1. اردو محفل سالگرہ شانزدہم

    اردو محفل کی سولہویں سالگرہ کے موقع پر تمام اردو طبقہ و محفلین کو دلی مبارکباد!

    اعلان ختم کریں

مجاز ننھی پجارن

محمد خلیل الرحمٰن نے 'پسندیدہ کلام' کی ذیل میں اس موضوع کا آغاز کیا، ‏جون 16, 2021

  1. محمد خلیل الرحمٰن

    محمد خلیل الرحمٰن مدیر

    مراسلے:
    11,661
    جھنڈا:
    Pakistan
    موڈ:
    Festive
    ننھی پجارن
    اسرار الحق مجاز


    اک ننھی منی سی پجارن
    پتلی باہیں، پتلی گردن

    بھور بھئے مندر آئی ہے
    آئی نہیں ہے ماں لائی ہے

    وقت سے پہلے جاگ اٹھی ہے
    نیند ابھی آنکھوں میں بھری ہے

    ٹھوڑی تک لٹ آئی ہوئی ہے
    یونہی سی لہرائی ہوئی ہے

    آنکھوں میں تاروں کی چمک ہے
    مکھڑے پہ چاندی کی جھلک ہے

    کیسی سُندر ہے ، کیا کہیے
    ننھی سی اِک سیتا کہیے

    دھوپ چڑھے تارہ چمکا ہے
    پتھر پر اِک پھول کھِلا ہے

    چاند کا ٹکڑا، پھول کی ڈالی
    کمسن ، سیدھی، بھولی بھالی

    ہاتھ میں پیتل کی تھالی ہے
    کان میں چاندی کی بالی ہے

    دل میں لیکن دھیان نہیں ہے
    پوجا کا کچھ گیان نہیں ہے

    کیسی بھولی اور سیدھی ہے
    مندر کی چھت دیکھ رہی ہے

    ماں بڑھ کر چُٹکی لیتی ہے
    چُپکے چُپکے ہنس دیتی ہے

    ہنسنا، رونا اس کا مذہب
    اس کو پوجا سے کیا مطلب

    خود تو آئی ہے مندر میں
    من ہے لیکن گُڑیا گھر میں​
     
    آخری تدوین: ‏جون 16, 2021
    • پسندیدہ پسندیدہ × 4
    • زبردست زبردست × 4
  2. مومن فرحین

    مومن فرحین لائبریرین

    مراسلے:
    1,968
    جھنڈا:
    India
    موڈ:
    Psychedelic
    یہ نظم غالبا ہماری چوتھی یا پانچویں جماعت کے اردو نصاب میں شامل تھی ۔
    بہت ہی پیاری نظم ہے ۔
     
    • پسندیدہ پسندیدہ × 1
  3. میم الف

    میم الف محفلین

    مراسلے:
    485
    جھنڈا:
    Pakistan
    موڈ:
    Fine
    بہت خوبصورت شراکت ہے خلیل صاحب
    بھو بھئے میں غالباً ’ر‘ مِس ہو گیا ہے یعنی: بھور بھئے
     
    • پسندیدہ پسندیدہ × 1
    • دوستانہ دوستانہ × 1
  4. ظہیراحمدظہیر

    ظہیراحمدظہیر محفلین

    مراسلے:
    3,932
    جھنڈا:
    Pakistan
    موڈ:
    Busy
    بہت اچھا انتخاب !
    کیا بات ہے مجاز کی ۔ یہ نظم پہلے نہیں پڑھی تھی ۔ شریک کرنے کے لئے بہت شکریہ خلیل بھائی!
     
    • دوستانہ دوستانہ × 2
  5. لاريب اخلاص

    لاريب اخلاص محفلین

    مراسلے:
    23,634
    کتنی پیاری نظم ہے نا!
    سچ دل میں اتر گئی۔
    سلامت رہیے سر!
     
    • دوستانہ دوستانہ × 2

اس صفحے کی تشہیر