عدم گو تری محفل سے او بیدادگر جاتا ہوں میں- عدم

[کاشفی]

غزل​

(عدم)​

​

گو تری محفل سے او بیدادگر جاتا ہوں میں​

دیکھ کیا تفتہ جگر، آشفتہ سر جاتا ہوں میں​

​

جستجوؤں پر ثباتِ زیست کا ہے انحصار​

جستجوئیں ختم ہوتی ہیں تو مر جاتا ہوں میں​

​

شوقِ بے پایاں کی کوشش کا کوئی حاصل بھی ہے؟​

اے فریبِ آرزو آخر کدھر جاتا ہوں میں؟​

​

کیوں اُٹھاتا ہے مجھے محفل سے او بیدادگر؟​

آگیا ہوں، رنگِ محفل دیکھ کر جاتا ہوں میں​

​

تیری خواہش سوز نظروں کے تصّور پر نثار​

منزلِ احساسِ ہستی سے گزر جاتا ہوں میں​

​

زندگی کی راہ پُر آفات ہے لیکن عدم!!​

ہر کٹھن منزل سے وحشت میں گزر جاتا ہوں میں​

 

[صائمہ شاہ]

شوقِ بے پایاں کی کوشش کا کوئی حاصل بھی ہے؟​

اے فریبِ آرزو آخر کدھر جاتا ہوں میں؟​

 

[سارہ خان]

زبردست غزل ۔۔۔

 

[زبیر مرزا]

واہ جناب بہت خُوب

 

[محمد وارث]

واہ کیا خوب غزل ہے، شکریہ کاشفی صاحب

 

[کاشفی]

​

شوقِ بے پایاں کی کوشش کا کوئی حاصل بھی ہے؟​

اے فریبِ آرزو آخر کدھر جاتا ہوں میں؟​

شکریہ صائمہ شاہ صاحبہ!

زبردست غزل ۔۔۔

شکریہ ساہ خان صاحبہ!

واہ جناب بہت خُوب

شکریہ زحال مرزا صاحب!

واہ کیا خوب غزل ہے، شکریہ کاشفی صاحب

شکریہ محمد وارث صاحب!