پیر فضل گجراتی پیر فضل گجراتی دی اک غزل

[عاطف بٹ]

اوہ عشق نئیں جو لگ جائے تے گور اُریرے لہہ جائے​

ایہہ چڑھیاں ہوئیاں فیر کدی لتھیاں نئیں کسّاں کیہہ دساں​

واہ، واہ، بوہت ای عمدہ کلام اے۔ ہر ہر مصرع موتیاں دی مالا وانگوں جاپدا اے۔
بلاشک پنجابی شاعری وچ پیر صاحب ہوراں دا مرتبہ بڑا اُچا اے۔ سر، ایس شراکت لئی تے میں تہاڈا بوہت ممنون آں۔
کجھ دوستاں نوں ٹیگ کردینا واں تاں جے اوہ وی ایس اعلیٰ کلام دا لطف لے سکن۔

 

[فرحت کیانی]

اوہ رو رو پُچھن حال میرا، میں کھڑ کھڑ ہسّاں کیہہ دساں

واہ ۔ بوہت ودیا کلام۔
بہت بہت شکریہ ۔

 

[نیلم]

واہ بہت ودیاں کلام اے

 

[نیرنگ خیال]

رنگ کُھلا میری وحشت دا ہو کٹھے کجھ ہمدرد گئے
اوہ رو رو پُچھن حال میرا، میں کھڑ کھڑ ہسّاں کیہہ دساں

میں صرف اکو ای شعر پڑھیا ہویا سی اے جیڑا اتّے لکھیا اے۔۔۔ پوری شاعری اج ای پڑھی اے۔۔ تے اوس واسطے بٹ گیڑے باز ہوراں دا شکرگزار واں۔۔۔
تلمیذ سر ایڈی ودیا شاعری واسطے شکریہ۔۔۔ تے ہن اک گل جیڑی ہور میں پچھنا چاہندا ساں۔۔۔ او اے کہ پنجابی دی کوئی لغت موجود اے۔۔ جیڑی مینوں کتے آنلائن لبھ جاوے۔۔۔

 

[تلمیذ]

رنگ کُھلا میری وحشت دا ہو کٹھے کجھ ہمدرد گئے
اوہ رو رو پُچھن حال میرا، میں کھڑ کھڑ ہسّاں کیہہ دساں

میں صرف اکو ای شعر پڑھیا ہویا سی اے جیڑا اتّے لکھیا اے۔۔۔ پوری شاعری اج ای پڑھی اے۔۔ تے اوس واسطے بٹ گیڑے باز ہوراں دا شکرگزار واں۔۔۔
تلمیذ تے ہن اک گل جیڑی ہور میں پچھنا چاہندا ساں۔۔۔ او اے کہ پنجابی دی کوئی لغت موجود اے۔۔ جیڑی مینوں کتے آنلائن لبھ جاوے۔۔۔

میں وی ایس سرنانویں ہیٹھ اک لڑی شروع کیتی سی جدھے وچ کافی سنگیاں نے آپنے سچے وچاراں دے موتی پروئے سن ۔ملاحظہ کرو تےتسیں تبصرہ وی کرنا:
http://www.urduweb.org/mehfil/threads/اردو-توں-پنجابی-ڈکشنری.14770/

مینوں حالی تیک ایس اردو پنجابی لغت دی اڈیک اے۔ بوہت بوہے کھڑکائے نیں پر کجھ نئیں لبھا۔' پنجابی توں پنجابی 'تے 'پنجابی توں اردو' لغتاں بہت لبھدیاں نیں۔ پر اردو توں پنجابی کوئی لبھی۔
محمد یعقوب آسی
نیرنگ خیال
فلک شیر
زبیر مرزا
غدیر زھرا

 

[زبیر مرزا]

شکریہ تلمذ صاحب تُسی ایناں سوہنا کلام لبھ کےلیندا اے کے جی خوش ہوگیا پڑھ کے

 

[غدیر زھرا]

"اوہ رو رو پُچھن حال میرا، میں کھڑ کھڑ ہسّاں کیہہ دساں"
کجھ دن پہلاں اے مصرعہ پڑھیا تے فوراً اپنا کیفیت نامہ بنا لیا لیکن مینوں نئیں سی پتا کہ اے کلام محفل وچ موجود اے تلمیذ سر تہاڈا بہت شکریہ کہ تسی اتنا ودیا کلام ونڈیا تے سر عاطف بٹ تہاڈا وی شکریہ جنہاں ٹیگ کر کے ایس کلام بارے آگاہی دتی

 

[محمد عثمان قریشی]

میں آپ گجرات توں آں ۔ تے ببانگِ دہل پڑھی وی اے۔اوس کتاب اچ اجہی کوئی گل نہیں پئی اوس دی شاعری ایتھے نہ لائی جا سکے۔ بہت اچھی مزاحیہ تے طنزیہ شاعری اے۔
تہاڈے واسطے ایہ گل بہت حیرت دا باعث ہووے گی کہ۔ استاد ہوراں نے نعتیہ شاعری وی کیتی تے خوب کیتی۔ اک نمونہ تہاڈے ذوق دی نذر۔۔
محمدؐ کا جہاں پہ آستاں ہے،
زمیں کا اِتنا ٹکڑا آسماں ہے،
میں ایس پائے دا شعر پنجابی شاعری وچ بہت گھٹ پڑھیا اے۔۔

 

[تلمیذ]

قریشی صاب،
آپنا تعارف ای کرا چھڈو سرکار۔
محمد عثمان قریشی,

 

[اوشو]

میں کیہڑی آپنے درداں دی دُنیاوچہ وساں کیہہ دساں
کس گلّے پیاں رو رو کے چہرے تے لسّاں کیہہ دساں

میں ٹریا جنگل بیلے نوں اوہ حَبل وریدوں نیڑے سی
اک پانے والےپایاں سن کجھ پُٹھیاں دسّاں کیہہ دساں

اوہ عشق نئیں جو لگ جائے تے گور اُریرے لہہ جائے
ایہہ چڑھیاں ہویاں فیر کدی لتھیاں نئیں کسّاں کیہہ دساں

رنگ کُھلا میری وحشت دا ہو کٹھے کجھ ہمدرد گئے
اوہ رو رو پُچھن حال میرا، میں کھڑ کھڑ ہسّاں کیہہ دساں

کیوں فضل سودائی ہویا ایں پلّے دیاں لیراں لاہیاں نی
پھڑ لوکی پلّہ پُچھدے نیں تے میں پلّہ کھساں کیہہ دساں​

سبحان اللہ
کیا سوہنا تے من موہنا کلام اے۔ کیا بات اے پیر صاحب دی۔
اسی زمین تے والد صاحب د ےاستاد "سائیں غلام حیدر رح" دا وی کلام اے۔ سائیں جی وی پیر صاحب دے وڈھے عاشق سن۔
کوشش کراں گا کلام ڈھونڈ کے ایتھے شیئر کراں۔

 

[اوشو]

میں وی ایس سرنانویں ہیٹھ اک لڑی شروع کیتی سی جدھے وچ کافی سنگیاں نے آپنے سچے وچاراں دے موتی پروئے سن ۔ملاحظہ کرو تےتسیں تبصرہ وی کرنا:
http://www.urduweb.org/mehfil/threads/اردو-توں-پنجابی-ڈکشنری.14770/

مینوں حالی تیک ایس اردو پنجابی لغت دی اڈیک اے۔ بوہت بوہے کھڑکائے نیں پر کجھ نئیں لبھا۔' پنجابی توں پنجابی 'تے 'پنجابی توں اردو' لغتاں بہت لبھدیاں نیں۔ پر اردو توں پنجابی کوئی لبھی۔

 

[تلمیذ]

سائیں جی وی پیر صاحب دے وڈھے عاشق سن۔
کوشش کراں گا کلام ڈھونڈ کے ایتھے شیئر کراں۔

تے فیر دیر کاہنوں لا رئے او۔ چھیتی کرو ناں، سرکار۔

 

[اوشو]

تے فیر دیر کاہنوں لا رئے او۔ چھیتی کرو ناں، سرکار۔

تہاڈا حکم سر اکھاں تے سرکار
حاضر اے
کلام سائیں غلام حیدر رحمۃاللہ علیہ

 

[قاضی واجد الدائم]

میں کیہڑی آپنے درداں دی دُنیاوچہ وساں کیہہ دساں
کس گلّے پیاں رو رو کے چہرے تے لسّاں کیہہ دساں

میں ٹریا جنگل بیلے نوں اوہ حَبل وریدوں نیڑے سی
اک پانے والےپایاں سن کجھ پُٹھیاں دسّاں کیہہ دساں

اوہ عشق نئیں جو لگ جائے تے گور اُریرے لہہ جائے
ایہہ چڑھیاں ہویاں فیر کدی لتھیاں نئیں کسّاں کیہہ دساں

رنگ کُھلا میری وحشت دا ہو کٹھے کجھ ہمدرد گئے
اوہ رو رو پُچھن حال میرا، میں کھڑ کھڑ ہسّاں کیہہ دساں

کیوں فضل سودائی ہویا ایں پلّے دیاں لیراں لاہیاں نی
پھڑ لوکی پلّہ پُچھدے نیں تے میں پلّہ کھساں کیہہ دساں​

انور مسعود صاحب کی زبانی