کیفیت نامہ آپ کا تبصرہ ہمارا

محمد وارث

لائبریرین
مگر جنہوں نے فلمی دھنیں سن رکھی ہیں
وہ جب بھی مذہبی بولوں والی دھن سنیں گے انہوں یقینا فلمی گانے اور دھنیں یاد آئینگی۔

بجا فرمایا۔ ہر کسی کے ساتھ ہوتا ہوگا، میں تو اسی وجہ سے سنتا ہی نہیں (فلمی گانوں کی دھنوں پر بنا مذہبی کلام) کہ اس سے پہلا مزا بھی کرکرا ہو جاتا ہے۔
 

نیرنگ خیال

لائبریرین
اس پر کبھی دوسری طرف کا موقف بھی سننا چاہیئے۔ فلمی دھنوں سے دینی کلام بنانے والے فرماتے ہیں کہ دھن ایک دھاگے کی مانند ہوتی ہے، اب یہ آپ کی مرضی ہے کہ اس دھاگے میں موتی پرویں، کانٹے پرویں یا پھول ۔ جب ہار بن جائے گا تو دھاگے کی حیثیت ثانوی ہو جائے گی اور جو چیز پروئی گئی ہے وہ اسی چیز کا ہار کہلائے گا۔ اسی طرح دھن دھاگہ ہے اور وہ فلمی بولوں کے کانٹوں کو نکال کر اس میں مذہبی بولوں کے پھول پرو دیتے ہیں اور ایک بدنما ہار کی جگہ ایک پاک صاف ہار وجود میں آ جاتا ہے۔

ذاتی طور پر مجھے اس منطق سے کوئی اختلاف نہیں ہےمگر یہ کہ وہ فلمی گانوں کو کانٹوں کا ہار سمجھتے ہیں۔ :)
وارث بھائی آپ کی بات درست ہے لیکن میں جن مذہبی گانوں کی بات کر رہا ہوں۔ ان کو اگر آپ سن لیں گے تو بقیہ عمر تمام موسیقی سے توبہ کر لیں گے۔ کہتے ہیں تو ایک آدھ بطور ہدیہ پیش کروں۔
 

Gulmaily

محفلین
جس لڑی میں آپ اس وقت موجود ہیں، یہ ہللے پھلکے مزاح کی لڑی ہے۔ جیسا کہ عدنان بھائی نے آپ کو بتایا کہ محفل کے سرورق پہ آپ کو کیفیت نامہ میں مختلف لوگوں کے کیفیت نامے نظر آ رہے ہوں گے، وہ وٹزایپ کے سٹیٹس جیسے ہوتے ہیں۔ لیکن اس لڑی میں ان میں سے کسی کیفیت نامے کو لے کے یہاں مزاحیہ تبصرہ کیا جا رہا ہے۔
کیا میں بھی لے سکتی ہوں کسی کا کیفیت نامہ؟
 

محمد وارث

لائبریرین
وارث بھائی آپ کی بات درست ہے لیکن میں جن مذہبی گانوں کی بات کر رہا ہوں۔ ان کو اگر آپ سن لیں گے تو بقیہ عمر تمام موسیقی سے توبہ کر لیں گے۔ کہتے ہیں تو ایک آدھ بطور ہدیہ پیش کروں۔
ارے نہیں صاحب، ہم لنڈورے ہی بھلے۔ :)
 

محمد وارث

لائبریرین
Top