"یاد" کے موضوع پر اشعار!

[شمشاد]

مرتا ہوں میں اس دکھ سے، یاد آتی ہیں وہ باتیں
کیا دن وہ مبارک تھے، کیا خوب تھیں وہ راتیں
(محمد رفیع سودا)

 

[عمر سیف]

دل کی چوٹوں نے کبھی چین سے رہنے نہ دیا
جب چلی سرد ہوا میں نے تجھے یاد کیا

 

[شمشاد]

اب یہ یادوں کے دیپ بجھنے دے
میں ستارہ کوئی جلا لوں گا
(احمد فواد)

 

[عمر سیف]

ذہن کی شاخوں پہ اشعار آ جاتے ہیں
جب تیری یادوں کا موسم ہوتا ہے

 

[شمشاد]

خامشی سے دیر تک اس حسن کا تکنا مجھے
دیر تک اس یاد نے رنجور کر رکھا مجھے
(منیر نیازی)

 

[عیشل]

یادیں تیرے خلوص کی ڈستی ہیں آج بھی
ملنے کی آرزو میں برستی ہیں آج بھی
آنکھیں ہزار ضبط کی کوشش کے باوجود
رک رک کے بار بار برستی ہیں آج بھی

 

[شمشاد]

تِرا ہونا ضروری تھا نہ ہونا بھی ضروری تھا
کسی بھی یاد کا ہستی میں ہونا بھی ضروری تھا
(منیر نیازی)

 

[عمر سیف]

پہلے پہل کا عشق ابھی یاد ہے فراز
دل خود یہ چاہتا تھا کہ رسوائیاں بھی ہوں

 

[شمشاد]

باغ کی سیر کو جاتے تو ہو پر یاد رہے
سبزہ بیگانہ ہے دو چار نہ ہونے پائے
(شبلی)

 

[عمر سیف]

گو پلٹتے نہیں بیتے ہوئے زمانے پھر بھی
دل پہ بیتی ہوئی یادوں کا نشاں رہتا ہے

 

[شمشاد]

یادِ مژگاں میں بہ نشتر زار سودائے خیال
چاہیے وقتِ تپش یک دست صد پہلو مجھے
(غالب)

 

[عمر سیف]

خالد وہ سانحہ تو انہیں یاد بھی نہیں
جو ہم نے عمر بھر کی نشانی بنا لیا

 

[شمشاد]

کب یاد میں تیرا ساتھ نہیں، کب ہات میں تیرا ہات نہیں
صد شکر کہ اپنی راتوں میں اب ہجر کی کوئی رات نہیں
(فیض)

 

[الف عین]

کم کیا تھا ہم فقیروں کو آشوبِٕ روزگار
کیوں یاد آ رہی ہیں تری مہربانباں
خلیل الرحمن اعظمی

 

[شمشاد]

بجتے ہیں خیالوں میں تیری یاد کے گھنگھرو
کچھ دن سے میرا گھر بھی پری خانہ ہوا ہے

 

[عیشل]

شب ڈھل گئی تو یادوں کے مضراب بھی تھک گئے
جتنے بھی تھے نقوش تہہِ آب تھک گئے

 

[شمشاد]

اس عمر میں ہم یادِ خدا خاک کریں گے
دل جیسا تھا ویسا ہی صنم خانہ رہے گا
(سرور عالم راز سرور)

 

[عمر سیف]

یاد تھیں ہم کو بھی رنگا رنگ بزم آرائیاں
وہ بھی اب نقش و نگارِ طاقِ عصیاں‌ہو گئیں

 

[شمشاد]

دل میں تھے چار پہر آپ کی یادوں کے چراغ
زندگی بھر ہمیں اندازۂ ہجراں نہ ہوا

سرور عالم راز سرور

 

[عمر سیف]

ایک عُمر سے عادت ہے تیرے شام و سحر کی
اب کون تیری یاد کے معمول سے نکلے