کر کے نثار آپ پہ گھر بار یا رسول۔حضرت امداداللہ مہاجر مکی رحمۃ اللہ علیہ۔

الشفاء نے 'حمد، نعت، مدحت و منقبت' کی ذیل میں اس موضوع کا آغاز کیا، ‏اکتوبر 10, 2019

  1. الشفاء

    الشفاء لائبریرین

    مراسلے:
    2,838
    جھنڈا:
    Pakistan
    موڈ:
    Amazed
    کر کے نثار آپ پہ گھر بار یا رسول
    اب آپڑا ہوں آپ کے دربار یا رسول

    عالم نہ متقی ہوں نہ زاہد نہ پارسا
    ہوں امتی تمہارا گنہگار یا رسول

    اچھا ہوں یا برا ہوں غرض جو بھی ہوں سو ہوں
    پر ہوں تمہارا تم میرے مختار یا رسول

    ذات آپ کی تو رحمت و الفت ہے سر بسر
    میں گرچہ ہوں تمام خطاوار یا رسول

    کرئیے نہ میرے فعل بُروں پر نگاہ تم
    کیجو نظر کرم کی بس اک بار یا رسول

    جس دن تم عاصیوں کے شفیع ہو گے پیش حق
    اس دن نہ بھولنا مجھے زنہار یا رسول

    لیجو خدا کے واسطے اس دن مری خبر
    عصیاں کا میرے جب کھلے اخبار یا رسول

    دونوں جہاں میں مجھ کو وسیلہ ہے آپ کا
    کیا غم ہے گرچہ ہوں میں بہت خوار یا رسول

    کیا ڈر ہے اس کو لشکر عصیان و جرم سے
    تم سا شفیع ہو جس کا مددگار یا رسول

    گھیرا ہے ہر طرف سے مجھے درد و غم نے آہ
    اب زندگی بھی ہو گئی دشوار یا رسول

    ہو آستانہ آپ کا امداد کی جبیں
    اور اس سے زیادہ کچھ نہیں درکار یا رسول

    صل اللہ علیہ وآلہ وبارک وسلم۔

    حضرت امداداللہ مہاجر مکی رحمۃ اللہ علیہ۔
     
    • پسندیدہ پسندیدہ × 2
    • زبردست زبردست × 2
  2. الف نظامی

    الف نظامی لائبریرین

    مراسلے:
    16,492
    جھنڈا:
    Pakistan
    موڈ:
    Amused
    سبحان اللہ

    جس دن تم عاصیوں کے شفیع ہو گے پیش حق
    اس دن نہ بھولنا مجھے زنہار یا رسول ﷺ
     
    • پسندیدہ پسندیدہ × 1
  3. Sajjad Bukhari

    Sajjad Bukhari محفلین

    مراسلے:
    1
    سبحان اللہ سبحان اللہ
     
    • پسندیدہ پسندیدہ × 1

اس صفحے کی تشہیر