نیند، بے خوابی، جاگنے پہ اشعار

[یاز]

تنہائیوں کے دشت میں بھاگے جو رات بھر
وہ دن کو خاک جاگے گا، جاگے جو رات بھر

وہ دن کی روشنی میں پریشان ہو گیا
سلجھا رہا تھا بخت کے دھاگے جو رات بھر

کیا کیا نہ پیاس جاگے، مرے دل کے دشت میں
حسرت بھی ایک آگ ہے، لاگے جو رات بھر

 

[مریم افتخار]

اکثر شبِ تنہائی میں
کچھ دیر پہلے نیند سے
گزری ہوئی دلچسپیاں
بیتے ہوئے دن عیش کے
بنتے ہیں شمعِ زندگی
اور ڈالتے ہیں روشنی
میرے دلِ صد چاک پر

 

[یاز]

دن نکلتے ہی مرے خواب بکھر جاتے ہیں
روز گرتا ہے اسی فرش پہ گلدان مرا

مجھ کو جس ناؤ میں آنا تھا کہیں ڈوب گئی
خواب ہے نیند کے ساحل پہ پریشان مرا

 

[مریم افتخار]

دِن زندگی کے ختم ہوئے شام ہو گئی
پھیلا کے پاؤں سوئیں گے کُنجِ مزار میں

 

[مریم افتخار]

موت کا ایک دن معین ہے
نیند کیوں رات بھر نہیں آتی

 

[یاز]

اس آنکھ سے وحشت کی تاثیر اٹھا لایا
میں جاگتے رہنے کی تدبیر اٹھا لایا

اے خواب پذیرائی تو کیوں مری آنکھوں میں
اندیشۂ دنیا کی تعبیر اٹھا لایا

 

[اے خان]

واہ واہ زبردست دل خوش کر دیا

 

[مریم افتخار]

واہ واہ زبردست دل خوش کر دیا

اتنی یاسیت؟ یا الہی! یہ ماجرا کیا ہے!

 

[یاز]

راتوں کو جاگتے ہیں اسی واسطے کہ خواب
دیکھے گا بند آنکھیں تو پھر لوٹ جائے گا

 

[یاز]

سناٹے کا درد نکھارا کرتا ہوں
خود کو خاموشی سے پکارا کرتا ہوں

تنہائی جب آئینہ دکھلاتی ہے
اپنی ذات کا پہروں نظارہ کرتا ہوں

خوابوں کے سنسان جزیروں میں جا کر
ویرانی سے ذکر تمہارا کرتا ہوں

جب سے نیندیں لوٹ گئیں تاروں کی طرف
جاگتے میں زخموں کو سنوارا کرتا ہوں

 

[اے خان]

اتنی یاسیت؟ یا الہی! یہ ماجرا کیا ہے!

ماجرا کچھ خاص نہیں بس تھوڑی دیر پہلے کچھ اداس سا فیل کررہے تھے.

 

[مریم افتخار]

ماجرا کچھ خاص نہیں بس تھوڑی دیر پہلے کچھ اداس سا فیل کررہے تھے.

آواز لگائیں تو شاید ہی کوئی ملے جو اداس نہ ہو۔ یہ ساری اداس نسلیں ہیں۔ سروائیو کر رہی ہیں اوکھا سوکھا!

 

[یاز]

ظلمت کہیں نہ کر دے اجالے کو داغدار
لے کر چراغ دیدۂ تر جاگتے رہو

سوئے نہیں کہ ڈوب گئی نبض کائنات
بوجھل ہو لاکھ آنکھ مگر جاگتے رہو

خوابیدہ اپنے چاہنے والوں کو دیکھ کر
ممکن ہے لوٹ جائے سحر جاگتے رہو

 

[گُلِ یاسمیں]

آنکھیں کھلیں تو جاگ اٹھیں حسرتیں تمام
اس کو بھی کھو دیا جسے پایا تھا خواب میں

 

[یاز]

نیند سے میرا تعلق ہی نہیں برسوں سے
خواب آ آ کے مری چھت پہ ٹہلتے کیوں ہیں

 

[یاز]

میں نے مدت سے کوئی خواب نہیں دیکھا ہے
ہاتھ رکھ دے مری آنکھوں پہ کہ نیند آ جائے

 

[یاز]

نیند تو درد کے بستر پہ بھی آ سکتی ہے
ان کی آغوش میں سر ہو، یہ ضروری تو نہیں

 

[یاز]

میری بے درد نگاہوں میں اگر بھولے سے
نیند آئی بھی تو اب خواب کہاں آتے ہیں
میں تو یکمشت اسے سونپ دوں سب کچھ لیکن
ایک مٹھی میں میرے خواب کہاں آتے ہیں

 

[مریم افتخار]

ٹوٹی ہے میری نیند مگر تم کو اس سے کیا
بجتے رہیں ہواؤں سے در تم کو اس سے کیا
لے جائیں مجھ کو مال غنیمت کے ساتھ عدو
تم نے تو ڈال دی ہے سپر تم کو اس سے کیا
تم نے تو تھک کے دشت میں خیمے لگا لیے
تنہا کٹے کسی کا سفر تم کو اس سے کیا