آپ کے پسندیدہ اشعار!

[محمد فہد]

ڈبویا مجھ کو ہونے نے
جو میں نہ ہوتا تو کیا ہوتا
(غالب)​

 

[فہد اشرف]

ڈبویا مجھ کو ہونے نے
جو میں نہ ہوتا تو کیا ہوتا
(غالب)​

نہ تھا کچھ تو خدا تھا، کچھ نہ ہوتا تو خدا ہوتا
ڈبویا مجھ کو ہونے نے، نہ ہوتا میں تو کیا ہوتا
غالب

 

[فرحان محمد خان]

تُو جو ہر روز نئے حسن پہ مر جاتا ہے
تُو بتائے گا مجھے عشق ہے کیا ؟؟ جانے دے
علی زریون

 

[عائشہ صدیقہ]

ﺧﻼ ﻣﯿﮟ ﭘﮭﯿﻨﮏ ﺭﮨﺎ ﮨﻮﮞ ﺟﻼ ﺟﻼ ﮐﮯ ﭼﺮﺍﻍ
ﺑﻨﺎ ﺭﮨﺎ ﮨﻮﮞ ﺳﺘﺎﺭﮮ ﮐﭽﮫ ﺁﺳﻤﺎﮞ ﮐﮯ لیے
ﻋﺪﯾﻢ ﮨﺎﺷﻤﯽ
فیصل آباد

 

[محمد وارث]

تم کو بھی ہم دکھائیں کہ مجنوں نے کیا کِیا
فرصت کشاکشِ غمِ پنہاں سے گر ملے
غالب

 

[فہد اشرف]

تمہیں کہو کہ گزارا صنم پرستوں کا
بتوں کی ہو اگر ایسی ہی خو تو کیوں کر ہو
غالب

 

[عائشہ صدیقہ]

ﺍﭘﻨﯽ ﻣﻨﺰﻝ ﺍﭨﮭﺎ ﮐﮯ ﺷﺎﻧﻮﮞ ﭘﺮ
ﭼﻞ ﺭﮨﮯ ﮨﯿﮟ ﮐﮧ ﺭﺍﺳﺘﮧ ﺁﺋﮯ
ﻣﻘﺼﻮﺩ ﻭﻓﺎ
فیصل آباد

 

[محمد وارث]

کم ہوں گے اس بساط پہ ہم جیسے بدقمار
جو چال ہم چلے سو نہایت بُری چلے
اُستاد ذوق

 

[عرفان سعید]

بزم ہستی! اپنی آرائش پہ تو نازاں نہ ہو
تو تو اک تصویر ہے محفل کی اور محفل ہوں میں
اقبال

 

[محمد وارث]

جاتے ہوائے شوق میں ہیں اِس چمن سے ذوق
اپنی بلا سے بادِ صبا اب کبھی چلے
اُستاد ذوق

 

[عبد الرحمٰن]

آنگن کی یہ خواہش ہے کہ رِم جِھم کی ہو برسات ،
اور چھت کا تقاضا ہے کہ اک بوُند نہ برسے

 

[عبد الرحمٰن]

بس جائے تو صحرا ہے، اجڑ جائے تو دنیا..
ہم لوگ ہیں کچھ خانہ خراب اور طرح کے..
(سید خورشید رضوی)

 

[عبد الرحمٰن]

مستانہ کر رہا ہوں رہِ عاشقی کو طے
لے جائے جذبِ شوق مرا اب جدھر مجھے

ڈرتا ہوں جلوۂ رُخِ جاناں کو دیکھ کر
اپنا بنا نہ لے کہیں میری نظر مجھے
(جگر مراد آبادی)

 

[عبد الرحمٰن]

کہتا ہے کون نالہء بلبل کو بے اثر
پردے میں گل کے لاکھ جگر چاک ہو گئے
(غالب)

 

[عبد الرحمٰن]

شکن نہ ڈال جبیں پر شراب دیتے ہوئے
یہ مُسکراتی ہوئی چیز مُسکرا کے پلا

سُرور چیز کی مقدار پر نہیں موقوف
شراب کم ہے تو ساقی نظر ملا کے پلا۔۔۔!
عدم

 

[عائشہ صدیقہ]

ﻟﻮﮒ ﭼﮩﺮﻭﮞ ﮐﻮ ﺳﺠﺎﺋﮯ ﺭﺍﺕ ﺑﮭﺮ ﭘﮭﺮﺗﮯ ﺭﮨﮯ
ﺳﺎﻧﺤﮧ ﯾﮧ ﮨﮯ ﮐﮧ ﮐﻮﺋﯽ ﺩﯾﮑﮭﻨﮯ ﻭﺍﻻ ﻧﮧ ﺗﮭﺎ
ﺍﻓﻀﻞ ﺍﺣﺴﻦ ﺭﻧﺪﮬﺎﻭﺍ
فیصل آباد

 

[سید عمران]

رو کشی کو اس کی منہ بھی چاہیے
ماہ کے چہرے پہ ہیں سب جھائیاں

 

[ذیشان شانی]

میں کہ کاغذ کی ایک کشتی ہوں
پہلی بارش ہی آخری ہے مجھے

 

[عبد الرحمٰن]

جُرم آدم نے کیا اور نسلِ آدم کو سزا
کاٹتا ہوں زندگی بھر میں نے جو بویا نہیں
جانتا ہوں ایک ایسے شخص کو میں بھی منیر
غم سے پتھّر ہو گیا، لیکن کبھی رویا نہیں

منیر نیازی

 

[ذیشان شانی]

ڈرتا ہوں آسمان سے بجلی نہ گر پڑے
صیاد کی نگاہ سوئے آشیاں نہیں
مومن