چند قطعات

[زبیر مرزا]

جیسے جیسےلوگ حق کے رازداں بنتے گئے​

جو حقائق تھے وہ سب وہم و گماں بنتے گئے​

جن گُلوں کا حُسن تھا قندیلِ شہراہِ حیات​

ٹہنیوں سے ٹوُٹ کر سنگِ گراں بنتے گئے​

زندگی کا مآل تنہائی​

حاصلِ ماہ و سال تنہائی​

تیری اقلیم سے نکل جائے​

کس کی اتنی مجال، تنہائی​

 

[زبیر مرزا]

گرمیِ شوقِ نظارہ کا اثر تو دیکھو
گل کھِلے جاتے ہیں وہ سایۂ در تو دیکھو
ایسے ناداں بھی نہ تھے جاں سے گزرنے والے
ناصحو ، پند گرو، راہگزر تو دیکھو​

سیلِ جنوں ساحل کی جانب آتا ہے
خواب شبِ تاریک پہ غالب آتا ہے
ذرہ ہوں منسوب ہوا ہوں مہر کے ساتھ
روشن رہنا مجھ پر واجب آتا ہے​

 

[زبیر مرزا]

تیرے میرے بیچ زمانہپڑتا ہے​

دل کو کتنی بار بتانا پڑتا ہے​

ٹھہر گئی ہے بات مقدر پر آ کر​

خود کو یہ اکثر سمجھانا پڑتا ہے​

محبتوں کے یہ سارے رستے ہی سہل لگتے ہیں ابتدا میں​

تم آج چل تو رہے ہو لیکن کہیں‌ ٹھہرنا بھی سیکھ لو گے​

کسی خلش سے فریب کھا کر تم اپنے جیون کے راستوں سے​

نظر بدلتی ہوئی رتوں کی طرح گزرنا بھی سیکھ لو گے​

 

[شمشاد]

اچھے قطعات ہیں۔

شاعر کا نام بھی لکھ دینا تھا زحال بھائی۔

 

[الف عین]

بہت سے تو غزل کے دو اشعار لگ رہے ہیں۔

 

[مہ جبین]

واہ واہ زحال مرزا بھائی لاجواب انتخابِ کلام