آپ کے پسندیدہ اشعار!

[ذیشان شانی]

طواف کعبہ کو دیکھ تو لے تڑپ رہا ہے وجود میرا
نہ پاؤں اب میرے اٹھ رہے ہیں نہ سامنے گھر وہ آ رہا ہے

 

[محمد وارث]

نہ مارا آپ کو جو خاک ہو اکسیر بن جاتا
اگر پارے کو اے اکسیر گر مارا تو کیا مارا
اُستاد ذوق

 

[عبد الرحمٰن]

حال دل جس سے کہا اُس نے کہا بس خاموش
داغ اس درد کے سننے کی ہمیں تاب نہیں!
داغ دہلوی

 

[عبد الرحمٰن]

اب ہے اپنا سامنا درپیش
ہر کسی سے گزر گیا ہوں میں
جون ایلیاء

 

[عبد الرحمٰن]

ہم جہاں بھی گئے ذوقِ سجدہ لیے
ہر جگہ آپ کا__ آستانہ ہُوا
ساغر صدیقی

 

[عبد الرحمٰن]

دل سلگتا ہے تیرے سرد روّیے سے میرا
دیکھ اِس برف نے کیا آگ لگا رکھی ہے
گوہرِ اشک سے خالی نہیں آنکھیں انورؔ
یہی پونجی تو زمانے سے بچا رکھی ہے
انور مسعود

 

[ذیشان شانی]

عاشقی سے ملے گا اے زاہد
بندگی سے خدا نہیں ملتا
داغ دہلوی

 

[عبد الرحمٰن]

دل شکن ہو کے چلے آئے تری محفل سے
تیری محفل میں تو ہر بات پہ پابندی ہے
نبیل محمد وارث محمد تابش صدیقی

 

[عبد الرحمٰن]

ان دوستوں کے نام جو یہ سمجھتے ہین انسان پتھر ہیں
دکھ پہنچتا ہے بہت دل کو رویّے سے ترے
اور مداوا ترے الفاظ نہیں کرسکتے
پروین شاکر

 

[لاریب مرزا]

غالب نہ کر حضور میں تُو بار بار عرض
ظاہر ہے تیرا حال سب ان پر کہے بغیر

غالب

 

[ذیشان شانی]

غالب نہ کر حضور میں تُو بار بار عرض
ظاہر ہے تیرا حال سب ان پر کہے بغیر

غالب

اس کی تھوڑی وضاحت کر دے

 

[عبد الرحمٰن]

غالب نہ کر حضور میں تُو بار بار عرض
ظاہر ہے تیرا حال سب ان پر کہے بغیر

غالب

اپنی حالت کا خود احساس نہیں ہے مجھ کو
میں نے اوروں سے سنا ہے کہ پریشان ہوں میں

عبدالباری آسی

 

[لاریب مرزا]

اس کی تھوڑی وضاحت کر دے

ارے!! یہ شعر تو نہایت آسان فہم ہے۔ اگر آپ ایف اے میں اردو کے اشعار کی تشریح کے مرحلے سے گزر چکے ہیں تو اس شعر کا مفہوم کچھ ایسا بھی مشکل نہیں لگنا چاہیے۔

 

[عائشہ صدیقہ]

ارے!! یہ شعر تو نہایت آسان فہم ہے۔ اگر آپ ایف اے میں اردو کے اشعار کی تشریح کے مرحلے سے گزر چکے ہیں تو اس شعر کا مفہوم کچھ ایسا بھی مشکل نہیں لگنا چاہیے۔

لاریب آپا چلیں تشریح کریں شاباش

 

[ذیشان شانی]

اس پیکر خاکی میں اک شے ہے سو وہ تیری
میرے لیے مشکل ہے اس شے کی نگہبانی
علامہ اقبال

 

[ذیشان شانی]

لاریب آپا چلیں تشریح کریں شاباش

لا ریب جی کر دے

 

[عائشہ صدیقہ]

لا ریب جی کر دے

اتنے پیار سے تو بندہ جان بھی دے دیتا ہے لاریب جی

 

[ذیشان شانی]

اتنے پیار سے تو بندہ جان بھی دے دیتا ہے لاریب جی

ہممممم

 

[لاریب مرزا]

غالب نہ کر حضور میں تُو بار بار عرض
ظاہر ہے تیرا حال سب ان پر کہے بغیر

غالب

لاریب آپا چلیں تشریح کریں شاباش

لا ریب جی کر دے

اس شعر میں غالب فرماتے ہیں کہ بھینس کے آگے بین بجانے کا کوئی فائدہ نہیں۔ اس لیے بار بار محبوب کا سر کھانے سے بہتر ہے کہ انسان لبوں پر ایلفی لگا کر بیٹھ رہے۔ اس کا فائدہ یہ ہو گا محبوب بے تکان حال دل سنانے پر اپنا سر پکڑ کے نہیں بیٹھے گا اور اگر سن بھی لے تو بے زرای سے سنے ہوئے کا کوئی فائدہ نہیں۔ ویسے محبوب پر ساری حالت زار واضح ہے لیکن شاید مصروف ہے یا خود کو مصروف ظاہر کر رہا ہے اس لیے جان بوجھ کے دامن بچانے کی کوشش میں ہے تو بہتر یہی ہے کہ محبوب کی جان چھوڑ دی جائے۔

سرگوشی: نوٹ

ہمیں تشریح کا کہا گیا تھا۔ اگر مفہوم پوچھا جاتا تو ہم قصہ مختصر رکھتے۔

 

[لاریب مرزا]

اتنے پیار سے تو بندہ جان بھی دے دیتا ہے لاریب جی

جان دی، دی ہوئی اسی کی تھی
حق تو یوں ہے کہ حق ادا نہ ہوا

غالب