حسان بھائی فارسی میں شعر کہنے کا مقصد زبان کی باریکیاں سکیھنا ہی ہے۔ لفظ کی ساخت اور استعمال کا جو اندازہ شعر سے ہوتا ہے وہ یاد بھی رہتا ہے اور اسے سیکھنا آسان بھی محسوس ہوتا ہے۔ جیسے میں نے اپنی طرف سے لکھا تھا این زرِ خوب من یاب در رایئگاں یہ زبردست دولت میں نے مفت میں پائی۔ من یاب کا ترجمہ '' میں نے پائی '' کیا یہ من یابم کا متبادل نہیں ہو سکتا؟ کچھ اور غلطیوں کی نشاندہی فرما دیں تو بڑا کام آتا رہے گا آئندہ
نہیں۔
یہ لائحۂ عمل شاید بہت مؤثر ثابت نہ ہو۔ کسی زبان کو مہارت کی حد تک سیکھنے کے لیے اہلِ زبان کی بول چال کا بہت سا مشاہدہ اور ان کے علم و ادب کا بہت سا مطالعہ ناگزیر ہے۔
اِس کے لیے خود فارسی شاعری کرنا لازم نہیں ہے، فارسی شاعری کا مطالعہ کر کے اور فارسی ابیات کو اردو ترجمے کے ساتھ ذہن نشین کر کے بھی فارسی سے آشنائی حاصل کی جا سکتی ہے۔
جی بہتر، اب ساری توجہ اُدھر مرکوز کرتا ہوں، تاہم توبہ کرنے سے پہلےایک آخری کوشش ملاحظہ فرما کر رائے سے نواز دیں بس۔۔۔
جی ٹھیک، ان شاءاللہ یہی کرتا ہوں۔ تاہم میں حسان بھائی، آپ کا، ریحان بھائی اور محترم وارث صاحب کا ممنون ہوں کہ آپ صاحبان علم نے نہ صرف یہ کہ اس ضمن میں میری لغویات کو برداشت کیا' بلکہ مدد بھی فرمائی ہے، اللہ پاک آپ حضرات کو جزائے خیر عطا فرمائے۔
دونوں مصرعے نادرست ہیں۔
حسان بھائی نئی کوئی جسارت نہیں کی اور حکم کے مطابق مطالعہ اور فارسی گرامر پر توجہ مرکوز ہے تاہم یہ وہی بیت ہے اور اس کو آپ کے سامنے پیش کرنے پر ہر بار کچھ سیکھنے کو مل جاتا ہے اس لیے آپ کو زحمت سے گزارتا ہوں۔۔ جیسے یہاں پر "ست" ہے، فارسی میں است کو بارہا "ست" استعمال کیا ہوا دیکھا جیسے حضرت سعدی کے کچھ مصرعے۔۔۔ " دو چیز طیرہ عقل ست۔۔۔، اگرچہ پیش خرد مند خامشی ادب ست " تو میرا یہ خیال تھا کہ اسے وزن پورا کرنے کے لیے ایسے استعمال کیا جاتا ہے شاید۔۔۔ است کو ست میں جب تبدیل کیا جاتا ہے تو اس کی وجہ کے متعلق کچھ جاننے کو مل جائے تو یہ آپ کی مہربانی سمجھوں گا۔۔ باقی گنجِ این ( یہ خزانہ) کیسے غلط ترکیب ہے اس بابت کچھ جاننے کو مل جائے تو ایسی تراکیب کو سمجھنے اور استعمال کرنے میں نہایت آسانی ہو گی۔ رہنمائی کی امید بہر حال رہتی ہے۔
جن مصرعوں میں 'است' کو 'ست' لکھا جاتا ہے، وہ صرف کتابت کی ایک طرز ہے، جس کا معنی یہ ہوتا ہے کہ 'است' کے الف کو ماقبل کے لفظ کے ساتھ پیوستہ کر کے تلفُّظ کیا جائے گا۔ 'کتابست' اور 'کتاب است' دونوں ایک ہی چیز ہیں۔ لیکن 'است کا مُخفّف 'سَت' نہیں کیا جا سکتا۔حسان بھائی نئی کوئی جسارت نہیں کی اور حکم کے مطابق مطالعہ اور فارسی گرامر پر توجہ مرکوز ہے تاہم یہ وہی بیت ہے اور اس کو آپ کے سامنے پیش کرنے پر ہر بار کچھ سیکھنے کو مل جاتا ہے اس لیے آپ کو زحمت سے گزارتا ہوں۔۔ جیسے یہاں پر "ست" ہے، فارسی میں است کو بارہا "ست" استعمال کیا ہوا دیکھا جیسے حضرت سعدی کے کچھ مصرعے۔۔۔ " دو چیز طیرہ عقل ست۔۔۔، اگرچہ پیش خرد مند خامشی ادب ست " تو میرا یہ خیال تھا کہ اسے وزن پورا کرنے کے لیے ایسے استعمال کیا جاتا ہے شاید۔۔۔ است کو ست میں جب تبدیل کیا جاتا ہے تو اس کی وجہ کے متعلق کچھ جاننے کو مل جائے تو یہ آپ کی مہربانی سمجھوں گا۔۔ باقی گنجِ این ( یہ خزانہ) کیسے غلط ترکیب ہے اس بابت کچھ جاننے کو مل جائے تو ایسی تراکیب کو سمجھنے اور استعمال کرنے میں نہایت آسانی ہو گی۔ رہنمائی کی امید بہر حال رہتی ہے۔