ہونا تو یہ چاہیے ۔۔۔ :) :) ;)

محمداحمد

لائبریرین
ہونا تو یہ چاہیے تھا کہ ہم اپنے خالق کو پہچانتے اور خود کو اس کی رضا کے مطابق ڈھالنے کی سعی کرتے لیکن ہوتا یہ ہے کہ ہم اسے بھول کر مخلوق کی رضا کے مطابق زندگی گزارتے ہیں ۔ افسوس ، صد افسوس ہم پر !
واقعی!

یہ سو باتوں کی ایک بات ہے۔
 

محمداحمد

لائبریرین
ہمارے مرشد و مخدوم قبلہ محمد احمد بھائی کی عوام سے اس معرفانہ خواہش اور ہم جیسوں کے لیے اس بظاہر معصومانہ حکم کے بعد ہونا تو یہ چاہیے تھا کہ اب تک اس دھاگے میں کچھ نہ کچھ ہو چکتا۔ محفل کی جوانی جولانی بلکہ کچھ کچھ ادھیڑعمری کا دور بھی ہوتا تو دو چار اراکین معطل اور ایک آدھ مستقل شمالی علاقہ جات کی سیر کو بھجوایا جا چکا ہوتا ۔ افسوس کہ تیری محفل میں اب وہ ٰگرمی محفلٰ نہ رہی ، سکان محفل کی جولانی طبع کو جانے کس کی آنکھ کھا گئی کہ اب کوئی یکا یک سربازار ایسی دُند مچانے کی سعی کرتا ہے اور نہ تاب پاتا ہے ۔ ہے کوئی دیوانہ آسا پاس تو اپنے ہی جیسے دوسرے کو آواز دے، میں تو صرف توجہ دلانے حاضر ہوا تھا :)

یعنی ہونا تو یہ چاہیے تھا کہ اب تک یہ لڑی میں دو چار محفلین کو معطلین میں تبدیل کر دیتی لیکن افسوس کہ اب محفلین میں اب وہ جراتِ رندانہ باقی ہی نہیں رہی۔ :)

ہم نے آپ کی تحریر کو اپنے سمجھنے کے لئے آسان بنا لیا ہے۔ :)
 

محمداحمد

لائبریرین
اتوار کی دوپہر ظہر کی نماز میں جب ہم اپنے محلے کی مسجد میں پہنچے (ہم جماعت کے وقت سے پانچ منٹ تاخیر سے پہنچے) تو معلوم ہوا کہ مسجد میں مدرسے کے طالبِ علموں کی تقریبِ تقسیمِ اسناد منعقد کی جا رہی ہے۔ اور چونکہ تقریب ابھی مکمل نہیں ہوئی تھی سو جماعت نہیں ہوئی۔ ہمارا خیال تھا کہ جماعت پانچ دس منٹ تاخیر سے ہو جائے گی۔ لیکن جماعت ہونے کے کوئی آثار نظر نہ آنے پر ہم نے تنہا نماز پڑھنے کا فیصلہ کیا (کہ ہمیں کہیں جانا تھا اور گھر پر سب تیار تھے)۔ حتیٰ کہ ہم نے تنہا نماز پڑھ بھی لی تب بھی جماعت کے کوئی آثار نظر نہیں آئے۔ ہمیں اس پر حیرت ہوئی۔

ہونا تو یہ چاہیے تھا کہ تقریب روک کر ظہر کی نماز اپنے وقت پر ادا کر دی جاتی، لیکن نہ جانے کیوں ان لوگوں نے نماز کو اس قدر مؤخر کیوں کیا۔ تقریب ختم ہونے میں اگر وقت تھا تو مناسب یہی تھا کہ نماز باجماعت اپنے وقت پر ہو جاتی۔
 

فلک شیر

محفلین
یعنی ہونا تو یہ چاہیے تھا کہ اب تک یہ لڑی میں دو چار محفلین کو معطلین میں تبدیل کر دیتی لیکن افسوس کہ اب محفلین میں اب وہ جراتِ رندانہ باقی ہی نہیں رہی۔ :)

ہم نے آپ کی تحریر کو اپنے سمجھنے کے لئے آسان بنا لیا ہے۔ :)
اب کیا فائدہ احمد بھائی، وہ لپک کر لڑائی مول لینے والے دلاور شناور ہی نہ رہے :sleep:
 

سید عمران

محفلین
یعنی محنت کے لیے اجتماع کی ضرورت ؟
ہا ہا ہا...
بھائی ساب تسی وی ناں...
ابھی ہم اپنے نفسیاتی بھیا کی سنجیدہ نفسیاتی گفتگو کے کاپی پیسٹ ماخذ کا کھوج لگانے کا سوچ ہی رہے تھے کہ اس انتہائی درجہ کے غیر سنجیدہ مراسلہ سے ذہن پھر بھٹک گیا...
بھلا بتائیے اتنی ثقیل اور سنجیدہ گفتگو وہ بھی املا کی اغلاط کے بغیر، تن تنہا بھیا کا کارنامہ تو نہیں ہوسکتا...
یقینا اس اصلاحی محنت کے پیچھے اجتماعی دشمنوں کے نادیدہ ہاتھ ہیں!!!
 

سیما علی

لائبریرین
ہونا تو یہ چاہیے مردم آزار شرمندہ ہو 🥲پر
مصیبت کا مارا خو منہ چھپاتا پھرتا 🥲🥲🥲🥲
دے مجھ کو شکایت کی اجازت کہ ستم گر
کچھ تجھ کو مزہ بھی مرے آزار میں آوے
مرزا غالب
 

گُلِ یاسمیں

لائبریرین
ہونا تو یہ چاہئیے تھا کہ جب اس لڑی کو لگایا گیا تبھی ہمیں اطلاع مل جاتی تو اب تک 20 صفحے تو پار کر چکی ہوتی۔ خیر اب نظر پڑ گئی ہے تو نظرِ کرم بھی کر دیں گے۔
کوئی اعتراض؟
 
Top