میرا جی نہیں سنتا دلِ ناشاد میری

[شمشاد]

نہیں سنتا دلِ ناشاد میری
ہوئی ہے زندگی برباد میری

رہائی کی اُمیدیں مجھ کو معلوم
تسّلی کر نہ اے صیّاد میری

نہیں ہے بزم میں ان کی رسائی
یہ کیا فریاد ہے فریاد میری

میں تم سے عرض کرتا ہوں بہ صد شوق
سنو گر سن سکو روداد میری

مجھے ہر لمحہ آئے یاد تیری
کبھی آئی تجھے بھی یاد میری
(میرا جی)

 

[طارق شاہ]

نہیں سُنتا دلِ ناشاد میری
ہُوئی ہے زندگی برباد میری
کیا کہنے

بہت ہی خوب ،تشکّر شیئر کرنے پر
بہت خوش رہیں صاحب !

 

[شیزان]

عمدہ انتخاب ہے۔۔ شکریہ

 

[عبد الرحمن]

بہت زبردست شمشاد بھائی!
غالبا اس کلام کے کچھ اور بھی اشعار ہیں؟