نعت برائے اصلاح

محمد فائق نے 'اِصلاحِ سخن' کی ذیل میں اس موضوع کا آغاز کیا، ‏نومبر 10, 2019

  1. محمد فائق

    محمد فائق محفلین

    مراسلے:
    315
    ہے اعلی و ارفع مقامِ محمد ص
    کلامِ خدا ہے کلامِ محمد ص

    زمیں، آسماں، مختصر دونوں عالم
    بنائے گئے ہیں بنامِ محمد ص

    سبھی کے لیے آپ ص ہیں وجہِ رحمت
    سبھی کے لیے ہے قیامِ محمد ص

    ہے درکار قرآن جیسی بلاغت
    رقم کیسے ہو احتشامِ محمد ص

    جہاں کی ہر اک شئے پہ مفروض ہیں یہ
    لحاظ و ادب، احترامِ محمد ص

    پریشاں میں ہوتا نہیں مشکلوں سے
    ہے وردِ زباں میرے نامِ محمد ص

    یہی میری تعریف کافی ہے فائق
    مقدر سے ہوں میں غلامِ محمد ص
     
  2. محمد فائق

    محمد فائق محفلین

    مراسلے:
    315
  3. الف عین

    الف عین لائبریرین

    مراسلے:
    33,762
    جھنڈا:
    India
    موڈ:
    Psychedelic
    باقی اشعار تو درست ہیں
    زمیں، آسماں، مختصر دونوں عالم
    بنائے گئے ہیں بنامِ محمد ص
    .. مختصر کا لفظ کیوں؟ شاید ذہن میں یوں تھا کہ زمین آسمان ہی نہیں، مختصر یہ کہ دونوں عالم..... مگر
    یوں کر دو
    یہ ارض و سماوات کیا، دونوں عالم

    سبھی کے لیے آپ ص ہیں وجہِ رحمت
    سبھی کے لیے ہے قیامِ محمد ص
    ... قیام کا قافیہ درست نہیں لگتا۔ حالانکہ لفظی معنی درست ہیں کہ نبی ص کا قائم کیا جانا سب کے لیے ہے۔ لیکن اردو میں قیام سے اکثر کچھ عرصے کے لیے ٹھہرنا ہی مراد لیا جاتا ہے۔ اس لیے یہ شعر نکال ہی دو
     
    • پسندیدہ پسندیدہ × 1
  4. محمد فائق

    محمد فائق محفلین

    مراسلے:
    315
    بہت شکریہ سر رہنمائی کے لیے


    اگر اس شعر میں قیام کی جگہ نظام کا قافیہ استعمال کیا جائے تو معنی و مطلب کے اعتبار سے یہ شعر درست رہے گا؟
    سبھی کے لیے آپ ص ہیں وجہِ رحمت
    سبھی کے لیے ہے نظامِ محمد ص
     
  5. محمد فائق

    محمد فائق محفلین

    مراسلے:
    315
    یا پھر یہ شعر بہتر رہے گا
    مساوات و انسانیت کا ہو شہرہ
    جو ہوجائے رائج نظامِ محمد ص
     
  6. الف عین

    الف عین لائبریرین

    مراسلے:
    33,762
    جھنڈا:
    India
    موڈ:
    Psychedelic
    یہ بہتر ہے
     
    • پسندیدہ پسندیدہ × 1

اس صفحے کی تشہیر