محمد تابش صدیقی
منتظم
زندگی
٭
جز بلب بستن نہیں تابِ بیانِ زندگی
ہے فنا تمہیدِ شرحِ داستانِ زندگی
جستجو سے یہ ملا آخر نشانِ زندگی
چند قبریں نقشِ پائے رہروانِ زندگی
اے مصور! ایک تصویر اس طرح سے کھینچ دے
بارِ دوشِ بے کسی کوہِ گرانِ زندگی
ہیں خیالی صورتیں ہنگامہ آرائے وجود
محشرستانِ توہم ہے جہانِ زندگی
ہے مثالِ دود اپنا عالمِ بود و نبود
یعنی شاخِ شعلہ پر ہے آشیانِ زندگی
صرفِ گلشن ہے بجائے آب، خونِ آرزو
یہ بہارِ زندگی ہے یا خزانِ زندگی
زندگی مردار اور اس زندگی کے واسطے
کشمکش میں ہیں سگانِ استخوانِ زندگی
آرزو ، پھر آرزو کے بعد خونِ آرزو
ایک مصرع میں ہے ساری داستانِ زندگی
دانۂ گندم کے بدلے آدمی کو پیس ڈال
او زمینِ زندگی اور آسمانِ زندگی
پھر سبق کچھ اور ہے بعدِ نصابِ زندگی
ہے فقط دیباچۂ عبرت کتابِ زندگی
یہ عدم والوں کی خاموشی نے ثابت کر دیا
تھا عذابِ قبر سے بدتر عذابِ زندگی
مطربانِ زندگی نے رنگ بدلے نو بہ نو
ایک ہی دھن پر رہا تارِ ربابِ زندگی
ہے طلوعِ صبحِ پیری تک فقط اس کی نمود
قطرۂ شبنم ہے گویا آفتابِ زندگی
ہے تری بنیاد ہی میں اختلافِ باد و آب
کس بھروسے پر ابھرتا ہے حبابِ زندگی
محوِ رویائے غم و شادی ہیں دو خوابیدہ ہوش
کامیابِ زندگی نا کامیابِ زندگی
حرفِ باطل ہی لکھا دیکھا اس اندیشے کے بعد
یعنی خوابِ زندگی، تعبیرِ خوابِ زندگی
جستجو اک بوالفضولی ہے سکندر گھر میں بیٹھ
خضر کی مانند ہے ناپید آبِ زندگی
٭٭٭
حفیظ جالندھری
٭
جز بلب بستن نہیں تابِ بیانِ زندگی
ہے فنا تمہیدِ شرحِ داستانِ زندگی
جستجو سے یہ ملا آخر نشانِ زندگی
چند قبریں نقشِ پائے رہروانِ زندگی
اے مصور! ایک تصویر اس طرح سے کھینچ دے
بارِ دوشِ بے کسی کوہِ گرانِ زندگی
ہیں خیالی صورتیں ہنگامہ آرائے وجود
محشرستانِ توہم ہے جہانِ زندگی
ہے مثالِ دود اپنا عالمِ بود و نبود
یعنی شاخِ شعلہ پر ہے آشیانِ زندگی
صرفِ گلشن ہے بجائے آب، خونِ آرزو
یہ بہارِ زندگی ہے یا خزانِ زندگی
زندگی مردار اور اس زندگی کے واسطے
کشمکش میں ہیں سگانِ استخوانِ زندگی
آرزو ، پھر آرزو کے بعد خونِ آرزو
ایک مصرع میں ہے ساری داستانِ زندگی
دانۂ گندم کے بدلے آدمی کو پیس ڈال
او زمینِ زندگی اور آسمانِ زندگی
پھر سبق کچھ اور ہے بعدِ نصابِ زندگی
ہے فقط دیباچۂ عبرت کتابِ زندگی
یہ عدم والوں کی خاموشی نے ثابت کر دیا
تھا عذابِ قبر سے بدتر عذابِ زندگی
مطربانِ زندگی نے رنگ بدلے نو بہ نو
ایک ہی دھن پر رہا تارِ ربابِ زندگی
ہے طلوعِ صبحِ پیری تک فقط اس کی نمود
قطرۂ شبنم ہے گویا آفتابِ زندگی
ہے تری بنیاد ہی میں اختلافِ باد و آب
کس بھروسے پر ابھرتا ہے حبابِ زندگی
محوِ رویائے غم و شادی ہیں دو خوابیدہ ہوش
کامیابِ زندگی نا کامیابِ زندگی
حرفِ باطل ہی لکھا دیکھا اس اندیشے کے بعد
یعنی خوابِ زندگی، تعبیرِ خوابِ زندگی
جستجو اک بوالفضولی ہے سکندر گھر میں بیٹھ
خضر کی مانند ہے ناپید آبِ زندگی
٭٭٭
حفیظ جالندھری
