والد صاحب سید خورشید علی ضیاء عزیزی جے پوری کی ایک۔۔۔ نعت۔۔۔ احباب کے لیے۔ضیائے خورشید سے انتخاب

میررے والد صاحب سید خورشید علی ضیاء عزیزی جے پوری کی ایک۔ نعت۔ احباب کے لیے۔ضیائے خورشید سے انتخاب۔

۔۔۔
زمین اپنی مہ و خورشید اپنا آسماں اپنا
اگر سالار اپنا ہو تو یہ سب کارواں اپنا

ترے قدموں تلے پایا ہے ایسا نور مٹّی نے
کہ ذرّے بن گئے جس سے مہ و انجم کے آئینے

جلو میں ایسے جلوے لے کے محبوبِ خدا ٓیا
کہیں حدِ عدم سے بھی پرے تھا کفر کا سایا

کبھی جب آب و گل سے بن رہا تھا پیکرِآدم
بہ تمکینِ نبوّت آپ بھی موجود تھے اس دم

نبیِ اولیں آیا نبیِ آخریں ہو کر
شہنشاہِ رسالت اور حبیبِ داورِمحشر

تری آمد سے رت بدلی گئی بستانِ عالم کی
بیاں کرنے لگا تھا عظمتیں مہتاب شبنم کی

ہزاروں رحمتیں اس پر سلام اس پر درود اس پر
جسے پیدا کیا اللہ نے صلِّ علی پڑھ کر
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سید خورشید علی ضیاءعزیزی جے پوری
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔​
 
آخری تدوین:

محمداحمد

لائبریرین
سبحان اللہ۔

شریکِ محفل کرنے کا شکریہ عاطف بھائی ۔

آخری شعر میں شاید املے کی غلطی ہے۔ تدوین کر دیجے۔
 

سیما علی

لائبریرین
ہزاروں رحمتیں اس پر سلام اس پر درود اس پر
جسے پیدا کیا اللہ نے صلِّ علی پڑھ کر
سبحان اللّہ سبحان اللہ
"اَللّٰھُمَّ صَلِّ عَلٰى سَیِّدِنَا وَ مَوْلٰنَا مُحَمَّدٍ وَّ عَلٰى اٰلِ سَیِّدِنَا وَ مَوْلٰنَا مُحَمَّدٍ ، وَ بَارِكْ وَ سَلِّمْ تَسْْلِیْماً كَثِيْرًا كَثِيْرًا."
 
Top