مجید امجد نظم -زندگی ، اے زندگی -مجید امجد

[پیاسا صحرا]

زندگی ، اے زندگی

خرقہ پوش و پا بہ گل
میں کھڑا ہوں، تیرے در پر ، زندگی
ملتجی و مضمحل
خرقہ پوش و پا بہ گل
اے جہانِ خار و خس کی روشنی
زندگی ، اے زندگی

میں ترے در پر چمکتی چلمنوں کی اوٹ سے
سن رہا ہوں قہقہوں کے دھمیے دھیمے زمزمے
گرم ، گہری ، گفتگو کے سلسلے
منقل آتش بجاں کے متصل،
اور ادھر باہر گلی میں، خرقہ پوش و پا بہ گل
میں کہ اک لمحے کا دل
جس کی ہر دھڑکن میں گونجے دو جہاں کی تیرگی
زندگی ، اے زندگی

کتنے سائے محوِ رقص
تیرے در کے پردہء گلفام پر
کتنے سائے، کتنے عکس
کتنے پیکر محوِ رقص
اور اک تو کہنیاں ٹیکے خم ایام پر
ہونٹ رکھ کر جام پر
سن رہی ہے ناچتی صدیوں کا آہنگِ قدم
جاوداں خوشیوں کی بجتی گتکڑی کے زیر و بم
آنچلوں کی جھم جھماہٹ، پائلوں کی چھم چھم
اس طرف، باہر، سر کوئے عدم
ایک طوفاں، ایک سیل بے اماں
ڈوبنے کو ہیں مرے شام و سحر کی کشتیاں
اے نگارِ دل ستاں
اپنی نٹ کھٹ انکھڑیوں سے میری جانب جھانک بھی
زندگی، اے زندگی

22/5/1953

مجید امجد

 

[فرخ منظور]

واہ واہ کیا ہی خوبصورت نظم ہے۔ بہت بہت شکریہ پیاسا صحرا! مجھے امید نہیں تھی کہ میری فرمائش اتنی جلدی پوری ہو جائے گی۔ ایک بار پھر بہت شکریہ! واہ مزا آگیا جناب!

 

[محمد وارث]

واقعی بہت خوبصورت نظم ہے، بہت شکریہ جناب شیئر کرنے کیلیے!

 

[فرخ منظور]

سن رہی ہے ناچتی صدیوں کا آہنگِ قدم

پیاسا صحرا، یہاں پر قدم کی بجائے قدیم ہوگا۔ ذرا اسے درست کر دیں۔ بہت شکریہ!

 

[محمود احمد غزنوی]

منقل آتش بجاں کے متصل،

اسکی کچھ سمجھ نہیں آئی

 

[Saraah]

''زندگی'' کی شاعری کی تلاش میں ہمہ وقت رہتی ہوں ،بہت شکریہ بے حد عمدہ نظم ،بہت ہی شکریہ

 

[فرخ منظور]

اسکی کچھ سمجھ نہیں آئی

منقل: انگیٹھی، آتش دان
یعنی انگیٹھی کے ساتھ جو کہ جان پر آتش جلا رہی ہے۔

 

[شاہ حسین]

بہت خوب جناب پیاسا صحرا صاحب عمدہ نظم ہے ۔

 

[پیاسا صحرا]

واہ واہ کیا ہی خوبصورت نظم ہے۔ بہت بہت شکریہ پیاسا صحرا! مجھے امید نہیں تھی کہ میری فرمائش اتنی جلدی پوری ہو جائے گی۔ ایک بار پھر بہت شکریہ! واہ مزا آگیا جناب!

بس سخنور بھائی پاس ہی پڑی تھی کلیات اور وقت بھی تھا سو اسی وقت ڈھونڈ کر آپ کے ذوق کی خاطر ٹائپ کر دی ۔ آپ کا بھی بہت بہت شکریہ ۔

 

[پیاسا صحرا]

واقعی بہت خوبصورت نظم ہے، بہت شکریہ جناب شیئر کرنے کیلیے!

بہت شکریہ استادِ محترم آپ کا بھی ۔

 

[پیاسا صحرا]

پیاسا صحرا، یہاں پر قدم کی بجائے قدیم ہوگا۔ ذرا اسے درست کر دیں۔ بہت شکریہ!

فرخ بھائی واقعی ایسے ہی ہے بس جلدی میں ٹائپنگ میں اکثر اغلاط ہو جاتی ہیں ۔ نشاندہی کے لیے بہت بہت شکریہ ۔

 

[پیاسا صحرا]

''زندگی'' کی شاعری کی تلاش میں ہمہ وقت رہتی ہوں ،بہت شکریہ بے حد عمدہ نظم ،بہت ہی شکریہ

فر خ بھائی کا شکریہ ادا کریں ۔ یہ تو ان کی پسند اور فرمائش ہے۔

 

[پیاسا صحرا]

بہت خوب جناب پیاسا صحرا صاحب عمدہ نظم ہے ۔

بہت بہت شکریہ شاہ جی ۔

 

[Saraah]

فر خ بھائی کا شکریہ ادا کریں ۔ یہ تو ان کی پسند اور فرمائش ہے۔

اوہ اچھاااااااااا

چلیں سخنور جی آپکا شکریہ بہت بہت

 

[فرخ منظور]

''زندگی'' کی شاعری کی تلاش میں ہمہ وقت رہتی ہوں ،بہت شکریہ بے حد عمدہ نظم ،بہت ہی شکریہ

سارہ، ن م راشد کی بھی دو نظمیں زندگی پر ہیں۔ وہ بھی پڑھیے۔ نیچے روابط دے رہا ہوں۔

زندگی سے ڈرتے ھو؟ - از ن م راشد


زندگی اک پیرہ زن! -- از ن م راشد

 

[Saraah]

سارہ، ن م راشد کی بھی دو نظمیں زندگی پر ہیں۔ وہ بھی پڑھیے۔ نیچے روابط دے رہا ہوں۔

زندگی سے ڈرتے ھو؟ - از ن م راشد


زندگی اک پیرہ زن! -- از ن م راشد

جی

زندگی سے ڈرتے ہو تو میری پسندیدہ نظم ہے ،دوسری والی پڑھنے کا اتفاق نہیں ہوا ابھی،''کلیات راشد'' لا کہ رکھی ہے ابھی پڑھ نہیں پائی

بہت شکریہ سر

 

[فرخ منظور]

جی

زندگی سے ڈرتے ہو تو میری پسندیدہ نظم ہے ،دوسری والی پڑھنے کا اتفاق نہیں ہوا ابھی،''کلیات راشد'' لا کہ رکھی ہے ابھی پڑھ نہیں پائی

بہت شکریہ سر

آپ کا بھی شکریہ کہ آپ نے کلیاتِ راشد خریدی۔