نظر لکھنوی غزل: پیامِ موت کہ ہر غم سے بے نیاز کرے ٭ نظرؔ لکھنوی

[محمد تابش صدیقی]

پیامِ موت کہ ہر غم سے بے نیاز کرے
اُسی سے حیف کہ دنیا یہ احتراز کرے

وہ بے نیاز ہے شایاں اسے ہے ناز کرے
نیاز مند جو ہو خم سرِ نیاز کرے

خدا کا خوف، غمِ زندگی کہ ذکرِ فنا
بتا وہ چیز کہ دل کو ترے گداز کرے

بہت اداس ہے دل شرق و غرب دیکھ لیا
مری نگاہ خدا اب سوئے حجاز کرے

قیامِ حشر وہ میزانِ عدل و نارِ سقر
ہر اک بیان ہے ایسا کہ دل گداز کرے
٭٭٭
محمد عبد الحمید صدیقی نظرؔ لکھنوی​

 

[م حمزہ]

خدا کا خوف، غمِ زندگی کہ ذکرِ فنا
بتا وہ چیز کہ دل کو ترے گداز کرے

بہت اداس ہے دل شرق و غرب دیکھ لیا
مری نگاہ خدا اب سوئے حجاز کرے

بہت خوب۔