کوسِ رحیل - (حکیم) مولانا عبدالخالق ابابکی

[ذوالقرنین]

السلام علیکم!
مولانا عبدالخالق ابابکی صاحب ہمارے علاقے کا ایک جانا پہچانا نام ہے، جو کہ ایک عالم دین، شاعر، حکیم و فہیم شخصیت کے مالک ہیں۔ مولانا صاحب براہوئی فاضل میں گولڈ میڈلسٹ ہے۔ اس کا ایک رجسٹرڈ مکتبہ بھی ہے مکتبہ ابابکی کے نام سے جو کہ مکتبہ درخانی کے بعد قائم کی گئی اور اس مکتب سے بھی کافی اصلاحی کتب شائع کی گئی ہیں۔ خود مولانا صاحب کی مختلف زبانوں براہوئی، فارسی، اردو، عربی میں کافی کتب شائع ہوئی ہیں اور ابھی تک یہ سلسلہ جاری ہے۔ زیر نظر کتاب "کوس رحیل" اردو زبان میں شائع کی گئی ہیں۔ اس کتاب پر دو شخصیات نے پی ایچ ڈی بھی کی ہیں۔ کوشش کرکے میں اس کتاب سے وقتاً فوقتاً شاعری شیئر کرتا رہوں گا۔ مولانا صاحب کا ایک شعر ؎

مسلم کی صداقت و کافر کی خبر سن​

فرعون کو ملے آگ و موسیٰ کو ملے طور​

 

[ذوالقرنین]

مدح اصحاب کرام رضی اللہ عنہما​

​

میرا معبود رازق اور رحیمی میں خدا افضل​

نبیوں میں امین صادق محمد ہے عُلیٰ افضل​

اصحابی کالنجوم فرمان باقی ہے محمد کا​

مگر صدیق اکبر کی رفاقت اور وفا افضل​

شجاعت جس کو کہتے ہیں حقیقت میں صحیح آدم​

تو عمر سے نہیں کوئی جری اس سے سوا افضل​

بنا عثمان ذی النورین محمد سے لقب پایا​

ہوا وہ جامع القرآن سخا اس کی حیا افضل​

کہ مرکز علم تقویٰ کا علی المرتضیٰ جس کو​

یہ کہتے ہیں خلائق سے کہ ہے اس کی ادا افضل​

کہ جن پر ناز کرتا ہے خلائق جن و ملک ہر دم​

بنایا ان کو امت پر امامت پر خدا افضل​

ہدایت جن کے صدقے سے ہوئی سب کو نصیب عبدلؔ​

تمام اصحاب امت سے ہیں یہ صادق صفا افضل​

 

[ذوالقرنین]

سوز نفس​

​

خداوندا ہمیں بینا نظر دے​

بلالی ذوق صدقِ بوبکر دے​

حقیقت میں صحیح رمز خلافت​

نظامِ دہرمیں فعلِ عمر دے​

نگائیں تاک رکھتا ہوں اسی پر​

کہ مانندِ تقی عثمان جگر دے​

صفاتِ پاک علم حیدر علی کی​

شجاعت تیر کمان شمشیر سپر دے​

وہ مقصودِ منازل تک رسد کا​

سرِ افلاک فضاء میں رہگزر دے​

درِ میخانہ عاشق کو اسی دم​

شراب و انگبین شیر و شکر دے​

خس و خاشاک حباب و خاک حجر سے​

فقیر و بے نوا کو سیم و زر دے​

حرم کی نغمہِ دلکش صدا پر​

دلوں میں ولولہ عشق و اثر دے​

بٹھکتا ہے کہ جو تیرہ شبوں میں​

اسے ضوءِ قمر نورِ فجر دے​

لٹایا جس نے ملت کی جوانی​

دفن مٹی میں کر جلدی قبر دے​

حقیقت میں صحیح آدم کو بہتر​

مغز دل استخواں فہم و فکر دے​

سوئے افلاک عبدلؔ کو ذرا سی​

کمال و فعل عمل علم و ہنر دے​

 

[ذوالقرنین]

آمادہ​

​

بھڑک کر نغمہ زن پہلی صدا پر​

اَلَستُ پھر ذرا قَالُوا بَلیٰ پر​

تپش آموز اے مردِ کہن پیر​

بقاء جوئی طلب زیبست فنادر​

گرفتارِ غضب آدم صحیح سن​

جہاں ہے غمزدہ تیری حیا پر​

ازل میں ہے رقم ظاہر کہانی​

نشاط انگیز بن ایفا وفاء پر​

رُلاتا ہے تجھے تہذیب افرنگ​

کہ روز افزوں نظر اس کی ادا پر​

خدا بسیار بت خانہ صنم بہست​

یقیں محکم نہیں جب لا الہ پر​

تیری باطل پرستی خود پرستی​

اثر انداز ہے ارض و سما پر​

تخلص انس ہے شرمندہ بن بھی​

کیوں احساں ہے آدم حوا پر​

توجہ کر ذرا سی بھی اگر تو​

حرم کی نغمہ زن دلکش ندا پر​

کیونکر آ گئی نوبت خموشی​

فضائے دہر کے گرد و نوا پر​

بناؤ مال پھر حشمت پرستی​

کیوں غالب خداوند کی ثنا پر​

الجھ کر رہ گیا ساقی کیونکر​

سرِ عشاق محفل میں عطا پر​

تجلی برق سے کیونکر ہو حاصل​

بھروسہ جب نہیں اس کی ضیا پر​

ارے عبدلؔ ذرا تو بھی نظر کر​

ازل سے ابتداء تا انتہا پر​

 

[ذوالقرنین]

عشق​

​

عشق میں موج و بھنور عشق کا ساحل نہیں​

عشق میں جاری سفر عشق کی منزل نہیں​

عشق سے اُمی لقب صاحب اسریٰ ہوا​

عشق کی پھر شان دیکھ میزبان اللہ ہوا​

پھول جنت کی کھلے عشق سے آتش خلیل​

عشق سے حاصل کرے بحر میں موسیٰ سبیل​

عشق سے صدیق یار تاج دار عالم ہوا​

عشق سے عمر بنا کفر کا ماتم ہوا​

عشق سے رمز غنا پا لیا عثمان غنی​

عشق میں شمشیر زن کنز علم حضرت علی​

عشق سے آتش فشاں روح دل حضرت جنید​

رابعہ بصری بنی عشق سے نور امید​

عشق سے سقطی بنا عشق سے رازی بنا​

عشق سے رومی بنا عشق سے سعدی بنا​

عشق شد نور نظر عشق شد ضوء قمر​

عشق را وافر اثر در بندگی آتش شرر​

عشق ہے ظاہر جنون عشق ہے باطن سکون​

عشق ہے سوز جگر عشق بھی ہے اشک و خون​

عشق میں سر احد پاتے ہیں سنگ و نبات​

عشق میں ہے بحر و بر ملخ مور و طائرات​

عشق سے عبدل بنا راز دانِ کائنات​

عشق سے سوئے ھدیٰ عشق سے رائے نجات​