مجاز نظم : نیا کشمیر - اسرار الحق مجاز

نیا کشمیر
اک شرارہ جھلملایا اور فضا میں کھو گیا
اک شرارہ جانبِ خلدِ جواں آیا تو کیا
کوئی طوفان آئے اک کوہِ گراں ہے اس طرف
کوئی طوفاں برسرِ کوہِ گراں آیا تو کیا
دست و بازو میں صَلابت آچکی فولاد کی
اب مقابل اک حریفِ نیم جاں آیا تو کیا
خود حقیقت پر پڑے باطل کا سایہ تابکے
مہرِ عالم تاب کے آگے دھواں آیا تو کیا
دیر کی عظمت بھی ہے آخر مسلم ہم نفس
دیر کی محراب تک شورِ اذاں آیا تو کیا

چند بنیادی عناصر مائلِ پیکار ہیں
اک نئے کشمیر کی تشکیل کے آثار ہیں
اسرار الحق مجاز
 
آخری تدوین:
Top