زبیر مرزا
محفلین
ڈرامے تو ہم سے دیکھتے ہیں یہ توترکی زبانِ وادب کے ماہر ہیںبہت اچھے سوال اور بہت اچھے جوابات
ترکی سے اتنی محبت ترکی کے ڈرامے دیکھنے کے بعد ہوئی یا پہلے سے ہی ہے ?
انٹرویو چائے حسان خان کے ساتھ
- صاحب لڑی زبیر مرزا
- تاریخ ابتداء
نیلم
محفلین
جی لیکن اس کے پیچھے کوئی کہانی بھی تو ہوگی
عظیم اللہ قریشی
محفلین
وہ جوانی، جوانی ہی کیاجی لیکن اس کے پیچھے کوئی کہانی بھی تو ہوگی
جس کی کوئی کہانی نہ ہو
نیلم
محفلین
جی بالکل
جیسے پاکستان سے محبت کے پیچھے یہ کہانی ہے کہ ہم پاکستانی ہیں وطن سے محبت گھر سے محبت فطری جذبہ ہے۔
عمر سیف
محفلین
شکراً جزیلاًلیجیے جناب چائے حاضر ہے!
حسان خان
لائبریرین
شکریہ بھائی جان کہ آپ کو میرے جوابات پسند آئے۔
برادرِ محترم، میں اپنی روح کی گہرائیوں سے ایک کٹر مشرق پرست ہوتے ہوئے بھی اس تلخ حقیقت کا اعتراف کرنے میں بھی کوئی عار نہیں سمجھتا کہ جہاں تک علمی اور فکشن کتابوں، اور فلموں کے معیار کی بات ہے وہاں فی الحال ہم انگریزی اور دیگر مغربی زبانوں سے سے بہت پیچھے ہیں۔
لہذا میں عام طور پر انگریزی فلمیں دیکھتا اور مغربی فکشن پڑھتا ہوں۔ تاریخ، معاشرتی علوم اور لسانیات جیسے میرے پسندیدہ موضوعات پر بھی تقریباً ساری معیاری کتب انگریزی میں ہی موجود ہیں۔ویسے میرے پسندیدہ مصنفین میں شامل ایڈورڈ سعید فلسطینی اور حمید دباشی ایرانی ہیں، البتہ انہوں نے انگریزی میں ہی لکھا ہے۔
لیکن جہاں تک قرونِ وسطیٰ کے کلاسیکی اور شعری ادب کی بات ہے، تو میں فارسی، اردو اور ترکی کے عظیم الشان ادبی سرمائے کے ہوتے ہوئے کسی اور کو منہ بھی لگانا پسند نہیں کرتا، اس لیے میرے سارے پسندیدہ شاعر یہیں کے ہی ہیں۔
حسان خان
لائبریرین
بہت اچھے جوابات ہیں۔۔۔ ہم تو ایک ہی یونیوورسٹی میں پڑھتے ہیں مجھے پتہ نہیں تھا۔۔۔ ۔
آپ یقیناً جامعۂ کراچی کے شعبۂ تاریخ کی طالبہ ہوں گی۔
ملائکہ
محفلین
جی بالکل۔۔۔آپ یقیناً جامعۂ کراچی کے شعبۂ تاریخ کی طالبہ ہوں گی۔
حسان خان
لائبریرین
کاش میں بھی تاریخ جیسے شعبے کا طالبِ علم ہوتا۔
فی الحال تو جس شعبے میں تعلیم حاصل کر رہا ہوں اُس میں ذرا بھی رغبت نہیں ہے۔
زبیر مرزا
محفلین
اب تو ضروری ہوگیا آپ کو اپنے بھائی سے ملوانا- ویسے میرا بہت جی چاہتا اس افلاطون کے بارے میں لکھوںکاش میں بھی تاریخ جیسے شعبے کا طالبِ علم ہوتا۔
فی الحال تو جس شعبے میں تعلیم حاصل کر رہا ہوں اُس میں ذرا بھی رغبت نہیں ہے۔
لیکن پھرکچھ سوچ کے رہ جاتا ہوں کہ اپنوں کاذکرہوتوتحریرشہد میں ڈوبی ہوگی اور بات چھوٹوں کی ہوتو
شہد کا دریا
کہ مجھے اپنے چھوٹے بہت پیارے ہیں -چلیں اسی حوالے سے کچھ سوالات بھی کہ آپ کا چھوٹا بھائی بھی ہے
1-آپ چھوٹے بھائی سے فاصلہ ، ادب اوررُعب رکھتے ہیں یا دوستی ہے ؟
2- اپنے شرٹس ، جوتے اوردیگراشیاء اُسے استعمال کرنے دیتے ہیں؟
3- لڑائی یعنی اختلاف رائے کس حد تک ہوتا ہے؟
انیس الرحمن
محفلین
جیسی آپ کی مرضی زبیر بھائی۔
لیکن یہ جمہوری دور ہے۔ اب آخری ووٹ حسان کا رہ گیا ہے۔۔۔
پھر پتہ پڑے گا کہ حکومت کس کی بنتی ہے۔۔۔
انیس الرحمن
محفلین
قصہ کچھ یوں ہے کہ دوست یاروں نے مرغ مسلم کے دھوکے میں ترکی مرغ مسلم کھلا دیا تھا۔ بس جب سے محبت ہو گئی ہے۔۔۔بہت اچھے سوال اور بہت اچھے جوابات
ترکی سے اتنی محبت ترکی کے ڈرامے دیکھنے کے بعد ہوئی یا پہلے سے ہی ہے ؟
حسان خان
لائبریرین
جوابات حاضر ہیں جناب
آپ کی زندگی کا ناقابل فراموش واقعہ ؟
ایسے سوالات کا جواب دینا ہمیشہ میرے لیے مشکل ہوتا ہے۔ کیونکہ ایک شخص کا اپنی زندگی میں اتنے سارے ان مٹ نقوش چھوڑ جانے والے واقعات سے واسطہ پڑتا ہے کہ اُس میں سے کسی ایک کی تشخیص بہت مشکل ہو جاتی ہے۔ خیر، جو پہلا واقعہ ذہن میں آ رہا ہے وہ لکھ دیتا ہوں۔ اتنا زیادہ اہم تو نہیں ہے، لیکن فی الحال یہی ذہن میں آ رہا ہے۔ مجھے پہلی بار جب پستول دکھا کر لوٹا گیا تھا تو میں اُس وقت بے حد خوف زدہ ہو گیا تھا، وہ خوف کی کیفیت کافی حد تک ذہن میں زندہ ہے۔آپ کو زندگی کا پہلا اہم سبق سکھانے والی محترم ہستی کون تھی؟
میرے والد اور میری دادی نے مجھے سب سے اہم کام یعنی پڑھنا سکھایا تھا۔ شاید یہ آپ کے سوال کا جواب ہو۔آپ کن چیزوں سے سخت نفرت کرتے ہیں، کیوں؟
نسل پرستی۔ کیونکہ یہ نری جہالت ہے۔قوم پرستی۔ کیوں کہ اس میں اچھے اچھے انسان کو حیوان بننے میں ایک منٹ کا وقفہ نہیں لگتا۔
اس کے علاوہ اسلامو فوبیا (اسلام/مسلمان ہراسی)، مشرق ہراسی، خود بیزاری اور انتہا پسندی سے بھی سخت نفرت ہے۔
4۔ آپ کا دیرینہ خواب جو ہنوز شرمندہ تعبیر نہ ہو سکا کیا ہے؟
ابھی تک انگریزی زبان ٹھیٹھ برطانوی لہجے میں اور اہلِ زبان انگریزوں کی طرح بے عیب بولنے پر قادر نہیں ہوا ہوں۔ 5۔ آپ خواب کب دیکھتے ہیں، دِن میں یا رات میں؟بیداری میں یا نیند میں؟ آپ کا یادگار خواب ؟
خواب تو رات کے وقت اور نیند کی حالت میں ہی آتے ہیں۔ کوئی ایسا یادگار خواب تو ذہن میں نہیں، البتہ میں زیادہ تر خوابوں میں سیاحت کے لیے اِدھر اُدھر نکلا ہوا ہوتا ہوں۔آپ کا ہیروکون ہے؟(ہماری مراد کسی اداکار سے نہیں، قابل تقلید شخصیت سے ہے)
ہر وہ مفکر جسے اپنے آبائی تمدنی ورثے پر فخر ہو اور جو خود بیزاری کی وبا سے پاک ہو، میری نظر میں قابلِ تقلید ہے۔ ویسے میرے ہیروؤں کی فہرست میں وہ کلاسیکی ادباء شامل ہیں جنہوں نے زبان و ادب کی بے لوث خدمت کی ہے۔
آپ کی پسندیدہ سواری؟
کراچی کی عوامی سواری منی بس کون سی موسیقی پسند ہے؟
لاطینی، عرب، ترک اور مغربی کلاسیکی سازی (instrumental) موسیقی پسند ہے۔ اس کے علاوہ لاطینی پاپ بھی پسند ہے۔♣
9۔ عاشوراکے دِن آپ کے معمولات کیا ہوتے ہیں ؟
عام طور پر عاشورا کا دن گھر پر ہی رثائی ادب پڑھتے اور نوحہ جات سنتے گزرتا ہے۔ اُس کے علاوہ محرم کے دنوں میں میری کوشش رہتی ہے کہ شیعہ ثقافت اور تاریخ کے مختلف پہلوؤں پر مزید تحقیق کرتا رہوں۔ کبھی کبھار اپنے قریبی شیعہ دوستوں کے ساتھ جلوسوں میں بھی شرکت کرتا ہوں۔ ہو سکتا ہے بعض لوگوں کو یہ بات عجیب لگے، لیکن مجھے مہذب اور منظم طور پر نکالے گئے ماتمی جلوسوں میں بے حد کشش محسوس ہوتی ہے اور مجھے اُن میں شرکت کرنا کافی اچھا لگتا ہے۔ اپنے اپنے میلانِ طبع کی بات ہے۔ اُس کے علاوہ دنیا بھر میں عاشورا کی رسومات کی تصاویر اور ویڈیو دیکھتا ہوں۔
حیات امام حسین کا کوئی ایسا گوشہ جس سے آپ سب سے زیادہ متاثر ہوئے ہوں؟ویسے تو میری نظر میں نبی کے محبوب نواسے کا امت کے ہاتھوں یوں بھائیوں اور بچوں سمیت قتل ہو جانا ہی بے حد متاثر کن ہے، لیکن جہاں تک امام کی حیات کی بات ہے، تو اُن کا ایسے انتہائی مقام تک حق کے لیے کھڑے رہنا بہت متاثر کرتا ہے، جہاں بڑے بڑوں کے قدم ڈگمگا جاتے ہیں۔
حسان خان
لائبریرین
ترکی سے اتنی محبت ترکی کے ڈرامے دیکھنے کے بعد ہوئی یا پہلے سے ہی ہے ?
جی لیکن اس کے پیچھے کوئی کہانی بھی تو ہوگی
اگر ترکی سے محبت کے بجائے ترکی زبان سے محبت کہا جائے تو بات زیادہ حقیقت سے قریب ہو گی۔ مجھے در اصل ترکی زبان سے عشق ہے، ترکی (ملک) سے محبت تو بس ضمنی چیز ہے۔
زبانوں سے محبت اس لیے ہے کہ میرا اولین شوق ہی یہ ہے۔ جتنی محبت کوئی شخص اپنی منکوحہ سے کر سکتا ہے ویسی ہی محبت میں اپنی دل پسند زبانوں سے کرتا ہوں۔
انیس الرحمن
محفلین
زبیر بھائی اب کیا کہتے ہیں آپ۔۔۔میرا ووٹ تو یہ ہے کہ آپ اُس روداد کو عوام کے سامنے پیش ہی کر دیں۔
حسان خان
لائبریرین
آپ کے چھوٹے بھائی کی عمر کیا ہے؟
1-آپ چھوٹے بھائی سے فاصلہ ، ادب اوررُعب رکھتے ہیں یا دوستی ہے ؟
نہ اتنا فاصلہ ہے اور نہ ہی بہت زیادہ دوستی۔ اصل میں اُس کی دلچسپیاں اور عادات مجھ سے بالکل ہی مختلف ہیں۔ رعب اور ادب تو ذرا بھی نہیں، ہم عمروں کی طرح بے تکلف بات کرتے ہیں، ویسے بھی وہ صرف تین سال ہی چھوٹا ہے۔
2- اپنے شرٹس ، جوتے اوردیگراشیاء اُسے استعمال کرنے دیتے ہیں؟
کبھی اُسے میری یہ اشیاء استعمال کرنے کی ضرورت ہی نہیں ہوئی۔
3- لڑائی یعنی اختلاف رائے کس حد تک ہوتا ہے؟
بچپن میں لڑائیاں ہوا کرتی تھیں۔ ان دنوں گھر میں نیا نیا ایک ہی کمپیوٹر تھا تو کمپیوٹر اور نیٹ استعمال کرنے پر شدید اختلافِ رائے ہو جاتا تھا۔ اب تو ایسا کچھ بھی نہیں ہے۔
زبیر مرزا
محفلین
بات یہ ہے چندا کہ میں چھوٹو کی بات کو حکم سمجھتا ہو اوربڑوں کی باتوں پر کان نہیں دھرتا
(ہمارے بڑے بھائی کا ارشاد ہے:
تو آپ شوق سے پیش کریں رودادِ ملاقات 
فارقلیط رحمانی
لائبریرین
!Hats off to you!
واقعی تسلیم کرنا پڑے گا کہ بڑی ایمانداری سے جوابات دینے کی کوشش کی ہے۔
البتہ کچھ خواب کھلی آنکھوں سے بحالتِ بیداری بھی دیکھے جاتے ہیں۔ بڑی خوبصورتی سے
اس کا جواب گول کر گئے۔ بہر حال ہم آپ کی ذہانت و فطانت کے اور بھی قائل ہو گئے۔