چاند پر اشعار

[فیصل عظیم فیصل]

راہِ طلب میں کون کسی کا، اپنے بھی بے گانے ہیں
چاند سے مکھڑے، رشکِ غزالاں سب جانے پہچانے ہیں

سالک راہ طلب میں نکلا چاند کٹورے ڈال
بے فکرے مت سونا پیارے یہی پرانی چال

 

[زیرک]

خلا نوردوں کی منزل نہیں، پڑاؤ ہے
مثال چاند کی سپرا سراؤں جیسی ہے
تنویر سپرا

 

[زیرک]

مدت کے بعد چاند نے دستک بدن پہ دی
پھر حجلۂ حیات میں آئی ہے خاص شب
پروین شاکر

 

[زیرک]

سانولی چاند سے اُجلی ہے اور اِس پر اُس نے
نینوں میں اجمیر کا کجلہ ڈال رکھا ہے

 

[زیرک]

ہائے وہ لوگ، جو گئے چاند سے ملنے اور پھر
اپنے ہی ٹوٹے ہوئے خواب اٹھا کر لے آئے

 

[زیرک]

پھر یوں ہوا کہ ہجر کی شامیں ہوئیں طویل
پھر یوں ہوا کہ چاند اندھیروں میں جا چھپا

 

[محب علوی]

اے کاش ہماری قسمت میں ایسی بھی کوئی شام آ جائے
اک چاند فلک پر نکلا ہو اک چاند سر بام آ جائے

انور مرزا پوری

 

[زیرک]

فلک سے توڑ لایا ہوں، مگر پھر بھی نئی ضد ہے
ستارے میں نہیں لوں گی، مجھے تم چاند لا کر دو

 

[زیرک]

چاند بھی حیران، دریا بھی پریشانی میں ہے
عکس کس کا ہے کہ اتنی روشنی پانی میں ہے
فرحت احساس

 

[جاسمن]

تپتی دھوپوں میں بھی آ کر اپنی یاد دلاتے ہیں
چاند نگر کے انشاؔ صاحب آلے جن کا ہالا تھا
جمیل الدین عالی

 

[زیرک]

آج جمیل الدین عالی جی کا یومِ وفات ہے، مرحوم کے ایصالِ ثواب کیلئے دعا کیجئے گا۔
ایک دوہا

آنکھیں جیسے کومل کرنیں، چاندی جیسے ہاتھ
پریتم تم کو چاند کہوں یا پورے چاند کی رات​

 

[زیرک]

آج جمیل الدین عالی جی کا یومِ وفات ہے، مرحوم کے ایصالِ ثواب کیلئے دعا کیجئے گا۔

اسی تاریک زمیں کا منظر
چاند پر چاندنی جیسا ہو گا​

 

[زیرک]

چاند بھی میری کروٹوں کا گواہ
میرے بستر کی ہر شِکن کی طرح​

آج خوشبو اور نازک احساسات کی ترجمان پروین شاکر کا جنم دن ہے

 

[زیرک]

یہی تھا چاند اور اس کو گواہ ٹھہرا کر
ذرا سا یاد تو کر تو نے کیا کہا تھا مجھے​

آج خوشبو اور نازک احساسات کی ترجمان پروین شاکر کا جنم دن ہے

 

[زیرک]

اپنے ماتھے سے جو بال اس نے ہٹائے، ہائے
میں تو میں چاند بھی کرنے لگا، ہائے، ہائے
حارث بلال

 

[زیرک]

وہ چاند ہے تو عکس بھی پانی میں آئے گا
کردار خود ابھر کے کہانی میں آئے گا
اقبال ساجد

 

[زیرک]

پھیلا ہوا ہے رات کی آنکھوں میں سوزِ ہجر
مہتاب رُت میں چاند کا چہرہ اداس ہے

 

[زیرک]

سانولی چاند سے اجلی ہے اور اِس پر اُس نے
نینوں میں اجمیر کا کجلا ڈال رکھا ہے
زین شکیل​

 

[عبدالرحمن آزاد]

وہ چاندنی میں پھرتے ہیں گھر گھر یہ شور ہے
نکلا ہے آفتاب شب مہتاب میں

 

[زیرک]

کل رات تنہا چاند کو دیکھا تھا میں نے خواب میں
محسن مجھے راس آئے گی شاید سدا آوارگی
محسن نقوی​