ہجائی ترتیب کے مطابق بیت بازی (صرف مرزا اسد اللہ خان غالب کے اشعار)

سیما علی

لائبریرین

ل​

لازِم تھا کہ دیکھو مرا رستا کوئی دِن اور
تنہا گئے کیوں، اب رہو تنہا کوئی دِن اور
۔۔۔۔۔۔۔۔۔۔۔۔۔۔۔۔۔۔۔۔۔۔
لِکھتا ہوں اسدؔسوزشِ دل سے سُخنِ گرم
تا کہ رکھ نہ سکے کوئی مِرے حرف پر انگُشت
۔۔۔۔۔۔۔۔۔۔۔۔۔۔۔۔۔۔۔:۔​
لیے جاتی ہے کہیں ایک توقُّع غالبؔ
جادہء رہ کششِ کافِ کرم ہے ہم کو
 

سیما علی

لائبریرین

م

میں نے مجنُوں پہ لڑکپن میں اسدؔ
سنگ اُٹھایا تھا کہ سر یاد آیا
۔۔۔۔۔۔۔۔۔۔۔۔۔۔۔۔۔۔۔۔​
مرنے کی اے دِل اور ہی تدبیر کر کہ میں
شایانِ دست و بازوئے قاتل نہیں رہا
۔۔۔۔۔۔۔۔۔۔۔۔۔۔​
میں نے چاہا تھا کہ اندوہِ وفا سے چُھوٹوں
وہ سِتمگر مِرے مرنے پہ بھی راضی نہ ہُوا
 

سیما علی

لائبریرین
ن
نہ تھا کُچھ تو خُدا تھا، کچھ نہ ہوتا تو خُدا ہوتا
ڈبویا مجھ کو ہونے نے، نہ ہوتا میں تو کیا ہوتا
۔۔۔۔۔۔۔۔۔۔۔۔۔۔۔۔۔۔۔۔۔۔۔​
نقش فریادی ہے کِس کی شوخی ءتحریر کا؟
کاغذی ہے پیرہن ہر پیکرِ تصویر کا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نظر میں ہے ہماری جادہء راہِ فنا غالبؔ
کہ یہ شیرازہ ہے عالم کے اجزائے پریشاں کا​
 

سیما علی

لائبریرین

و​

وا حسرتا کہ یار نے کھینچا سِتم سے ہاتھ
ہم کو حریصِ لذتِ آزار دیکھ کر
۔۔۔۔۔۔۔۔۔۔۔۔۔۔۔۔۔۔
وہ آئے گھر میں ہمارے، خُدا کی قدرت ہے
کبھی ہم اُن کو کبھی اپنے گھر کو دیکھتے ہیں
۔۔۔۔۔۔۔۔۔۔۔۔۔۔۔۔۔۔۔۔۔
وہ اپنی خُو نہ چھوڑیں گے، ہم اپنی وضع کیوں چھوڑیں
سُبُک سر بن کے کیا پوچھیں کہ ہم سے سرگِراں کیوں ہو
 

سیما علی

لائبریرین

ہ

ہم کہاں کے دانا تھے، کس ہُنر میں یکتا تھے
بے سَبب ہُوا غالبؔ دشمن آسماں اپنا
۔۔۔۔۔۔۔۔۔۔۔۔۔۔۔۔۔۔۔۔۔۔
ہُوئی مدّت کہ غالبؔ مر گیا ، پر یاد آتا ہے
وہ ہر اک بات پر کہنا کہ یُوں ہوتا تو کیا ہوتا
۔۔۔۔۔۔۔۔۔۔۔۔۔۔۔۔۔۔۔۔۔​
ہوئی تاخیر تو کُچھ باعثِ تاخیر بھی تھا
آپ آتے تھے ، مگر کوئی عِناں گیر بھی تھا​
 

سیما علی

لائبریرین
ی
یہ مسائلِ تصوّف ، یہ تِرا بیان غالبؔ
تجھے ہم ولی سمجھتے جو نہ بادہ خوار ہوتا
۔۔۔۔۔۔۔۔۔۔۔۔۔۔۔۔۔۔۔​
یہ لاشِ بے کفن اسدؔ ِ خستہ جاں کی ہے
حق مغفرت کرے عجب آزاد مرد تھا
۔۔۔۔۔۔۔۔۔۔۔۔۔۔۔۔۔۔۔
یہ کہاں کی دوستی ہے کہ بنے ہیں دوست ناصح​
کوئی چارہ ساز ہوتا، کوئی غم گُسار ہوتا
 

سیما علی

لائبریرین
IMG-1119.jpg
ا

اُس کی اُمّت میں ہُوں میں میرے رہیں کیوں کام بند
واسطے جس شہ کے غالب گنبدِ بے درکھلا
۔۔۔۔۔۔۔۔۔۔۔۔۔۔۔۔۔۔۔۔۔
آئے ہے بیکسیء عشق پہ رونا غالبؔ​
کِس کے گھر جائے گا سیلابِ بلا میرے بعد
۔۔۔۔۔۔۔۔۔۔۔۔۔۔۔۔۔۔
 
آخری تدوین:

سیما علی

لائبریرین

ب​

بُلبُل کے کاروبار پہ ہیں خَندہ ہائے گُل
کہتے ہیں جِس کو عشق، خلل ہے دماغ کا
۔۔۔۔۔۔۔۔۔۔۔۔۔۔۔۔۔۔​
بوئے گُل ، نالہء دل، دُودِ چراغِ محفِل
جو تِری بزم سے نِکلا، سو پریشاں نِکلا
۔۔۔۔۔۔۔۔۔۔۔۔۔۔۔۔۔۔۔۔۔
بزمِ شاہنشاہ میں اشعار کا دفتر کھلا
رکھیو یا رب یہ درِ گنجینہء گوہر کھلا
 

سیما علی

لائبریرین
پ
پھر مُجھے دیدہء تر یاد آیا​
دِل، جِگر تَشنہء فریاد آیا
۔۔۔۔۔۔۔۔۔۔۔۔۔۔۔۔۔۔۔۔۔۔
پُوچھتے ہیں وہ کہ غالبؔ کون ہے
کوئی بتلاؤ کہ ہم بتلائیں کیا
۔۔۔۔۔۔۔۔۔۔۔۔۔۔۔۔
پاتا ہُوں اُس سے داد کُچھ اپنے کلام کی
رُوح القُدُس اگرچہ مرا ہم زباں نہیں​
 

سیما علی

لائبریرین

ت

تیشے بغیر مر نہ سکا کوہکن اسدؔ
سر گشتہء خُمارِ رُسُوم و قُیُود تھا
۔۔۔۔۔۔۔۔۔۔۔۔۔۔۔۔
تھا زندگی میں مرگ کا کھٹکا لگا ہُوا
اُڑنے سے پیشتر بھی مرا رنگ زرد تھا
۔۔۔۔۔۔۔۔۔۔۔۔۔۔۔۔۔۔۔۔
ترے وعدے پر جِیے ہم، تو یہ جان ، جھوٹ جانا
کہ خوشی سے مر نہ جاتے اگر اعتبار ہوتا
 
Top