ایاز صدیقی ہر نبی شاہدِ خدا نہ ہوا

[مہ جبین]

ہر نبی شاہدِ خدا نہ ہوا​

آپ سا کوئی دوسرا نہ ہوا​

کرمِ شہرِ علم سے پہلے​

نعت کہنے کا حوصلہ نہ ہوا​

دل رہا ہر قدم پہ سر بسجود​

میں مدینے کو جب روانہ ہوا​

لاکھ پلکوں سے خاکِ طیبہ چنی​

" حق تو یہ ہے کہ حق ادا نہ ہوا"​

فرشِ خاکی سے عرشِ نوری تک​

کس جگہ ذکرِ مصطفےٰ نہ ہوا​

آپ کی یاد کے سوا کوئی​

کشتیء جاں کا ناخدا نہ ہوا​

دل کہ تھا ایک بے نوائے ازل​

آپ کے لطف کا خزانہ ہوا​

آپ کا در نہ وا ہوا جس پر​

کوئی دروازہ اس پہ وا نہ ہوا​

جالیوں ہی کو چوم لیں گے ایاز​

گر کرم باِلمشافِہہَ نہ ہوا​

​

ایاز صدیقی​

 

[عاطف بٹ]

بہت خوب۔ جزاک اللہ خیرا۔

 

[مہ جبین]

بہت خوب۔ جزاک اللہ خیرا۔

نعت کی پسندیدگی کے لئے مشکور ہوں

جزاک اللہ

 

[مہ جبین]

نعت پسند کرنے کے لئے جزاک اللہ عاطف بھائی

 

[مہ جبین]

میں نے پہلا شکریے کا مراسلہ لکھا تو مجھے نظر نہیں آیا ، میں نے دوبارہ لکھ دیا تو دونوں ساتھ ہی آگئے

 

[عاطف بٹ]

میں نے پہلا شکریے کا مراسلہ لکھا تو مجھے نظر نہیں آیا ، میں نے دوبارہ لکھ دیا تو دونوں ساتھ ہی آگئے

میں پہلے مراسلے کا ممنون ہوں کہ اس نے کچھ دیر کے لئے چھپ کر آپ سے اگلے دو مراسلے لکھوالیے۔

 

[قرۃالعین اعوان]

سبحان اللہ!
جزاک اللہ!

 

[مہ جبین]

سبحان اللہ!
جزاک اللہ!

بہت شکریہ عینی

 

[علی چوہدری]

آپ کا در نہ وا ہوا جس پر​

کوئی دروازہ اس پہ وا نہ ہوا​

میری دعاء ھے کہ یہ در کسی پر بند نہ ھو
بہت خوبصورت نعت شریف ھے

 

[میر انیس]

لاکھ پلکوں سے خاکِ طیبہ چنی
" حق تو یہ ہے کہ حق ادا نہ ہوا
بے شک بے شک
کرمِ شہرِ علم سے پہلے
نعت کہنے کا حوصلہ نہ ہوا
آپ کا در نہ وا ہوا جس پر
کوئی دروازہ اس پہ وا نہ ہوا
واہ کیا علم کے شہر کو علم کے دروازے سے منسلک کیا ہے ۔ بہت ہی گہرائی ہے اس بات میں

 

[علی چوہدری]

واہ کیا علم کے شہر کو علم کے دروازے سے منسلک کیا ہے ۔ بہت ہی گہرائی ہے اس بات میں

آپ کی دید بہت کمال ھے انیس بھائی

 

[مہ جبین]

علی چوہدری بھائی اور میر انیس بھائی !
نعت کی پسندیدگی کا بہت شکریہ

 

[مہ جبین]

میری دعاء ھے کہ یہ در کسی پر بند نہ ھو
بہت خوبصورت نعت شریف ھے

الٰہم آمین بھائی

بے شک

 

[علی چوہدری]

اک دل ہمارا کیا ہے آزار اِس کا کتنا
تم نے تو چلتے پھرتے مُردے جِلا دئیے ہیں
میرے کریم سے گَر قطرہ کسی نے مانگا
دریا بہا دیئے ہیں دُر ، بے بہا دیئے ہیں
بہت ہی خوبصورت