مصطفیٰ زیدی کلام مصطفٰی زیدی

[غزل قاضی]

تلاش

آج کیوں میرے شب و روز ہیں محروم ِ گداز
اے مری روح کے نغمے ، مرے دِل کی آواز

اک نہ اک غم ہے نشاطِ سحروشام کے ساتھ
اور اس غم کا مفہوم نہ مقصد نہ جَواز

میں تو اقبال کی چوکھٹ سے بھی مایوس آیا
میرے اَشکوں کا مداوا نہ بدخشاں نہ حِجاز

چند لمحوں سے خواہش کہ دوامی بن جائیں
ایک مرکز پہ رہے سُرخ لہو کی ھَل چَل

کبھی ہر گام پہ ٹھوکر ، کبھی منزل کا حریف
اے جہانِ گزاراں ایک سے انداز پہ چل

مصطفٰی زیدی

(روشنی)

 

[فرخ منظور]

مصطفیٰ زیدی کی نظم پوسٹ کرنے کا بہت شکریہ غزل جی! ہو سکے تو تدوین میں جا کر اس کی فارمٹنگ ختم کر دیں۔ بہت شکریہ!

 

[غزل قاضی]

انتخاب پسند فرمانے کا بیحد شکریہ فرخ صاحب ! امید ھے کہ فارمیٹنگ کے بعد سب ٹھیک ھو گیا ھے

 

[فرخ منظور]

بہت شکریہ غزل جی! آپ کے انتخاب کو بہت سی داد۔

 

[غزل قاضی]

فرخ صاحب ! بہت آداب ، شاد رھئیے

 

[غزل قاضی]

کردار

خیال و خواب کی دنیا کے دل شکستہ دوست
تری حیات مری زندگی کا خاکہ ہے

غم ِ نگار و غم ِ کائنات کے ہاتوں !
ترے لبوں پہ خموشی ہے،مجھ کو سَکتہ ہے

مری وفا بھی ہے زخمی تری وفا کی طرح
یہ دل مگر وہی اک تابناک شعلہ ہے

ترا مزار ہے اینٹوں کا ایک نقشِ بلند
مرا مزار مرا دل ہے ، میرا چہرہ ہے

جو زہر پی نہ سکا تو حیات سے ڈر کے
وہ زہر اَب بھی بدستور پی رہا ہوں میں

شدید کب میں تونے تو خود کُشی کر لی
شدید تر غمِ ہستی میں جی رہا ہوں میں

مصطفٰی زیدی

(روشنی)