1. اردو ویب کے سالانہ اخراجات کی مد میں فراخدلانہ تعاون پر احباب کا بے حد شکریہ نیز ہدف کی تکمیل پر مبارکباد۔ مزید تفصیلات ملاحظہ فرمائیں!

    $500.00
    اعلان ختم کریں

عرفان صدیقی ہم سے وہ جان سخن ربط نوا چاہتی ہے

چوہدری لیاقت علی نے 'پسندیدہ کلام' کی ذیل میں اس موضوع کا آغاز کیا، ‏اگست 9, 2015

  1. چوہدری لیاقت علی

    چوہدری لیاقت علی محفلین

    مراسلے:
    305
    جھنڈا:
    Pakistan
    موڈ:
    Bookworm
    ہم سے وہ جان سخن ربط نوا چاہتی ہے
    چاند ہے اور چراغوں سے ضیا چاہتی ہے

    اس کو رہتا ہے ہمیشہ مری وحشت کا خیال
    میرے گم گشتہ غزالوں کا پتا چاہتی ہے

    میں نے اتنا اسے چاہا ہے کہ وہ جانِ مراد
    خود کو زنجیر صحبت سے رہا چاہتی ہے

    چاہتی ہے کہ کہیں مجھ کو بہا کر لے جائے
    تم سے بڑھ کر تو مجھے موج فنا چاہتی ہے

    روح کو روح سے ملنے نہیں دیتا ہے بدن
    خیر، یہ بیچ کی دیوار گرا چاہتی ہے

    ہم پرندوں سے زیادہ تو نہیں ہیں آزاد
    گھر کو چلتے ہیں کہ اب شام ہوا چاہتی ہے

    ہم نے ان لفظوں کے پیچھے ہی چھپایا ہے تجھے
    اور انھیں سے تری تصویر بنا چاہتی ہے
     

اس صفحے کی تشہیر