حزیں صدیقی وہ منتظر ہیں چمن میں بکھیر کر سائے

[مہ جبین]

وہ منتظر ہیں چمن میں بکھیر کر سائے​

فضا سے صبحِ شفق رنگ نور برسائے​

​

سمندروں سے ہَوا کو ملا نہیں پانی​

تو اس کا یہ نہیں مطلب کہ آگ برسائے​

​

مرے جہاں کا مقدر سنوارنے کے لئے​

اجالے مانگتے پھرتے ہیں دربدر سائے​

​

یہ کاروبارِ مشیت ہے کس طرح مانوں​

کسی کے گھر میں چراغاں کسی کے گھر سائے​

​

مسافروں کو گِلہ دھوپ ہے قیامت کی​

رہِ طلب کی یہ صورت شجر شجر سائے​

​

جو مانگتا ہوں ستاروں سے نور، کہتے ہیں​

زمین پر ہیں اجالوں سے معتبر سائے​

​

نگار خانہء فنکارِ نو کا سرمایہ​

لہو ، شکستہ لکیریں ، خلا ، سفر ، سائے​

​

حزیں صدیقی​

 

[کاشفی]

بہت ہی عمدہ بہت ہی خوب!​

​

سمندروں سے ہَوا کو ملا نہیں پانی​

تو اس کا یہ نہیں مطلب کہ آگ برسائے​

​

خوش رہیئے سدا۔​

 

[مہ جبین]

بہت شکریہ کاشفی بھائی​

 

[محمد وارث]

بہت شکریہ آپ کا خوبصورت غزل ارسال فرمانے کیلیے۔

 

[سید لبید غزنوی]

لاجواب۔۔۔۔

جو مانگتا ہوں ستاروں سے نور، کہتے ہیں زمین پر ہیں اجالوں سے معتبر سائے​

بہت اچھی شراکت۔۔۔