محمد عدنان اکبری نقیبی
لائبریرین
جاپانی کمپنی سان ریو کا متعارف کردہ کارٹون کردار 'ہیلو کٹی تو پوری دنیا میں مقبول ہے ہی لیکن اب ہیلو کٹی ٹرین بھی متعارف ہونے جارہی ہے۔
جی ہاں جاپان کی شنکاسن بلٹ ٹرین بنانے والی ویسٹ جاپان ریلوے کمپنی 30 جون کو نئی شنکاسن بلٹ ٹرین متعارف کروائے گی جس کی تھیم ’ہیلو کٹی‘ ہوگی۔
اس ٹرین کو مکمل طور پر ہیلو کٹی کی کوٹنگ سے مزین کیا گیا ہے جس کی برتھوں سے لے کر نشستیں اور اندرونی و بیرونی حصہ بھی ہیلو کٹی کی طرح گلابی اور سفید رنگوں پر مشتمل ہے۔
یہ ٹرین مکمل طور پر ایک ہیلو کٹی ورلڈ ہوگی جس میں دوستوں کے ساتھ بھی سفر کیا جاسکتا ہے۔اس میں فوٹو بوٹھ بھی بنایا گیا ہے جہاں مسافر تصاویر وغیرہ لے سکیں گے۔ہیلو کٹی ٹرین کے ایک حصے کو مقامی اشیاء کی نمائش کے لیے مختص کیا جائے گا۔یہاں مختلف طرح کے سونیئرز اور دیگر اشیاء بھی دستیاب ہوں گی جنہیں مسافر دوسروں کو بطور تحفہ دینے کے لیے خرید سکیں گے۔
اس ٹرین کا ٹکٹ ایڈوانس میں بھی بْک کیا جاسکتا ہے یا پھر جس دن جانا ہو اْسی وقت ٹکٹ کٹائیں اور سفر کے مزے اڑائیں۔