یوں

[شمشاد]

یوں ہوا جیسے بجلی سی چمکی وہاں اور کیا ہو بیاں
آنکھ کھلتے ہی دیکھا سب ٹھیک تھا، دل وہیں رہ گیا
(خالد)

 

[عمر سیف]

وہ سرد رات کی برکھا سے یوں نہ پیار کروں
یہ رُت تو ہے میرے بچپن کے ساتھ کھیلی ہوئی

 

[شمشاد]

سارا شہر ہی تاریکی پر یوں خاموش رہا تو
کون چراغ جلانے کے پیدا آثار کرے گا

 

[عمر سیف]

ملا ہوں تم سے تو یوں لگا ہے کہ جیسے دونوں ہی اجنبی ہوں
کبھی جو مجھ کو عزیزِ جاں تھے، وہ طور سارے بدل گئے ہیں

 

[شمشاد]

تیری تلاش میں یوں تو کہاں کہاں نہ گئے
جہاں پہ جانا تھا ہم کو مگر وہاں نہ گئے
(منیر نیازی)

 

[عمر سیف]

یونہی یہ سلسلہ کیسے چلے گا
کہاں تک دیپ آندھی میں جلے گا

 

[شمشاد]

یوں بھی نہیں کہ میرے پاس ہے میرا وہ ہم نفس
یہ بھی غلط کہ مجھ سے جدا ہو گیا وہ شخص

 

[عمر سیف]

پھر کیوں نہ ہو کہ اپنا بدن اجنبی لگے
بہتر ہے اس کے خول سے باہر نہ دیکھیئے

 

[شمشاد]

یوں جو تکتا ہے آسمان کو تُو
کوئی رہتا ہے آسمان میں کیا
(جون ایلیا)

 

[عمر سیف]

روز یوں خود کو آزماتے ہیں
چوٹ کھا کر جو مسکراتے ہیں

 

[شمشاد]

وہی چمن وہی گل بوٹے ہیں وہی بہاریں وہی خزاں
ایک قدم کی بات ہے یوں تو رد پہلے خوابوں کا جہاں
(ابن انشاء)

 

[عمر سیف]

مجھ سے کہا جو یار نے ‘جاتے ہیں ہوش کس طرح‘
دیکھ کے میری بےخودی چلنے لگی ہوا کہ یُوں

 

[شمشاد]

پڑھ لکھ کر میرے دیس کے بیٹے دیس میں تھے بیکار
اپنے دیس میں جو روٹی ملتی کیوں آتا اس پار

 

[عمر سیف]

رواں رہیں گے یوں ہی اشک میری آنکھوں سے
ملی ہے مجھ کو یہ سوغات عمر بھر کے لیے

 

[شمشاد]

یونہی ہم منیر پڑے رہے کسی اک مکاں کی پناہ میں
کہ نکل کے ایک پناہ سے کہیں اور جانے کا دم نہ تھا
(منیر نیازی)

 

[عمر سیف]

چلے تھے یوں تو کئی لوگ کوئےِ جاناں کو
ذرا سا ہم سے مگر اختلاف راہ کا تھا

 

[شمشاد]

نام سوچا نہ تھا کبھی اپنا
جو بھی یوں جس کسی کے جی آیا
اس نے ویسے ہی بس پُکار لیا
(گلزار)

 

[عمر سیف]

خزان کی دھوپ سے شکوہ فضول ہے محسن
میں یوں بھی پھول تھا آخر مجھے بکھرنا تھا

 

[شمشاد]

یوں تو ہر ایک سمت اندھیرا ہے اور بس
لیکن دکھائی دے رہا ہے اجالا کہیں کہیں
(امجد شہزاد)

 

[عمر سیف]

وہ زہر دیتا تو سب کی نظر میں آجاتا
پھر یُوں کیا کہ وقت پر دَوا نہیں دی