ابن توقیر
محفلین
دکھی دل کے ساتھ آخر ہم نے جھیل کو الوداع کہہ ہی دیا۔یہاں سے نکلتے دل بڑا غمگین تھا کیا پتا یہاں دوبارہ جانا نصیب بھی ہو کہ نہیں۔ کٹورہ جھیل بے انتہا خوبصورت ہے جو مقامی افراد اور ہم باہر سے آنے والوں کی لاپرواہی کی وجہ سے رل رہی ہے۔کمراٹ کے سفر میں ہم نے اکثر مقامی افراد کے لہجوں میں شدید بدتمیزی دیکھی جو ہمارے لیے افسوس ناک تھی۔اس کے لیے کچڑے نے پورے پاکستان کو ہی متاثر کیا ہوا ہے لیکن کمراٹ تو سب سے زیادہ اس سے متاثر لگ رہا تھا۔
ابن توقیر
محفلین
جہاز بانڈہ پہنچ کر کٹورہ کے علاوہ کنڈ بانڈہ بھی ضرور کرنا چاہیے لیکن ہمارے پاس وقت کی کمی تھی اور ہمیں پلان کے مطابق کٹورہ سے کمراٹ پہنچنا تھا اس لیے کنڈ بانڈہ کو پھر کبھی پر چھوڑ دیا۔
جہاز بانڈہ سے کنڈ بانڈہ تک گھنٹے ڈیڑھ گھنٹے کا ٹریک ہے جہاں خوبصورت وادی اور آبشار آپ کی روح کو سرشار کرتی ہے۔
جہاز بانڈہ سے کنڈ بانڈہ تک گھنٹے ڈیڑھ گھنٹے کا ٹریک ہے جہاں خوبصورت وادی اور آبشار آپ کی روح کو سرشار کرتی ہے۔
ابن توقیر
محفلین
ٹکئی ٹاپ پہنچ کر جیپ ڈرائیورسے کمراٹ کی بات کی، تب ہمارا ارادہ تھل قیام کرنے کا تھا اور اگلا دن کمراٹ گزارنے کا۔اس نے ہمارے ساتھ دو دن رہنے کی بات کی لیکن تھل پہنچ کر اس کے تیور بدل گئے اور اس نے کرایے کو لے کر چکر چلانے شروع کردیے۔ہماری حالت تو پہلے ہی ٹریکنگ کے بعد پتلی تھی اوپر سے جیپ کے سفر نے تھکایا ہوا تھا۔اس کی بدتمیزی اور بدزبانی نے رہی سہی کسر بھی پوری کردی۔تھل سے آگے سفر کی ہمت بھی نہیں تھی لیکن ڈرائیور کے ساتھ ہوئی تلخ کلامی کی وجہ سے ہمیں کمراٹ تک کا سفر کرنا پڑا۔اس نے کمراٹ آبشار کےپاس ہمیں زبردستی پہنچا دیا۔ اس کی نیت کرایہ میں ہیر پھیر کے ساتھ کمراٹ سے کسی پارٹی کے ساتھ ڈیل کی وجہ سے بدلی ہوئی تھی۔خیر کمراٹ میں کئی بار اس طرح کی بدتمیزیوں کا تجربہ ہونے کی وجہ سے ہم نے صبر کرلیا۔
کمراٹ کے لوگوں میں حد سے زیادہ بدتمیزی اور بدزبانی کا تجربہ ہوا۔یہ بات شیئر کرنے کی وجہ یہی ہے کہ اگر کسی کا جانا ہو تو اس بات کا خاص خیال رکھیں۔ جیپ یا ہوٹل والوں سے پہلے کلیر کریں اور حساب کتاب میں خاص خیال رکھیں۔خیر اس بات کا خیال تو ہر جگہ ہی رکھنا چاہیے لیکن یہاں کسی قسم کی لاپرواہی یا سستی آپ کے گلے پڑ سکتی ہے۔جن علاقوں کا بھی سفر کیا ایسا رویہ کہیں دیکھنے کو نہیں ملا۔
شاید اس کی وجہ یہ ہو کہ اس علاقے کو شہرت ملے ابھی زیادہ عرصہ نہیں ہوا اس لیے اتنی زیادہ رش سے ڈیل کرنے میں ان لوگوں کے اندر یہ تلخی گھل گئی لیکن اگر ان لوگوں نے اپنے رویوں میں تبدیلی نہ لائی تو جلد لوگ اس خوبصورت علاقے سے متنفر ہوجائیں گے۔
جہاز بانڈہ سے واپس آتے ہوئے آدھے راستے میں کچھ دیر پانی وغیرہ کے رکے تو یہ منظر محفوظ کیا۔
کمراٹ کے لوگوں میں حد سے زیادہ بدتمیزی اور بدزبانی کا تجربہ ہوا۔یہ بات شیئر کرنے کی وجہ یہی ہے کہ اگر کسی کا جانا ہو تو اس بات کا خاص خیال رکھیں۔ جیپ یا ہوٹل والوں سے پہلے کلیر کریں اور حساب کتاب میں خاص خیال رکھیں۔خیر اس بات کا خیال تو ہر جگہ ہی رکھنا چاہیے لیکن یہاں کسی قسم کی لاپرواہی یا سستی آپ کے گلے پڑ سکتی ہے۔جن علاقوں کا بھی سفر کیا ایسا رویہ کہیں دیکھنے کو نہیں ملا۔
شاید اس کی وجہ یہ ہو کہ اس علاقے کو شہرت ملے ابھی زیادہ عرصہ نہیں ہوا اس لیے اتنی زیادہ رش سے ڈیل کرنے میں ان لوگوں کے اندر یہ تلخی گھل گئی لیکن اگر ان لوگوں نے اپنے رویوں میں تبدیلی نہ لائی تو جلد لوگ اس خوبصورت علاقے سے متنفر ہوجائیں گے۔
جہاز بانڈہ سے واپس آتے ہوئے آدھے راستے میں کچھ دیر پانی وغیرہ کے رکے تو یہ منظر محفوظ کیا۔
