احمد ندیم قاسمی نظم: نامناسب

محمد تابش صدیقی نے 'پسندیدہ کلام' کی ذیل میں اس موضوع کا آغاز کیا، ‏نومبر 22, 2020

  1. محمد تابش صدیقی

    محمد تابش صدیقی منتظم

    مراسلے:
    26,346
    جھنڈا:
    Pakistan
    موڈ:
    Breezy
    نامناسب
    ٭
    نہیں ہمرہو، یہ مناسب نہیں ہے
    یہ تہذیب کی ایک ایسی نفی ہے
    کہ تہذیبِ آئندہ کے پاس بھی
    اس کے اثبات کا کوئی پہلو نہ ہو گا

    اصولوں کی لاشوں کو
    یوں دھوپ میں چھوڑ کر
    آگے بڑھنا مناسب نہیں ہے
    یہ ماضی کی سچائیاں ہیں
    اگر حال ان کی صداقت سے منکر ہوا ہے
    اگر آج یہ بے حقیقت ہیں
    بے مایہ ہیں
    بے اثر ہیں
    تو کیا تم بزرگوں کی میت کی ذلت گوارا کرو گے؟

    نہیں ہمرہو، یہ مناسب نہیں ہے
    اصولوں کی تربت بناؤ
    کفن ان کو پہناؤ اور دفن کر دو
    کہ نسلیں جب آئیں
    تو تہذیب کے ان شہیدوں کے مرقد پہ
    اپنی عقیدت کے پھولوں کی چادر چڑھانا نہ بھولیں

    ٭٭٭
    احمد ندیم قاسمی
     
    • پسندیدہ پسندیدہ × 2
    • زبردست زبردست × 1
  2. جاسمن

    جاسمن مدیر

    مراسلے:
    14,984
    جھنڈا:
    Pakistan
    موڈ:
    Fine
    بہت خوب!
    اچھا انتخاب ہے۔:)
     
    • دوستانہ دوستانہ × 1
  3. عمار نقوی

    عمار نقوی محفلین

    مراسلے:
    546
    جھنڈا:
    India
    موڈ:
    Bookworm
    واہ ! سبحان اللہ !!
     
    • دوستانہ دوستانہ × 1

اس صفحے کی تشہیر