وطن سے متعلق اشعار

[جاسمن]

اس پاک سر زمین کے روشن دنوں میں میں
زندہ رہوں گا صبح کی اک اک کرن کے ساتھ
یحییٰ امجد

 

[جاسمن]

شب کو پرنور رکھیں خون شہیداں کے چراغ
کل کو ہونی ہے سحر فتح کے انوار کے ساتھ
یحییٰ امجد

 

[عطاء اللہ جیلانی]

اے وطن جب بھی سر دشت کوئی پھول کھلا
دیکھ کر تیرے شہیدوں کی نشانی رویا


جعفر طاہر

 

[جاسمن]

سبھی کا خون ہے شامل یہاں کی مٹی میں
کسی کے باپ کا ہندوستان تھوڑی ہے
راحت اندوری

 

[مومن فرحین]

نثار میں تری گلیوں کے اے وطن کہ جہاں
چلی ہے رسم کہ کوئی نہ سر اٹھا کے چلے
جو کوئی چاہنے والا طواف کو نکلے
نظر جھکا کے چلے جسم و جاں بچا کے چلے

 

[شمشاد]

وطن کے لوگ ستاتے تھے جب وطن میں تھے
وطن کی یاد ستاتی ہے جب وطن میں نہیں
(انجم مانپوری)

 

[شمشاد]

نثار میں تری گلیوں کے اے وطن کہ جہاں
چلی ہے رسم کہ کوئی نہ سر اٹھا کے چلے
جو کوئی چاہنے والا طواف کو نکلے
نظر جھکا کے چلے جسم و جاں بچا کے چلے

یہ فیض احمد فیض کا کلام ہے۔ اور کیا ہی عمدہ کلام ہے۔

 

[مومن فرحین]

یہ فیض احمد فیض کا کلام ہے۔ اور کیا ہی عمدہ کلام ہے۔

جی بہتر
اور واقعی بہت خوبصورت ہے

 

[سیما علی]

بیزار ہیں جو جذبہ حب الوطنی سے!!!!!!!!
وہ لوگ کسی سے بھی محبت نہیں کرتے

احمد ندیم قاسمی

 

[سیما علی]

وطن کی آبرو پہ وہ ابھی بھی جان دے دیں گے
جنھیں کچھ لوگ اپنے دیس میں بدنام کرتے ہیں

جمیل اختر شفیق

 

[سیما علی]

جس کے دانتوں میں مری قوم کے ریشے ہیں ابھی
وہی سفاک مرے دیس کا ہمدم کیوں ہو
(احمد ندیم قاسمی)
۔۔۔۔