کیسے دکھائے دن دلِ خانہ خراب نے ۔۔۔

آج اصلاح سخن میں پڑی اپنی تُک بندیوں سے مٹی جھاڑی تو شکیب بھائی کا یہ حکم نامہ موجود پایا!

تو تعمیل حکم میں، تاخیر کی معذرت کے ساتھ عرض ہے کہ

کیسے دکھائے دن دلِ خانہ خراب نے
آنکھوں کو گھر بنا لیا اِک جُوئے آب نے

مستی نگاہِ یار کی دیکھی تو شرم سے
بوتل میں منہ چھپا لیا اپنا شراب نے

قُدس و عُلُوّ و علم و ظہور و غیاب کے
کتنے نقاب اوڑھے ہیں اِک بے نقاب نے

منکر نکیر آئے ہیں چھیڑا ہے ذکر یار
محفل سجائی اُن کے سوال و جواب نے

حیراں ہیں ساری اُمتیں محشر میں دیکھ کر
رتبے جو پائے اُمّتِ عالیجناب ﷺ نے

احبابِ علم و ذوق کے فیضان سے شفا
کیا خوب ہیں جو لفظ پروئے جناب نے

۔۔۔
​

 

کیا خوب غزل ہے ماشاء اللہ۔

ہائے!

 

الشفاء بے حد کمال

 

قُدس و عُلُوّ و علم و ظہور و غیاب کے
کتنے نقاب اوڑھے ہیں اِک بے نقاب نے

اسم صفت: القدوس ، العلی ، العلیم، الظاہر، الباطن ۔۔۔
اسم ذات : اللہ

کسی مقصدکے حل کی غرض سے کسی سے ملاقات کرنا اصل میں اُس کی کسی صفت سے ملاقات کرنا ہے
جب کہ بغیر کسی مقصد کے کسی سےملاقات کرنا اصل میں اُس کی ذات سے ملاقات کرنا ہے
یہ اور بات ہے کہ بقول واصف علی واصف:
گلاب کا نام خوشبو کے پردوں پر سفر کرتا ہے۔ گلاب ، ذات ہے اور خوشبو ، صفت۔
ذات اپنی صفات کے حوالے سے پہچانی جاتی ہے۔

 

ذرہ نوازی شکیب بھائی۔۔۔

آ عندلیب مل کے کریں آہ و زاریاں
تو ہائے گل پکار میں چلاّؤں ہائے دل

 

بے حد شکریہ اپیا۔۔۔

 

جیتے رہیے خوش رہیے۔۔۔۔۔۔۔

 

چاک وعدہ نہ سِلے، زخمِ تمنّا نہ کِھلے۔۔۔۔
سانس ہموار رہے شمع کی لَو تک نہ ہِلے

 

اب جو کہنا ہے تو کیسے کوئی نوحہ کہیے ۔۔۔۔
آج تک تم سے رگِ جاں کے کئی رشتے تھے

 

اپنے اس چھوٹے بھائی یا بیٹے کو اسی طرح دعاؤں میں یاد رکھیں۔۔۔

 

اللہ خوش رکھے بیٹا

 

اللہ عزوجل آپ کو صحت و عافیت سے خوش رکھے۔۔۔

 

بہت شکریہ آپی۔۔۔

کیا انکشاف ہوا؟