ہم صُورت گر کچُھ خوابوں کے !
بے جذبۂ شوق سُنائیں کیا، کوئی خواب نہ ہو، تو بتائیں کیا

اطہر نفیس

 

[طارق شاہ]

تِرے جُلو میں بھی، دل کانپ کانپ اُٹھتا ہے
مِرے مزاج کو آسُودگی بھی راس نہیں

تڑپ رہیں عجب مرحَلوں سے دِیدہ و دِل
سَحر کی آس تو ہے، زندگی کی آس نہیں

ناصر کاظمی

 

[غلام ربانی فدا]

اپنے خوابوں میں تجھے جس نے بھی دیکھا ہوگا
آنکھ کھُلتے ہی تجھے ڈھونڈنے نِکلا ہوگا

زندگی صرف تِرے نام سے منسوب رہے !
جانے کتنے ہی دماغوں نے، یہ سوچا ہوگا

 

[غلام ربانی فدا]

تِرے جُلو میں بھی، دل کانپ کانپ اُٹھتا ہے
مِرے مزاج کو آسُودگی بھی راس نہیں

تڑپ رہیں عجب مرحَلوں سے دِیدہ و دِل
سَحر کی آس تو ہے، زندگی کی آس نہیں

ناصر کاظمی

 

[صائمہ شاہ]

عادتاً سلجھا رہا تھا گتھّیاں کل رات مَیں
دل پریشاں تھا بہت اور مسئلہ کوئی نہ تھا

عزیز نبیل

 

[صائمہ شاہ]

یا رب عطا ہو درد میں تخفیف مستقل
یا اور بھی زیادہ ہو تکلیف مستقل

میری نحیف ذات سے ہے جانے کس لئے
خودساختہ خداؤں کو تکلیف مستقل

عزیز نبیل

 

[صائمہ شاہ]

یہ کار۔ عشق بھی ہے عجب کار ۔ناتمام
سمجھیں کہ ہو رہا ہے مگر عمر بھر نہ ہو

اک لمحہء کمال کہ صدیوں پہ پھیل جائے
اک لحظہء وصال مگر مختصر نہ ہو

اختر عثمان

 

[طارق شاہ]

میری بربادی تجلّی کی نہیں مِنّت پذیر
وادیِ ایمن ہے، خاکِ دل کا ہر ذرّا مجھے

عزیز لکھنوی

 

[طارق شاہ]

بہر صُورت، تھی اِک تکلیف بیماریِ اُلفت میں
مُجھے آسان تھا مرنا، مگر پرہیز مشکل تھا

عزیز الحسن مجذوب

 

[طارق شاہ]

پاسِ ادب، کہ پاسِ مرّوت کہیں اِسے !
اکثر لبوں تک آئے گِلے اور پلٹ گئے

گزری چمن سے موجِ صبا ناچتی ہُوئی
کانٹے مچل کے دامنِ گل سے لپٹ گئے

اختر ضیائی

 

[طارق شاہ]

پائی، نہ پھر بُتوں نے وہ یکسانیِ الست
رنگوں میں بَٹ گئے، کبھی شکلوں میں بَٹ گئے

اختر ضیائی

 

[طارق شاہ]

اختر! وہ شوقِ دِید کی لذّت، وہ بےکلی!
آ کر گئے وہاں، کبھی جا کر پلٹ گئے

اختر ضیائی