انٹرویو یاز بھائی کا انٹرویو

[مریم افتخار]

ہنسیں نہیں، بتائیں کیا خاطر تواضع کی جائے؟

تاکہ ہم اپلوڈ وغیرہ کر سکیں۔۔۔

ٹن ٹن، ریفریشمنٹ آگئی، جلدی سے آ جائیں!

 

[یاز]

1) آپ زندگی کو کس نظر سے دیکھتے ہیں کہ یہ کیا ہے اور اس میں خوشی اور غم کا آپس میں کیا کنکشن ہے؟

ہمیں لگتا ہے کہ اس سوال کے جواب میں مشکل باتیں کرنا چاہییں، جو کہ ہمیں آتی نہیں۔ بس گزارہ سا جواب عرض ہے کہ
Life itself feels like a forced induction phenomenon
بقول شاعر
لائی حیات آئے قضا لے چلی چلے
اپنی خوشی نہ آئے، نہ اپنی خوشی چلے
خوشی اور غم زندگی کے بہت سے رنگوں میں سے دو رنگ ہیں۔ ان کے آپس میں کنکشن کی بابت کچھ کہہ نہیں سکتا۔ بس اتنا کہنا چاہوں گا کہ ہر کسی کی اپنی ڈیفی نیشن یا اپنا کرائیٹیریا ہوتا ہے خوشی اور غم کی بابت۔
کبھی دو شعر پڑھنا ایسی خوشی دے جاتا ہے، جو لاکھوں پا کے بھی نہ ملے۔ وغیرہ وغیرہ

 

[یاز]

2) کیا آپ حساس ہیں؟ جب بہت زیادہ مخالفت کا سامنا ہوتا ہے تو آپ کا کوپنگ میکانزم کیا ہے؟

حساس تو یقیناً ہیں۔ مخالفت کی زیادہ ٹینشن نہیں لی، کہ الحمدللہ جمہوری مزاج ہونے کی وجہ سے ہمیں مخالفت وغیرہ دیکھ کے کچھ خوشی سی ہوتی ہے۔

 

[یاز]

) فیصلے کس طرح لیتے ہیں؟ دل و دماغ کا کسی اہم فیصلے یا روز مرہ کے فیصلوں میں کیا تناسب ہے؟

فیصلے فوری۔
اور عموماً دماغ کی ہی سنی جاتی ہے فیصلے کرنے میں، سوائے کچھ معاملات کے (جیسے سیر و سیاحت یا دیگر مشاغل وغیرہ).

 

[مریم افتخار]

ٹن ٹن، ریفریشمنٹ آگئی، جلدی سے آ جائیں!

اور ساتھ ساتھ چائے میں کتنے چمچ چینی وغیرہ؟

 

[یاز]

) بچوں کے ساتھ وقت گزارنا پسند ہے یا بوڑھوں کے ساتھ؟ یا اپنے ہم عمروں کے ساتھ ہی انجوائے کرتے ہیں؟

ہر ایک کے ساتھ وقت گزارنے کے اپنے فضائل ہیں، اور تینوں ہی زمرہ جات کے افراد کے ساتھ بیٹھنا پسند ہے۔
تاہم اگر گول مول جواب کے ٹیگ سے بچنا ہے تو ہم عمروں کے ساتھ کو ترجیحاً کہا جا سکتا ہے ۔

 

[یاز]

اور ساتھ ساتھ چائے میں کتنے چمچ چینی وغیرہ؟

بغیر چینی کے

 

[یاز]

5) آپ کس زبان میں سوچتے ہیں؟ اور ایسا کب سے شروع ہوا؟

ویسے کبھی زیادہ غور نہیں کیا تھا کہ کس زبان میں سوچتے ہیں۔ میرا خیال ہے کہ اردو میں ہی۔ اور ایسا اوائل ہی سے تھا۔

 

[یاز]

6) پاکستان میں کون سے علاقہ جات ہیں جو ابھی تک نہیں دیکھے مگر دیکھنا چاہیں گے؟

ایسے کئی علاقے ہوں گے۔ جیسے مکران کوسٹل ہائی وے ، تھر میں نگرپارکر، بالتورو اور کنکورڈیا وغیرہ۔

 

[مریم افتخار]

ایسے کئی علاقے ہوں گے۔ جیسے مکران کوسٹل ہائی وے ، تھر میں نگرپارکر، بالتورو اور کنکورڈیا وغیرہ۔

اول الذکر جوڑا تو ہماری نظر میں بھی ہے مگر یہ موخر الذکر کیا ہوئے؟

 

[مریم افتخار]

بغیر چینی کے

آپ نے چینی کب چھوڑی اور اس سے کچھ بہتری محسوس ہوئی؟

 

[مریم افتخار]

کبھی دو شعر پڑھنا ایسی خوشی دے جاتا ہے، جو لاکھوں پا کے بھی نہ ملے۔

پڑھ دیں پھر وہ دو شعر (موگیمبو خوش ہونا چاہوت ہے!!!)

 

[یاز]

7) ایک عرصے سے بلاگنگ کر رہے ہیں، کوئی یادگار واقعہ اگر ہوا ہے تو شئیر کریں۔ مزید یہ بتائیں کہ کبھی کتاب لکھنے کا سنجیدگی سے سوچا؟

بے کار باتیں لکھنے کو بلاگنگ کرنا کہنے پہ بلاگرز نے آپ پہ مقدمہ کر دینا ہے۔ چند آوارہ فکری پہ مبنی سطور اور وہ بھی irregular intervals میں لکھی تھیں، اور یادگار واقعہ یہی ہے کہ وہ لکھ ڈالی تھیں۔
کسی دور میں ٹریول گائیڈ آف ناردرن ایریاز پہ کتاب لکھنے کا سوچا ضرور تھا، لیکن شکر ہے کہ عملی جامہ نہیں پہنا دیا۔

 

[یاز]

اول الذکر جوڑا تو ہماری نظر میں بھی ہے مگر یہ موخر الذکر کیا ہوئے؟

ان دونوں کی جوڑی کے ٹو بیس کیمپ ٹریک کی راہ میں ہے اسکولے سائیڈ سے۔

 

[یاز]

آپ نے چینی کب چھوڑی اور اس سے کچھ بہتری محسوس ہوئی؟

دس بارہ سال ہو گئے۔ ایک دفعہ کسی نے فرمایا کہ چینی صرف چائے کا ذائقہ خراب کرتی ہے اور اصل ذائقہ تو چینی کے بغیر ہے۔ بس تب سے چینی کے بغیر ہی چائے پی جاتی ہے۔
بہتری۔۔ چائے کے ذائقے میں واقعی بہتری محسوس ہوئی

 

[مریم افتخار]

بے کار باتیں لکھنے کو بلاگنگ کرنا کہنے پہ بلاگرز نے آپ پہ مقدمہ کر دینا ہے

بے کار باتیں تو انہیں آپ کہتے ہیں وگرنہ آپ کے پڑھنے والوں کے لیے تو کار آمد باتیں ہی رہی ہیں!

چند آوارہ فکری پہ مبنی سطور اور وہ بھی irregular intervals میں لکھی تھیں

آوارگی بھی روٹی پانی کی طرح ریگولر انٹرولز سے آئے تو اس کا نام بدل کے فرزانگی رکھ چھوڑیں پھر!!!

کسی دور میں ٹریول گائیڈ آف ناردرن ایریاز پہ کتاب لکھنے کا سوچا ضرور تھا، لیکن شکر ہے کہ عملی جامہ نہیں پہنا دیا۔

یہ شکر کبھی وہ لوگ بجا لائے جو آپ کی صلاح سے ناردرن ایریاز گئے تھے؟ یا یہ فقط پبلیشرز کی کاہلی کے حصےمیں آیا؟؟؟

 

[یاز]

پڑھ دیں پھر وہ دو شعر (موگیمبو خوش ہونا چاہوت ہے!!!)

آپ قومی ترانہ پڑھ لیں (کہ فارسی میں ہے)۔ خوشی بھی ہو گی اور ثواب بھی ملے گا۔

 

[مریم افتخار]

ان دونوں کی جوڑی کے ٹو بیس کیمپ ٹریک کی راہ میں ہے اسکولے سائیڈ سے۔

یعنی وہ گلیشئیر جو اس نام سے سنتے ہیں۔۔۔اچھا!!!
تو آپ کے پسندیدہ کوہ پیما بھی کوئی ہیں؟

 

[مریم افتخار]

دس بارہ سال ہو گئے۔ ایک دفعہ کسی نے فرمایا کہ چینی صرف چائے کا ذائقہ خراب کرتی ہے اور اصل ذائقہ تو چینی کے بغیر ہے۔ بس تب سے چینی کے بغیر ہی چائے پی جاتی ہے۔
بہتری۔۔ چائے کے ذائقے میں واقعی بہتری محسوس ہوئی

باقی ہر شے میں چینی کی ڈوز نارمل ہے؟ واقعی؟
ایک میرے جیسے لوگ ہیں جو میٹھا کھاتے نہیں اور چائے پھیکی نہیں پیتے!!

 

[مریم افتخار]

آپ قومی ترانہ پڑھ لیں (کہ فارسی میں ہے)۔ خوشی بھی ہو گی اور ثواب بھی ملے گا۔

دریں چہ شک مگر زبان یار من عربی و من عربی نمی دانم
(ہو رہی ہے تھوڑی تھوڑی خوشی۔۔۔۔فارمولا آؤٹ کرنے پر سپاس گزار وغیرہ)