کسی گہرے نشے سے زندگانی لُوٹ جاتی ہیں: غزل برائے اصلاح

عمران سرگانی نے 'اِصلاحِ سخن' کی ذیل میں اس موضوع کا آغاز کیا، ‏اکتوبر 29, 2019

  1. عمران سرگانی

    عمران سرگانی محفلین

    مراسلے:
    379
    جھنڈا:
    Pakistan
    موڈ:
    Shh
    سر الف عین ، عظیم ، شاہد شاہنواز بھائی
    اصلاح فرما دیجئے۔

    مفا عی لن مفاعیلن مفاعیلن مفاعیلن

    کوئی گہرا نشہ دے کر حیاتی لوٹ جاتی ہیں
    یہ وقتی چاہتیں بیزار ہو کر روٹھ جاتی ہیں

    برہنہ پاؤں چلنا پڑتا ہے پُر خار صحرا میں
    محبت کے سفر میں جوتیاں جب ٹوٹ جاتی ہیں

    یہ کتنی جلدی ہوتا ہے بڑا ، انسان بچے سے
    ہوں چاہے جتنی پختہ عادتیں سب چھوٹ جاتی ہیں

    امیدیں ٹوٹنے پر کہتی ہیں ، تو لوٹ آئے گا
    تری یادیں ہمیشہ بول کر یہ جھوٹ جاتی ہیں

    جہاں سے ہو گزر تیرا ، جہاں بیٹھا رہا ہو تو
    وہاں سوکھے ہوئے پیڑوں سے شاخیں پھوٹ جاتی ہیں

    نہیں رہتا کوئی رشتہ یہاں مضبوط میری جان
    یہ جلدی آج کل کی دوستیاں بھی ٹوٹ جاتی ہیں

    وہاں کا راستہ میں بھول جاتا ہوں کبھی عمران
    کبھی منزل کو جاتی گاڑیاں سب چھوٹ جاتی ہیں

    شکریہ
     
    آخری تدوین: ‏اکتوبر 29, 2019
  2. ارشد چوہدری

    ارشد چوہدری محفلین

    مراسلے:
    1,252
    جھنڈا:
    UnitedStates
    موڈ:
    Brooding
    مطلع سمجھ نہیں آیا کیونکہ حیاتی واحد ہے اس کے ساتھ (ہیں ) کیسے آ گیا
     
  3. عمران سرگانی

    عمران سرگانی محفلین

    مراسلے:
    379
    جھنڈا:
    Pakistan
    موڈ:
    Shh
    فاعل جمع ہے۔۔۔ چاہتیں
    ہے تب لگتا اگر مصرعہ یوں ہوتا
    حیاتی لٹ جاتی ہے۔۔۔
     
  4. عمران سرگانی

    عمران سرگانی محفلین

    مراسلے:
    379
    جھنڈا:
    Pakistan
    موڈ:
    Shh
    یہ مصرعہ یوں بھی کہا جا سکتا ہے۔۔۔
    کوئی گہرا نشہ دے کر یہ سب کچھ لوٹ جاتی ہیں
     
    آخری تدوین: ‏اکتوبر 29, 2019
  5. عظیم

    عظیم محفلین

    مراسلے:
    6,628
    حیاتی کیا اردو میں بھی استعمال ہوتا ہے؟ میرا خیال ہے کہ یہ پنجابی لفظ ہے۔
    لوٹ کے ساتھ روٹھ قافیہ غلط ہے۔

    برہنہ پاؤں چلنا پڑتا ہے پُر خار صحرا میں
    محبت کے سفر میں جوتیاں جب ٹوٹ جاتی ہیں
    ۔۔۔ پڑتا میں ا کا اسقاط ناگوار لگ رہا ہے

    یہ کتنی جلدی ہوتا ہے بڑا ، انسان بچے سے
    ہوں چاہے جتنی پختہ عادتیں سب چھوٹ جاتی ہیں
    ۔۔۔ 'یہ' بھرتی کا لگتا ہے۔

    امیدیں ٹوٹنے پر کہتی ہیں ، تو لوٹ آئے گا
    تری یادیں ہمیشہ بول کر یہ جھوٹ جاتی ہیں
    ۔۔۔ کہتی میں ی کا اسقاط بھی اچھا نہیں لگ رہا

    جہاں سے ہو گزر تیرا ، جہاں بیٹھا رہا ہو تو
    وہاں سوکھے ہوئے پیڑوں سے شاخیں پھوٹ جاتی ہیں
    ۔۔۔ ٹھیک

    نہیں رہتا کوئی رشتہ یہاں مضبوط میری جان
    یہ جلدی آج کل کی دوستیاں بھی ٹوٹ جاتی ہیں
    ۔۔۔۔ 'یہ' اور 'بھی' بھرتی کا ہے
    دوستیاں کو کس طرح وزن میں لا رہے ہیں؟

    وہاں کا راستہ میں بھول جاتا ہوں کبھی عمران
    کبھی منزل کو جاتی گاڑیاں سب چھوٹ جاتی ہیں
    ۔۔۔۔۔ 'وہاں' کی معنویت سمجھ میں نہیں آئی۔
     
    • دوستانہ دوستانہ × 1
  6. عمران سرگانی

    عمران سرگانی محفلین

    مراسلے:
    379
    جھنڈا:
    Pakistan
    موڈ:
    Shh
    بہت شکریہ سر یہ لفظ لَوٹ نہیں لُوٹ ہے۔۔۔
    لٹنے والا لوٹ نہ کہ لوٹنے والا
    لُوٹ اور روٹھ ہم آواز ہوئے۔۔۔
    حیاتی بھی زندگی کے معنی میں استعمال ہوا ہے۔۔۔ کنفرم کرنا پڑے گا۔۔۔
     
  7. عمران سرگانی

    عمران سرگانی محفلین

    مراسلے:
    379
    جھنڈا:
    Pakistan
    موڈ:
    Shh
    کہ کتنی جلدی ہوتا ہے بڑا ، انسان بچے سے
    ہوں چاہے جتنی پختہ عادتیں سب چھوٹ جاتی ہیں

    مرے مایوس ہونے پر کہیں ، تو لوٹ آئے گا
    تری یادیں ہمیشہ بول کر یہ جھوٹ جاتی ہیں
     
  8. عظیم

    عظیم محفلین

    مراسلے:
    6,628
    لوٹ اور روٹھ ہم آواز کیسے ہو سکتے ہیں؟
    ٹ اور ٹھ کی آواز میں بہت فرق ہے!

    کہ کتنی جلدی ہوتا ہے بڑا ، انسان بچے سے
    ہوں چاہے جتنی پختہ عادتیں سب چھوٹ جاتی ہیں
    ۔۔۔ کہ کے ساتھ مصرع کا آغاز اچھا نہیں

    مرے مایوس ہونے پر کہیں ، تو لوٹ آئے گا
    تری یادیں ہمیشہ بول کر یہ جھوٹ جاتی ہیں
    ۔۔۔۔ پہلے میں 'کہیں' کسی مقام والا ہے یا کہنے والا؟ دونوں صورتوں میں شعر واضھ نہیں لگ رہا
     
    • دوستانہ دوستانہ × 1
  9. عمران سرگانی

    عمران سرگانی محفلین

    مراسلے:
    379
    جھنڈا:
    Pakistan
    موڈ:
    Shh
    بات ، رات ، برسات کے ساتھ لفظ ' ساتھ ' کو بھی قافیہ لیا گیا ہے۔۔۔ اسی لئے لوٹ کے ساتھ روٹھ کو قافیہ استعمال کیا ہے۔۔۔ دیکھیں سر الف عین کی اس بارے کیا رائے ہے۔۔۔ میرے خیال میں شاعری میں اتنی گنجائش ہوتی ہے۔۔۔
     
  10. عمران سرگانی

    عمران سرگانی محفلین

    مراسلے:
    379
    جھنڈا:
    Pakistan
    موڈ:
    Shh
    یہ مصرعہ یوں کر دیا ہے
    بڑا ہوتا ہے کتنی جلدی یہ انسان بچے سے
    ہوں چاہے جتنی پختہ عادتیں سب چھوٹ جاتی ہیں
     
  11. شاہد شاہنواز

    شاہد شاہنواز لائبریرین

    مراسلے:
    1,827
    جھنڈا:
    Pakistan
    بات کا قافیہ ساتھ عموماً دیکھا گیا ہے، تو یہ بحث آپ پر چھوڑتے ہوئے کہ درست ہے یا غلط، مطلعے کا حل تو شاید یہ نکل آئے:
    کسی گہرے نشے سے زندگانی لُوٹ جاتی ہیں
    یہ وقتی چاہتیں بیزار ہو کر روٹھ جاتی ہیں

    ۔۔۔۔
     
    • دوستانہ دوستانہ × 1
  12. عمران سرگانی

    عمران سرگانی محفلین

    مراسلے:
    379
    جھنڈا:
    Pakistan
    موڈ:
    Shh
    بہت شکریہ سر یہ بہترین حل ہے۔۔۔
     
    • دوستانہ دوستانہ × 1
  13. عمران سرگانی

    عمران سرگانی محفلین

    مراسلے:
    379
    جھنڈا:
    Pakistan
    موڈ:
    Shh
    اب دیکھیں سر الف عین عظیم شاہد شاہنواز

    کسی گہرے نشے سے زندگانی لُوٹ جاتی ہیں
    یہ وقتی چاہتیں بیزار ہو کر روٹھ جاتی ہیں

    برہنہ پاؤں چلنا پڑ گیا پُر خار صحرا میں
    محبت کے سفر میں جوتیاں تو ٹوٹ جاتی ہیں

    بڑا ہوتا ہے کتنی جلدی یہ انسان بچے سے
    ہوں چاہے جتنی پختہ عادتیں سب چھوٹ جاتی ہیں

    مجھے مایوس ہونے پر کہیں ، تو لوٹ آئے گا
    تری یادیں ہمیشہ بول کر یہ جھوٹ جاتی ہیں

    جہاں سے ہو گزر تیرا ، جہاں بیٹھا رہا ہو تو
    وہاں سوکھے ہوئے پیڑوں سے شاخیں پھوٹ جاتی ہیں

    نہیں رہتا کوئی رشتہ یہاں مضبوط میری جان
    یوں جلدی آج کل کی دوستیاں کیوں ٹوٹ جاتی ہیں

    کبھی تو راستہ بھی بھول جاتا ہے مجھے عمران
    کبھی منزل کو جاتی گاڑیاں سب چھوٹ جاتی ہیں

    آخری شعر کے پہلے مصرعے میں مسئلہ لگ رہا ہے
     
  14. شاہد شاہنواز

    شاہد شاہنواز لائبریرین

    مراسلے:
    1,827
    جھنڈا:
    Pakistan
    برہنہ پاؤں چلنا پڑ گیا پُر خار صحرا میں
    محبت کے سفر میں جوتیاں تو ٹوٹ جاتی ہیں
    ۔۔۔ پہلا مصرع خوب، دوسرا کمزور ہے ۔۔۔
    محبت کے سفر میں ہڈیاں بھی ٹوٹ جاتی ہیں ۔۔۔ کیسا رہے گا؟ آپ بھی بتائیے، محترم الف عین صاحب بھی مشورہ دیں۔۔

    بڑا ہوتا ہے کتنی جلدی یہ انسان بچے سے
    ہوں چاہے جتنی پختہ عادتیں سب چھوٹ جاتی ہیں
    ۔۔۔ یہ شعر مجھے انسانی فطرت کے خلاف لگ رہا ہے، انسان کی کچھ پختہ عادتیں یا بہت سی پختہ عادتیں چھوٹ جائیں یا بدل جائیں، یہ تو ممکن ہے، ساری عادتیں نہیں چھوٹتیں۔۔۔
    غلط لگے تو اصلاح فرمائیے گا ۔۔


    جہاں سے ہو گزر تیرا ، جہاں بیٹھا رہا ہو تو
    وہاں سوکھے ہوئے پیڑوں سے شاخیں پھوٹ جاتی ہیں
    ۔۔۔ کیا ضروری ہے کہ آپ جس کی تعریف فرما رہے ہیں، وہ جہاں جہاں سے بھی گزرے، وہاں سوکھے ہوئے پیڑ ہی پائے جاتے ہوں؟ کبھی تو وہ سر سبز باغوں اور گلستانوں سے بھی گزرا ہوگا؟
    ایک صورت یہ بھی دیکھئے:
    کہیں اس کے چلے آنے سے گل کھلتے ہیں صحرا میں
    کہیں سوکھے ہوئے پیڑوں سے شاخیں پھوٹ جاتی ہیں
    ۔۔۔

    نہیں رہتا کوئی رشتہ یہاں مضبوط میری جان
    یوں جلدی آج کل کی دوستیاں کیوں ٹوٹ جاتی ہیں
    ۔۔۔ پہلے مصرعے میں روانی بہتر کرنے کے لیے جان کو جاں کر لیجئے ۔۔۔
    دوسرے مصرعے میں یوں کی جگہ کہ کا مقام ہے۔۔ اس کے علاوہ پہلا مصرع ایک بات پورے یقین سے بیان کرتا ہے کہ کوئی رشتہ یہاں مضبوط رہتا ہی نہیں، دوسرے مصرعے میں وہی یقین ٹوٹتا دکھائی دیتا ہے جب آپ سوال کرتے ہیں کہ کیوں ٹوٹتی ہیں دوستیاں؟ تو میرے خیال میں یہاں بھی کوئی یقینی بات آنی چاہئے، سوال نہیں۔

    کبھی تو راستہ بھی بھول جاتا ہے مجھے عمران
    کبھی منزل کو جاتی گاڑیاں سب چھوٹ جاتی ہیں
    ۔۔۔ پہلے مصرعے میں مسئلہ بھی اور بھول کا آپس میں ٹکرانا ہے، اور تو شاید کچھ نہیں ۔۔۔ پھر بھی یہ ملاحظہ کر لیجئے گا:
    کبھی عمران میں رستہ بھلا دیتا ہوں منزل کا
    کبھی منزل کو پانے کی امیدیں چھوٹ جاتی ہیں
    ۔۔ گاڑیاں مجھے بری لگ رہی تھیں، ویسے بھی آپ کے ہم نام وزیر اعظم پاکستان نے ان پر ٹیکس بہت زیادہ لگا دیا تھا، میں افورڈ نہیں کرسکا ۔۔۔جو اچھا لگے اپنا لیجئے گا۔۔
     
    • دوستانہ دوستانہ × 1
  15. عمران سرگانی

    عمران سرگانی محفلین

    مراسلے:
    379
    جھنڈا:
    Pakistan
    موڈ:
    Shh
    زبردست بھائی زبردست۔۔۔
    چلو سر الف عین کا انتظار کرتے ہیں۔۔۔ پھر کچھ فائنل کرتے ہیں۔۔۔
     
    • متفق متفق × 1
  16. محمد خلیل الرحمٰن

    محمد خلیل الرحمٰن مدیر

    مراسلے:
    7,849
    جھنڈا:
    Pakistan
    موڈ:
    Festive
    اب صرف مسئلہ رہ گیا عنوان کا۔ غزل کا کوئی عنوان نہیں ہوتا بلکہ مطلع کا ایک مصرع استعمال کیا جاتا ہے۔ یوں کرسکتے ہیں؛

     
    • متفق متفق × 1
  17. عمران سرگانی

    عمران سرگانی محفلین

    مراسلے:
    379
    جھنڈا:
    Pakistan
    موڈ:
    Shh
    بالکل درست کہا سر۔۔۔ میں نے صرف یاد دھیانی کے لئے عنوان رکھا ہے۔۔۔ مستقبل میں کبھی اس پوسٹ پر آنا پڑے تو کوئی نشانی تو ہو۔۔۔
     
  18. محمد خلیل الرحمٰن

    محمد خلیل الرحمٰن مدیر

    مراسلے:
    7,849
    جھنڈا:
    Pakistan
    موڈ:
    Festive
    اگر مندرجہ بالا مصرع فائنل ہوچکا ہے تو ہم اسے ہی عنوان بنائے دیتے ہیں!
     
    • دوستانہ دوستانہ × 1
  19. عمران سرگانی

    عمران سرگانی محفلین

    مراسلے:
    379
    جھنڈا:
    Pakistan
    موڈ:
    Shh
    جی سر بسم اللہ۔۔۔ کیوں نہیں۔۔۔
     
    • دوستانہ دوستانہ × 1
  20. محمد خلیل الرحمٰن

    محمد خلیل الرحمٰن مدیر

    مراسلے:
    7,849
    جھنڈا:
    Pakistan
    موڈ:
    Festive
    لیجیے صاحب تدوین کردی ہے!
     
    • دوستانہ دوستانہ × 1

اس صفحے کی تشہیر