آج کا شعر - 5

[کاشفی]

یہ عجیب رسم دیکھی کہ بروزِ عید قرباں
وہی قتل بھی کرے ہے وہی لے ثواب الٹا
مصحفی

 

[کاشفی]

آتش زمینِ شعر ہو ہر چند سنگلاخ
لغزش سے آ شنا نہیں اہلِ سُخن کے پاؤں
خواجہ حیدر علی آ تشؔ

 

[صائمہ شاہ]

بحث ، شطرنج ، شعر ، موسیقی
تم نہیں رہے تو یہ دلاسے رہے

جاوید اختر

 

[کاشفی]

جاتے ہو خدا حافظ ، ہاں اتنی گزارش ہے
جب یا د کبھی آ ئیں ملنے کی د عا کرنا
جلیل مانکپوری

 

[کاشفی]

تجھ سے مانگوں میں تجھی کو کہ سبھی کچھ مل جائے
سو سوالو ں سے یہی ایک سوا ل اچھا ہے
امیر مینائی

 

[کاشفی]

یہاں تو خود اپنی ذات اپنے وجود کے کرب میں دبی ہے
نہ جانے وہ لوگ کتنے سچے تھے جن کو غم کائنات کا تھا
نجیب رامش

 

[کاشفی]

نہ ایں پر نازکرتےہیں، نہ آں پرناز کرتے ہیں
نہ علم وفن، نہ معنی و بیاں پر ناز کرتے ہیں
کوئی استاد فن، کوئی ہے استاد سخن شعلہ
مگرہم خدمت اردو زباں پر ناز کرتے ہیں
(محترم جناب شعلہ کراروی، الہ آبادی - پورا نام: سیّد مومن حسین شعلہ کراروی)
تعارف شاعر: آپ کی پیدائش ۱۹۰۱ء میں الہ آباد[موجودہ کوشامبی]کے مشہور قصبہ کراری کے ایک اعلیٰ نسب سیّد گھرانےکے محلّہ بارہ دری میں ہوئی تھی۔خود کہتے ہیں۔
کیوں دبوں پھر کسی سے اے شعلہ
میں ہوں سیّد وطن کراری ہے۔۔۔۔۔
ان کے ابتدائی کلام سےایک شعرہے۔
بارہ دری میں رہتا ہوں شعلہ شرف یہ ہے
اثنا عشر ہوں شکر ہے پروردگار کا۔۔۔۔۔۔۔۔۔۔

 

[صائمہ شاہ]

آپ کا سنگِ در نہیں چمکا
ہم جبینیں سیاہ کر بیٹھے

قابل اجمیری

 

[حسان خان]

ہر شام مثلِ شام ہوں میں تیرہ روزگار
ہر صبح مثلِ صبح گریباں دریدہ ہوں
(میر درد)

جگ میں آ کر اِدھر اُدھر دیکھا
تو ہی آیا نظر جدھر دیکھا
(میر درد)

 

[کاشفی]

ذکر میرا ہی وہ کرتا تھا صریحاً لیکن
میں نے پوچھا تو کہا خیر، یہ مذکور نہیں
خواجہ میر دردؔ

 

[صائمہ شاہ]

یہ میرے عشق کی مجبوریاں معاذ اللە
تمہارا راز تمہیں سے چھپا رہا ہوں میں

مجاز لکھنوی

 

[محمداحمد]

جتنی مشکل ہے مجھے اُتنی ہی آسانی ہے
میرا سامان مری بے سروسامانی ہے

( نامعلوم)

 

[کاشفی]

کبھی تو پاؤں سے چھو کے مجھ کو حیات دے دے
میں تیری راہوں میں سنگ صورت پڑا ہوں کب سے
(فریاد آزر)

 

[کاشفی]

کیا اسے علم کہ وہ مجھ کو سزا دیتا ہے
وہ تو معصوم ہے جینے کی دعا دیتا ہے
(فریاد آزر)

 

[کاشفی]

سُکھ تو رکھ لے پاس، دُکھ دے دے مجھے
کچھ تو اب تجھ کو بھی کھونا چاہئے
(سویمانے، اوساکا یونیوسٹی جاپان)

 

[کاشفی]

کس طرف جانا ہے تجھ کو سوچ اے مردخدا
اک طرف زہرفنا ہے اک طرف نہر بقاء

یا پہن لے تاجِ کردار شہیدِ کربلا
یا مُحیطِ کشور باطل میں جاکر ڈوب جا

یا عنانِ ذہن عالم جانب موڑ دے
یا حسین ابن علی کا نام لینا چھوڑ دے
(جناب شبیر حسن خاں جوش ملیح آبادی)

 

[کاشفی]

ہم ایسے اہل نظر کو ثبوتِ حق کے لیے
اگر رسول نہ ہوتے تو صبح کافی تھی
(جوش ملیح آبادی)

 

[کاشفی]

اللہ کو قہار سمجھنے والو
اللہ تو رحمت کے سوا کچھ بھی نہیں
(جوش ملیح آبادی)

 

[کاشفی]

ورق تمام ہوا اور مدح باقی ہے
سفینہ چاہیئے اس بحرِ بیکراں کے لیے
(غالب رحمتہ اللہ علیہ)

 

[کاشفی]

سرفروشی کی تمنا اب ہمارے دل میں ہے
دیکھنا ہے زور کتنا بازوئے قاتل میں ہے
(رام پرشاد بسمل)