ہمیں لڑنا نہیں ہمیں ڈرنا ہے

محمد عدنان اکبری نقیبی نے 'آپ کی تحریریں' کی ذیل میں اس موضوع کا آغاز کیا، ‏جون 13, 2020

  1. محمد عدنان اکبری نقیبی

    محمد عدنان اکبری نقیبی لائبریرین

    مراسلے:
    18,838
    جھنڈا:
    Pakistan
    موڈ:
    Cheerful
    السلام علیکم
    آپ احباب کے زیر نظر ایک اور کاوش پیش خدمت ہے ۔آپ سب سے درخواست ہے کہ اپنی رائے سے ضرور آگاہ فرمائیں۔


    ہمیں ڈرنا نہیں ہے ہمیں لڑنا ہے،
    پچھلے چند ماہ سے کرونا وائرس سے حفاظتی اقدامات کے لیے یہ اشتہاری سلسلہ تقریبا سب ہی کی نظر سے گزرا ہو گا اور جن لوگوں کی نظر سے نہیں گزرا تو وہ بے شک دنیا کے خوش نصیب لوگ ہیں۔
    لیکن آپ یہ سن کر حیران و پریشاں ہوں گے کہ ہمارا نعرہ ذرا مختلف ہے۔ جی ہاں! ہمارا ایسا ماننا ہے کہ " ہمیں لڑنا نہیں ہمیں ڈرنا ہے" اس میں ہی ہم سب شوہر حضرات کی فلاح و بہبود ہے۔
    آپ لوگوں نے یہ مثال تو ضرور سنی ہو گی کہ"جس نے جیسا پرکھا، اس نے ویسا پایا " ۔
    حیران ہو گئے ناں! کہ ایک طرف لاک ڈاؤن کا جبری تسلسل اور دوسرے جانب ایسا ولولہ انگیز نعرہ ۔
    یقین مانیے کہ سرکار وقت نے زندگی کو عجیب ہی دو راہے پر لاکھڑا کیا ہے۔گھر سے باہر جاتے ہیں تو وائرس کی لیپٹ میں آنے کے ساتھ پولیس کی مار کا خطرہ(بلکہ مار سے زیادہ سب کے سامنے اٹھک بیٹھک اور مرغا بننے کا خطرہ)، اور اگر گھر میں خود کو لاک کر کے رکھیں تو گھر کی سرکار سے فساد کا خطرہ۔
    خدا جانے یہ ہمارے کن کرموں کا پھل ہے جو سود سمیت ہم ادا کیے جا رہے ہیں ۔
    اللہ بخشے ہمارے دادا مرحوم اکثر و بیشتر ہماری نالائقی پر ہمیں اس مثال سے نوازا کرتے تھے،" گھر کا نہ گھاٹ کا دشمن اناج کا "مگر اب موجود حالات میں ہم نے بہت غور و فکر کیا کہ شاید ہماری نالائقی کے شواہد ملیں اور ہم اپنے دل بے چین کو مطمئن کر سکیں مگر نا جی۔ اللہ کو حاضر و ناظر جان کر ہم یہ اقرار کر رہے ہیں کہ انسان خطاء کا پتلا ہے غلطی ہو ہی جاتی ہے ۔
    ہم نے تو یہ بھی سن رکھا ہے کہ نظر بند قیدی کے آرام و آسائش کا ذمہ سرکار کے سر ہوتا ہے مگر ہمارے گھر کی سرکار بھارت کی طرح کان لپیٹے اپنی من مانی پہ تلی رہتی ہیں۔ مجال ہے جو ذرا بھی اقوام متحدہ کی قرارداد پر دھیان دیں۔
    بس اب تو یہی دعا ہر دم لبوں پہ رہتی ہے کہ یا اللہ اٹھا لے ۔
    ارے دعا تو پوری سن لیں آپ نے پہلے ہی آمین کی صدا بلند کر دی۔
    ہم مانتے ہیں کہ دکھ درد سب کے سانجھے ہوتے ہیں مگر اس کا ہرگز یہ مطلب نہیں کہ مان چاہی مراد پلک جھپکتے ہی پوری ہو جائے۔
    یااللہ اقوام عالم پر یہ کرونا وائرس جو مسلط ہے اس کو دنیا سے اٹھا لے تاکہ سرکار وقت لاک ڈاؤن اٹھا لے اور ہمارے جیسے تیرے معصوم اور مظلوم بندے دوبارہ سے آزادی کے ساتھ جی سکیں۔آمین
     
    • پر مزاح پر مزاح × 8
    • پسندیدہ پسندیدہ × 3
    • زبردست زبردست × 2
    • دوستانہ دوستانہ × 1
  2. جاسمن

    جاسمن مدیر

    مراسلے:
    14,554
    جھنڈا:
    Pakistan
    موڈ:
    Fine
    یہ غازی یہ تیرے پراسرار بندے
    جنھیں تو نے بخشا ہے منصب شوہری
    :D:LOL::ROFLMAO:
    بہت مزیدار مضمون ہے۔
    عدنان! آپ کی تحریریں تو نکھرتی جا رہی ہیں۔ محفل کے نثرنگار کے طور پہ آپ کا سفر شروع ہو چکا ہے ماشااللہ!
     
    • پسندیدہ پسندیدہ × 2
    • دوستانہ دوستانہ × 1
  3. محمد عدنان اکبری نقیبی

    محمد عدنان اکبری نقیبی لائبریرین

    مراسلے:
    18,838
    جھنڈا:
    Pakistan
    موڈ:
    Cheerful
    آپ بہت بہت شکریہ آپی جی۔
    آپ قابل احترام محفلین کی محبت اور توجہ کی وجہ سے ہمیں بہت کچھ سیکھنے کو ملا۔
    جزاک اللہ خیرا اجر کثیرا
     
    • دوستانہ دوستانہ × 1
    • پر مزاح پر مزاح × 1
  4. مریم افتخار

    مریم افتخار مدیر

    مراسلے:
    5,181
    جھنڈا:
    Pakistan
    موڈ:
    Cold
    اچھی شگفتہ تحریر ہے، اللہ کرے زور قلم اور زیادہ!
     
    • دوستانہ دوستانہ × 1
  5. محمد عدنان اکبری نقیبی

    محمد عدنان اکبری نقیبی لائبریرین

    مراسلے:
    18,838
    جھنڈا:
    Pakistan
    موڈ:
    Cheerful
    آمین ثم آمین
    حوصلہ افزائی کا شکریہ
     
    • دوستانہ دوستانہ × 1
  6. عبدالقیوم چوہدری

    عبدالقیوم چوہدری محفلین

    مراسلے:
    18,330
    جھنڈا:
    Pakistan
    موڈ:
    Relaxed
    بہت خوب نقیبی صاحب۔ اس 'بیماری' کا تاعمر واحد علاج احتیاط ہے۔ احتیاط کرتے رہیئے، بچتے رہیے۔
    ایک دو اور اسی موضوع پر لکھی تو سچ مچ کا سفر شروع ہو جانا۔ :tongueout:
     
    • پر مزاح پر مزاح × 3
    • دوستانہ دوستانہ × 1
  7. ایس ایس ساگر

    ایس ایس ساگر لائبریرین

    مراسلے:
    303
    جھنڈا:
    Pakistan
    موڈ:
    Cheerful
    مزیدار تحریر ہے عدنان بھائی۔بہت خوب۔
     
    • دوستانہ دوستانہ × 1
  8. محمد عدنان اکبری نقیبی

    محمد عدنان اکبری نقیبی لائبریرین

    مراسلے:
    18,838
    جھنڈا:
    Pakistan
    موڈ:
    Cheerful
    بہت شکریہ چوہدری جی۔
    بلاشبہ محتاط احتیاط میں ہی بچت ہے۔
    آپ مطمئن رہیں ،
    اب ذرا سوچ سمجھ کر لکھیں گے۔
     
    • دوستانہ دوستانہ × 1
  9. محمد عدنان اکبری نقیبی

    محمد عدنان اکبری نقیبی لائبریرین

    مراسلے:
    18,838
    جھنڈا:
    Pakistan
    موڈ:
    Cheerful
    بہت شکریہ ساگر صاحب۔
     
  10. لاريب اخلاص

    لاريب اخلاص محفلین

    مراسلے:
    22,728
    وعلیکم السلام!
    ماشاءاللہ سر اچھی تحریر ہے۔
     
    • پسندیدہ پسندیدہ × 1
  11. سین خے

    سین خے محفلین

    مراسلے:
    2,329
    جھنڈا:
    Pakistan
    موڈ:
    Cheerful
    اچھی تحریر ہے :) بس لڑی کے عنوان اور تحریر کے عنوان میں فرق ہے :)
     
    • پسندیدہ پسندیدہ × 1
    • پر مزاح پر مزاح × 1
  12. محمد تابش صدیقی

    محمد تابش صدیقی منتظم

    مراسلے:
    25,531
    جھنڈا:
    Pakistan
    موڈ:
    Breezy
    تحریر میں انھوں نے عنوان نہیں دیا، بات کا آغاز کیا ہے۔ آپ اسے نچلے جملے سے ملا کر پڑھیے تو آپ کو مطلب سمجھ آ جائے گا اور یہ بھی معلوم ہو جائے گا کہ کوما کے بعد نئی لائن شروع کرنے کا تکلف ہی کیا گیا ہے۔

    بہت خوب تحریر
    تھوڑی سی تصحیح
    ہمیں لڑنا نہیں ہمیں ڈر ڈر کر رہنا ہے۔
     
    • پر مزاح پر مزاح × 3
    • دوستانہ دوستانہ × 1
  13. محمد عدنان اکبری نقیبی

    محمد عدنان اکبری نقیبی لائبریرین

    مراسلے:
    18,838
    جھنڈا:
    Pakistan
    موڈ:
    Cheerful
    بھیا آپ تو ہمیں جہاد اکبر کی ترغیب دے رہے ہیں ۔
    اظہار پسندیدگی کا شکریہ
     
    • پر مزاح پر مزاح × 4
  14. محمد عدنان اکبری نقیبی

    محمد عدنان اکبری نقیبی لائبریرین

    مراسلے:
    18,838
    جھنڈا:
    Pakistan
    موڈ:
    Cheerful
    حوصلہ افزائی کا شکریہ سائرہ باجی ۔
    تابش بھیا نے ہماری جانب سے وضاحت کردی ۔یقین آپ مطمئن ہو چکی ہوں گی ۔
     
    • دوستانہ دوستانہ × 1
  15. محمد عدنان اکبری نقیبی

    محمد عدنان اکبری نقیبی لائبریرین

    مراسلے:
    18,838
    جھنڈا:
    Pakistan
    موڈ:
    Cheerful
    بہت شکریہ لاریب بہنا ۔
     
  16. ربیع م

    ربیع م محفلین

    مراسلے:
    3,581
    جھنڈا:
    Pakistan
    موڈ:
    Lonely
    بہت خوب ماشاءاللہ
     
    • پسندیدہ پسندیدہ × 1
  17. محمد عدنان اکبری نقیبی

    محمد عدنان اکبری نقیبی لائبریرین

    مراسلے:
    18,838
    جھنڈا:
    Pakistan
    موڈ:
    Cheerful
    جزاک اللہ خیرا اجر کثیر ا
    بہت شکریہ حوصلہ افزائی کا ربیع بھائی۔
     
  18. جاسم محمد

    جاسم محمد محفلین

    مراسلے:
    24,385
    باقی سب ٹھیک ہے۔ بس یہ بتائیں اس تحریر میں املاء کی تصحیح سید عمران نے کی ہے؟ :)
     
    • پر مزاح پر مزاح × 1
  19. محمد عدنان اکبری نقیبی

    محمد عدنان اکبری نقیبی لائبریرین

    مراسلے:
    18,838
    جھنڈا:
    Pakistan
    موڈ:
    Cheerful
    :):):)
     
    • دوستانہ دوستانہ × 1
  20. محمداحمد

    محمداحمد لائبریرین

    مراسلے:
    22,600
    جھنڈا:
    Pakistan
    موڈ:
    Amazed
    ماشاء اللہ ماشاء اللہ!

    عدنان بھائی بہت خوب!

    ہم اکثر سنا کرتے تھے کہ ہمارے جن مشاہیر نے عمدہ ادب تخلیق کیا ہے اب چاہے وہ ابوالکلام آزاد ہوں یا فیض احمد فیض یا دیگر ادباء ، سب کی بہترین تحریریں دورِ اسیری میں ہی لکھی گئیں اور آج آپ کی تحریر دیکھتے ہیں تو واقعی یقین آتا ہے کہ اسیری انسانی قلب و نظر کو کیسی وسعت عطا فرماتی ہے۔ اللہ تعالیٰ آپ کے حال پر رحم فرمائے۔

    اور ہماری بھی یہی دعا ہے کہ اللہ اب تو بس اُٹھا لے۔ وہی کرونا کو۔ :)

    خوش رہیے۔ :)
     
    • پر مزاح پر مزاح × 2
    • دوستانہ دوستانہ × 1

اس صفحے کی تشہیر