الف عین
لائبریرین
عرفان
میں اس راستے پر کھڑا ہوں جہاں سے
کسی آشنا کے گزرنے کی امید بالکل نہیں ہے
مجھے اپنی، اور اپنے جیسے
سیہ بخت انسانوں کی جستجو ہے
ازل سے ابد تک کی لمبی مسافت
اسی جستجو کے سہارے
مجھے کرنی ہو گی
مرے پاس سے جب بھی گزرا ہے کوئی
تو پوچھا ہے میں نے
مجھے اپنی، اور اپنے جیسے سیہ بخت انسانوں کی جستجو ہے
خدا کے لئے مجھ کو اتنا بتا دو
کہ اس راستے پر
مجھے منزلِ آخری کی تمنا میں
یوں ہی بھٹکنا ہے کب تک
مرے ہاتھ میں ہاتھ لے کر وہ بولا
مجھے اجنبی کیوں سمجھتے ہو
میں بھی
تمہاری طرح منزلِ آخری کی طلب میں
بھٹلتا ہوں، لیکن
تمہاری طرح منزلِ آخری کی حقیقت کو
تسلیم کرنے کو راضی نہیں ہوں
٭٭٭
میں اس راستے پر کھڑا ہوں جہاں سے
کسی آشنا کے گزرنے کی امید بالکل نہیں ہے
مجھے اپنی، اور اپنے جیسے
سیہ بخت انسانوں کی جستجو ہے
ازل سے ابد تک کی لمبی مسافت
اسی جستجو کے سہارے
مجھے کرنی ہو گی
مرے پاس سے جب بھی گزرا ہے کوئی
تو پوچھا ہے میں نے
مجھے اپنی، اور اپنے جیسے سیہ بخت انسانوں کی جستجو ہے
خدا کے لئے مجھ کو اتنا بتا دو
کہ اس راستے پر
مجھے منزلِ آخری کی تمنا میں
یوں ہی بھٹکنا ہے کب تک
مرے ہاتھ میں ہاتھ لے کر وہ بولا
مجھے اجنبی کیوں سمجھتے ہو
میں بھی
تمہاری طرح منزلِ آخری کی طلب میں
بھٹلتا ہوں، لیکن
تمہاری طرح منزلِ آخری کی حقیقت کو
تسلیم کرنے کو راضی نہیں ہوں
٭٭٭
الف عین
لائبریرین
سائے کی موت
دن کا دروازہ ہوا بند، شبِ تار آئی
راستے کروٹیں لینے لگے
گلیوں میں اداسی چھائی
سارے ہنگامے، وہ سب رونقیں )دن کی ہمراز(
گونگی جیلوں میں ہوئیں قید
چلو اب دیکھیں
اپنی تنہائی کے اس خول سے باہر
دیکھیں
اپنا سایہ کہاں جاتا ہے شبِ تار میں آج
کون سی یادوں کو چمکاتا ہے
کس پل کو صدا دیتا ہے
آج کیا کھوتا ہے
کیا پاتا ہے
کس طرح بڑھتا ہے، گھٹتا ہے، بکھر جاتا ہے
کیسے مر جاتا ہے
٭٭٭
دن کا دروازہ ہوا بند، شبِ تار آئی
راستے کروٹیں لینے لگے
گلیوں میں اداسی چھائی
سارے ہنگامے، وہ سب رونقیں )دن کی ہمراز(
گونگی جیلوں میں ہوئیں قید
چلو اب دیکھیں
اپنی تنہائی کے اس خول سے باہر
دیکھیں
اپنا سایہ کہاں جاتا ہے شبِ تار میں آج
کون سی یادوں کو چمکاتا ہے
کس پل کو صدا دیتا ہے
آج کیا کھوتا ہے
کیا پاتا ہے
کس طرح بڑھتا ہے، گھٹتا ہے، بکھر جاتا ہے
کیسے مر جاتا ہے
٭٭٭
الف عین
لائبریرین
عرفان کی آخری منزل
کوئی رنگ اور زاویوں کی زباں جانتا ہے
کوئی تال سم کی فغاں جانتا ہے
کوئی لفظ و معنی کے جادو کو پہچانتا ہے
کوئی پتھروں میں چھپی داستانوں کے اسرار سے آشنا ہے
کوئی جسم کی مد بھری وحشتوں، کھردری کروٹوں کی ادا جانتا ہے
مگر کوئی اس سے سوا جانتا ہے
مگر کوئی خود کو خدا جانتا ہے
٭٭٭
کوئی رنگ اور زاویوں کی زباں جانتا ہے
کوئی تال سم کی فغاں جانتا ہے
کوئی لفظ و معنی کے جادو کو پہچانتا ہے
کوئی پتھروں میں چھپی داستانوں کے اسرار سے آشنا ہے
کوئی جسم کی مد بھری وحشتوں، کھردری کروٹوں کی ادا جانتا ہے
مگر کوئی اس سے سوا جانتا ہے
مگر کوئی خود کو خدا جانتا ہے
٭٭٭
الف عین
لائبریرین
لازوال سکوت
مہیب لمبے گھنے پیڑوں کی ہری شاخیں
کبھی کبھی کوئی اشلوک گنگناتی تھیں
کبھی کبھی کسی پتے کا دل دھڑکتا تھا
کبھی کبھی کوئی کونپل درود پڑھتی تھی
کبھی کبھی کوئی جگنو الکھ جگاتا تھا
کبھی کبھی کوئی طائر ہوا سے لڑتا تھا
کبھی کبھی کوئی پرچھائیں چیخ پڑتی تھی
اور اس کے بعد مری آنکھ کھل گئی۔۔۔۔ میں نے
سرہانے رکھے ہوئے تازہ روزنامے کی
ہر ایک سطر بڑے غور سے پڑھی، لیکن
خبر کہیں بھی کسی ایسے حادثے کی نہ تھی
اور اس کے بعد میں دیوانہ وار ہنسنے لگا
اور اس کے بعد ہر اک سمت لا زوال سکوت
اور اس کے بعد ہر اک سمت لا زوال سکوت
٭٭٭
مہیب لمبے گھنے پیڑوں کی ہری شاخیں
کبھی کبھی کوئی اشلوک گنگناتی تھیں
کبھی کبھی کسی پتے کا دل دھڑکتا تھا
کبھی کبھی کوئی کونپل درود پڑھتی تھی
کبھی کبھی کوئی جگنو الکھ جگاتا تھا
کبھی کبھی کوئی طائر ہوا سے لڑتا تھا
کبھی کبھی کوئی پرچھائیں چیخ پڑتی تھی
اور اس کے بعد مری آنکھ کھل گئی۔۔۔۔ میں نے
سرہانے رکھے ہوئے تازہ روزنامے کی
ہر ایک سطر بڑے غور سے پڑھی، لیکن
خبر کہیں بھی کسی ایسے حادثے کی نہ تھی
اور اس کے بعد میں دیوانہ وار ہنسنے لگا
اور اس کے بعد ہر اک سمت لا زوال سکوت
اور اس کے بعد ہر اک سمت لا زوال سکوت
٭٭٭
الف عین
لائبریرین
ایک نظم
مائل بکرم ہیں راتیں
آنکھوں سے کہو۔۔۔ کچھ مانگیں
خوابوں کے سوا... جو چاہیں
٭٭٭
ای بک ‘آنکھوں سے کہو‘ کا اختتام
ماخذ: کوتا کوش ڈاٹ آرگ (ہندی)، مزید ٹائپنگ: اعجاز عبید
ہندی رسم الخط سے ٹرانسلٹریشن بذریعہ
تدوین اور ای بک کی تشکیل: اعجاز عبید
مائل بکرم ہیں راتیں
آنکھوں سے کہو۔۔۔ کچھ مانگیں
خوابوں کے سوا... جو چاہیں
٭٭٭
ای بک ‘آنکھوں سے کہو‘ کا اختتام
ماخذ: کوتا کوش ڈاٹ آرگ (ہندی)، مزید ٹائپنگ: اعجاز عبید
ہندی رسم الخط سے ٹرانسلٹریشن بذریعہ
تدوین اور ای بک کی تشکیل: اعجاز عبید