فانی وہ نظر کامیاب ہو کے رہی - فانی بدایونی

[کاشفی]

غزل​

(فانی بدایونی)​

​

وہ نظر کامیاب ہو کے رہی​

دل کی بستی خراب ہو کے رہی​

​

عشق کا نام کیوں کریں بدنام​

زندگی تھی عذاب ہو کے رہی​

​

نگہ شوق کا حال نہ پوچھ​

سربسر اضطراب ہو کے رہی​

​

چشم ساقی کی تھی کبھی مخمور​

خود ہی آخر شراب ہو کے رہی​

​

تابِ نطارہ لا سکا نہ کوئی​

بے حجابی، حجاب ہو کے رہی​

​

ہم سے فانی نہ چھپ سکا غم دوست​

آرزو، بے نقاب ہو کے رہی​

 

[محمداحمد]

بہت خوب۔۔۔۔!

 

[کاشفی]

بہت خوب۔۔۔ ۔!

محمد احمد بھائی، فرخ منظور صاحب اور شمشاد بھائی، آپ تینوں دوستوں کا بیحد شکریہ۔۔خوش رہیں۔۔

 

[محمد وارث]

بہت شکریہ کاشفی صاحب خوبصورت غزل شیئر کرنے کیلیے۔

 

[طارق شاہ]

غزل​

فانی بدایونی ​

​

وہ نظر کامیاب ہو کے رہی​

دل کی بستی خراب ہو کے رہی​

​

عشق کا نام کیوں کریں بدنام​

زندگی تھی عذاب ہو کے رہی​

​

نگہِ شوخ کا مآل نہ پوچھ​

سربسر اضطراب ہو کے رہی​

​

تم نے دیکھا ہے مرگِ مظلومی​

جانِ صد انقلاب ہو کے رہی​

​

چشمِ ساقی، کہ تھی کبھی مخمور​

خود ہی آخر شراب ہو کے رہی​

​

تابِ نطارہ لا سکا نہ کوئی​

بے حجابی، حجاب ہو کے رہی​

​

حشر کے دن کسی کی ہر بیداد​

کرمِ بے حساب ہو کے رہی ​

​

سامنے دل کا آئینہ رکھ کر ​

ہر ادا لاجواب ہو کے رہی ​

​

ہم سے فانی نہ چھپ سکا غمِ دوست​

آرزو، بے نقاب ہو کے رہی​

​

 

[قرۃالعین اعوان]

واہ!

 

[طارق شاہ]

واہ!

تشکّر قرۃالعین اعوان صاحبہ!
خوشی ہوئی کہ انتخاب پسند آیا
پذیرائی کے لئے ممنون ہوں