کب کسی قیل و قال میں گم ہوں

[کاشف اکرم وارثی]

​

غزل​

کاشف اکرم وارثی​

​

کب کسی قیل و قال میں گم ہوں​

کب کسی کے خیال میں گم ہوں​

​

میں پری چہرہ کا نہیں شیدا​

کب میں حسن و جمال میں گم ہوں​

​

جب سے دیکھا ہے ان کی آنکھوں کو​

میں خدا کے کمال میں گم ہوں​

​

ایک لمحے کی تھی تجلی مگر​

جلوہء لازوال میں گم ہوں​

​

حسن ہے تجھ میں یا کہ تجھ سے ہے​

میں اسی اک سوال میں گم ہوں​

​

کوئی جسکی نہیں نظیر کہیں​

جلوہء بے مثال میں گم ہوں​

​

یہ نہیں ہے شراب کا نشّہ​

میکدے کے خیال میں گم ہوں​

​

ایک لمحہ جو تیرے قرب کا تھا​

اسی لمحہء وصال میں گم ہوں​

​

​

​

وارثی وجاہت​

​

​

​

​

 

[الف عین]

اب نکل آئیں گم شدگی سے!!!
اچھی غزل ہے، ایک جگہ ٹائپو ہے شاید، ’میں‘ کا اضافہ۔ اور یہاں بحر ذرا دیکھ لیں
اسی لمحہء وصال میں گم ہوں

 

[محمد خلیل الرحمٰن]

خوبصورت غزل ہے کاشف بھائی۔ داد قبول کیجیے۔
ایک دو جگہ ٹائیپو تھیں، جن کی تدوین کردی ہے۔ بقول استادِ محترم آخری مصرع پر نظرِ ثانی کیجیے۔

 

[کاشف اکرم وارثی]

بہت بہت شکریہ۔۔۔۔