ہمارا دیس از صوفی تبسّم

[فرخ منظور]

ہمارا دیس

دیس ہمارا پاکستان
دیس ہمارا ہم کو پیارا
ہم سب کی آنکھوں کا تارا
اپنے دیس پہ ہم قربان
دیس ہمارا پاکستان

اس کی خوشی آرام ہمارا
اِس کے نام سے نام ہمارا
اِس کی شان ہماری شان
دیس ہمارا پاکستان

آزادی ہے شان ہماری
آزادی ہے آن ہماری
آزادی اپنا ایمان
دیس ہمارا پاکستان

پاکستان بنایا جس نے
اجڑا دیس بسایا جس نے
اُس کے نام پہ ہم قربان
دیس ہمارا پاکستان

آؤ خوشی سے مِل کر گائیں
دنیا میں یہ دھُوم مچائیں
دیس ہمارا پاکستان
دیس ہمارا پاکستان

(صوفی تبسّم)

 

[الف نظامی]

بہت خوب! ، صوفی تبسم کی کیا بات ہے۔

 

[فرخ منظور]

جی ہاں! صوفی صاحب کی بات ہی الگ ہے۔

 

[عمران القادری]

صوفی تبسم صاحب بچوں کے لیے جو بھی لکھا خوب لکھا۔

 

[شاہ حسین]

بہت خوب جناب سخنور صاحب