1. اردو ویب کے سالانہ اخراجات کی مد میں فراخدلانہ تعاون پر احباب کا بے حد شکریہ نیز ہدف کی تکمیل پر مبارکباد۔ مزید تفصیلات ملاحظہ فرمائیں!

    $500.00
    اعلان ختم کریں

عرفان صدیقی کون ہے جس کے لیے نامۂ جاں لکھتے ہو

لاریب مرزا نے 'پسندیدہ کلام' کی ذیل میں اس موضوع کا آغاز کیا، ‏جولائی 18, 2018

  1. لاریب مرزا

    لاریب مرزا محفلین

    مراسلے:
    5,643
    تم جو عرفانؔ یہ سب دردِ نہاں لکھتے ہو
    کون ہے جس کے لیے نامۂ جاں لکھتے ہو

    جانتے ہو کہ کوئی موج مٹا دے گی اسے
    پھر بھی کیا کیا سرِ ریگِ گزراں لکھتے ہو

    جس کے حلقے کا نشاں بھی نہیں باقی کوئی
    اب تک اس رشتے کو زنجیرِ گراں لکھتے ہو

    یہ بھی کہتے ہو کہ احوال لکھا ہے جی کا
    اور یہ بھی کہ حدیثِ دگراں لکھتے ہو

    یہ بھی لکھتے ہو کہ معلوم نہیں ان کا پتا
    اور خط بھی طرفِ گمشدگاں لکھتے ہو

    سایہ نکلے گا جو پیکر نظر آتا ہے تمہیں
    وہم ٹھہرے گا جسے سروِ رواں لکھتے ہو

    اتنی مدت تو سلگتا نہیں رہتا کچھ بھی
    اور کچھ ہو گا جسے دل کا دھواں لکھتے ہو

    کوئی دلدار نہیں تھا تو جتاتے کیا ہو
    کیا چھپاتے ہو اگر اس کا نشاں لکھتے ہو

    تم جو لکھتے ہو وہ دُنیا کہیں ملتی ہی نہیں
    کون سے شہر میں رہتے ہو، کہاں لکھتے ہو
     
    • پسندیدہ پسندیدہ × 1
    • زبردست زبردست × 1
  2. نایاب

    نایاب لائبریرین

    مراسلے:
    13,422
    جھنڈا:
    Pakistan
    موڈ:
    Goofy
    واہہہہہہہہ بہت خوب انتخاب
    بہت دعائیں
     
    • پسندیدہ پسندیدہ × 1
  3. لاریب مرزا

    لاریب مرزا محفلین

    مراسلے:
    5,643
    انتخاب کو سراہنے کے لیے بہت شکریہ :)
     
    • دوستانہ دوستانہ × 1
  4. سید لبید غزنوی

    سید لبید غزنوی محفلین

    مراسلے:
    3,357
    جھنڈا:
    Pakistan
    موڈ:
    Breezy
    ہمیں بھي خبر کریں کون ہے وہ۔۔۔۔۔
    خوبصورت انتخاب ہے ۔۔
     

اس صفحے کی تشہیر